قررت افتح جسمي بالليزر (تجربتي ،،&،، نصائحكم)

السلام عليكم،،،،،

عزيزاتي الحوائيات.....

انا توكلت على الله وقررت افتح المناطق الغامقة في جسمي بالليزر.....

طبعا انا ماخطيت هالخطوة الا بعد ماعانيت سنين ......

وجربت كل الخلطات ولا فادتني

واخذتها كلها وكبيتها في الزبالة......

وقلت بلا ما اتعب نفسي على اشياء يا تفيدني يا لا

توكلت على الله ورحت عند دكتورة جلدية شاطرة ويمدحونها

وعرضت عليها مشكلتي......

طبعا انا اعاني من سواد في منطقة الابطين وبين الفخوذ والمناطق الحساسة 

وعندي الساقين كمان لونها اسمر وفيها مسامات....

مع اني بيضاء الحمدالله والي يشوف وجهي ويديني مايتخيل فيني هالبلاوي متخبية
...
وهي كلها سببها ان بشرتي حساسة وانا صغيرة كان عندي حساسية

واي منطقة احكها يطلع مكانها اسود.....

الدكتورة في البداية عرضت علي كريمات وقالت لي انها راح تاخذلها وقت لين يبين مفعولها....

وانا قلتلها بصراحة يادكتورة مافيني اصبر لاني صبرت بما فيه الكفاية وابغى شي اسرع.....

فاتفقت معها تسويلي جلسات بالليزر....

الابطين راح تكلفني كل جلسة 250 ريال
وحالتي انا يبيلها 4 جلسات بين كل جلسةوجلسة فترة اسبوعين وتعطيني كريمات استخدمها بين الجلسات.....

الاكواع والركب نفس الشي الجلسة ب250 ريال وعدد الجلسات حسب اللون الموجود ان كان داكن او خفيف
......
بالنسبة لبين الفخوذ على كلام الدكتورة راح تشوف في وقته اذا كان كبير راح يكون له علاج لوحده اما اذا كان بسيط فراح تحسبه لي مع الابطين ....

والمناطق الحساسة انا محرجة جدا منها مع اني ام وعندي اثنين ومتعوده عالكشف عند الدكتورة ههههه
بس راح ابحث عن فتوى اكيده في هالموضوع......

وعلى كلام الدكتورة ان كل منطقة لها جهاز ليزر خاص فيها ......

بالنسبة لجلستي راح تكون بعد اسبوعين او اقل لان ظروفي حاليا ماتسمح

وانا ان شاءالله راح اكتبلكم تجربتي بالتفصيل وبالاسعار وبكل شي يصير معي

لاني متأكدة ان فيه بنات كثيييير يعانون من نفس مشكلتي ويدورون احد يفيدهم

ورجاء بنات الي سبق واستخدمت الليزر لاي منطقة في جسمها تعرض علينا تجربتها بالتفصيل عشان نستفيد من اسعار واسم الدكتورة والمركز وكل شي...

وبالنسبة لاسم المركز والدكتورة فاعتذر الحين ما راح اذكره الا بعد ما اشوف نتيجته...
لاني ماودي احط شي في ذمتي....

ورجاء من كل وحدة دخلت موضوعي سوا استفادت او لا تدعيلي ربي يحققلي كل ما اتمنى.....

وموفقين يارب