قررت افرش سجاتي وادعي عليها من كل قلبي

بنات والله اكرها كره خلاص مااقدر
انا عمري ماكرهت حد بس من الظلم الي شفته
والقهر الي في قلبي قررت ادعي عليها
شوهت سمعتي عند الناس دايما اتوضح اني وحده مافيها خير !!
اي حسنة اسويها جدامها تقلبها سيئة اي كلمة عادية تحورها وتزيد وتبدع
لين مااطلعني انسانه شريرة !!!
كل الفريج حتى بشاكيرهم يتحروني قلبي قاسي مثل هالي يحطونهم فالمسلسلات !!
شي يضحك ويحزن في نفس الوقت !!!
البعض ماايعرفني لاني توني عروس بس اذا صادفتهم اسولف عادي واضحك لانه فالاساس انا اجتماعية لو تشوفون نظراتهم قبل مااتكلم وبعد ...فرق السماء والارض....باين انهم ماخذين عني فكرة مب زينة ....
انا بكل فخر الحمدالله اهلي علموني احترم الصغير والكبير ولااتدخل في خصوصيات حد ...
عطيتها من الاحترام وحسن المعاملة مايكفي بس مافاد فيها
ماشفت غير الحقد والحسد والغيرة والمكر وياليت تحطون مليار خط تحت المكر
مكاره مكر اعوذبالله منها ومن مكرها تسوي مشكلة من لاشيء وتطلع هي المظلومة وغيرها الظالم....
تتكلم ويايه زين بس من ورايه تحفر وتسويلي خطط ودسايس
حسبي الله عليها وعلى نفاقها ....العدو بتحترس منه لكن المنافق يجاملك وتنخدع فيه واخر شي يطلع اشد من العدو نفسه (حية رقطى )
اكيد انكم عرفتوا عن منو اتكلم
هذي وبلا فخر ام زوجي
احلف بربي الي خلقني اني مااغار منها والله زوجي هو ولدها ضناها ولو شو يستوي ..اللهم لك الحمد والشكر مااغار بلعكس دايما اقوله حب راس امك وصلها المكان الفلاني ولامره اشتكيتله عن مصايب امه ساكته وصابره
الين ما خلاص انفجرت ....
هذي ماعندها شغله غيري تحش فيه على طول تتصل لولدها وتحش فيه والله بدون سالفة غير حريم الفريج حتى الطباخ الي عمري ماشفته اسمعها اتحش فيه عنده
وانا اهلي ماخبرتهم عن فعايلها الشينه ....
تصدقون تموت حره اذا حبيتها على راسها كم مره اتقولي عشان تجرحني لاتحبيني ...اتقول مادري شو حاطه في راسي يالجذب اقول عادي بحبج واحبها وراسها مافي شي .... طبعا الحين مااحبها لاني اكرها ومااعرف انافق
السلام الي هو السلام ماترد عليه اتسوي عمرها ماسمعت وانا بيني وبينها خطوة !!!!!
بشكارتي كل يوم تضارب ويها وتختلق اعذار واهيه البشكارة مسكينه اتصيح منها وانا اقولها هذي حرمه كبير ماعليه اتحمليها انتي اسمعي مني وطلعي مني
تغار اذا اهلي طرشولنا غداء مع انه زوجي هو الي يقولي في خاطره غداء من بيتنا ....ومب من كثر طلعاتي ويا زوجي بس اذا طلعنا اشوف الحقد والكره في عينها ...
حتى يوم سافرنا شهر العسل ورجعنا قالتلي انا قلبي يعورني طول مانتو مسافرين بدال هالسفره مب كان المفروض تودوني العمرة !!!!!!
يعني تبا اتوضح انه نحن غلطنا عليها يوم سافرنا حالنا من حال غيرنا
شوهاي ؟؟؟
قلتلها فالج طيب يوم الي بيكتبلنا سفرة بنوديج العمرة .....مالت عليه
ماابا اكتب تفاصيل بس طلعت عيوني تتجسس علينا والله تسهر لين وقت متاخر بس عشان تصنت علينا ....تتحكم في كل شي قلت ماعلي هذا بيتها ومن حقها تتحكم ...
تسالني عن موضوع يخص زوجي اجاوبها عادي تحور الكلام وتمسكه ا تقوله بطريقة كاني اطلع زوجي الغلطان وزوجي ايقوليشوقلت حق امي اقوله ببساطه الموضوع بس اشوف في عينه كلام وكلام .....اعرف ليش مايناقشني لانه مايشوفني ابدا اتكلم عن امه في سوء ...
مره امه تاخرت برع البيت وزوجي معصب عليها قلتله ماعليه زحمة اتعرف اجازة والشوارع زحمة سكت ...
اول الاشهر كنت دايما بعد مايطلع زوجي ايلس وياها لين مايرجع !!!
تخيلووو الوحده مرات ودها تاخذ راحتها تقعد على النت تقرا شي مفيد اتشوف الاخبار تتكلم مع الاهل او وحده من اربيعاتها.... وانا حارمه نفسي اقول ماعليه ام زوجي ...اتحملت اسمع الحش فالناس والنميمة وفعلا ياني منها اكتئاب وصامدة الين اليوم الي الله كشفها جدامي كنت مصليه العشاء ودعيت ربي ان يكشفلي شي انا مب فاهمتنه وهو نظرت اهل زوجي لي ومعاملتهم الرسمية
سبحانك ياربي وانا نازله من الدري اسمعها من غير قصد تكلم ولدها فالتلفون
تقوله هذي كله قاعده فوق وماتنزل بالايام عندي ومادري شووو والله كانه حد طعني ....انا قعدتي وياها غباء مني ولا هي ماتستاهل المقابل حسبي الله ونعم الوكيل ..حلفت ماانزل الها الابمزاجي وبكيفي وابدي نفسي بعدين واجبي اتجاها
اول ماحسيت اني اكرها لمت نفسي قلت حرام اناليش اكرها بس على كثر المواقف الي تمر عليه احس اني ماانلام....
والحين خلاص قررت افرش سجاتي وادعي عليها الين مااقول بس
اتمنى كل وحده تدخل موضوعي تدعيلي الله يكفيني شرها ومكرها ويكشفها عند كل واحد ووحده تكلمت عني بالي مب في ....
يارب فرج همي واظهر حقي يارب انك تعلم سري وعلانيتي وتعلم صدق قولي
يارب اصرف شرها ومكرها عني يارب ارحمني
آمين