nada_07 @nada_07
عضوة نشيطة
قررت الانفصال عن خطيبي
بسم الله الرحمن الرحيم
السلام عليكم يابنات
بدخل على الموضوع على طول
انا بنت جامعية متوسطة الجمال وعمري 28 غير موظفه من 6 شهور تقدم لي شاب متدين وخلوق وطيب عمره 34 يعني اكبر مني ب 6سنوات
بس عيوبة عنده بس ثانوية عامة و كمان مااقتنعت بشكله وغير كدا راتبه ضعيف
كنت مترددة جدا واستخرت كثير وبعد ضغوظ عليا من اهلي انو اهم شيء الدين والأخلاق وافقت علية
صحيح راتبه قليل بس قلت بكرة راتبي على راتبه وان شاء الله امورنا تتحسن
في فترة الخطوبة كنت اتواصل معاه عن طريق الواتس تعرفنا على بعض بشكل عام واكدت عليه اني حابة اتوظف واني اقدم على وظايف من فترة وبعدها تمت الملكة
لمن سالني الشيخ عن شروطي قلت ما يمنعني من العمل والدراسه
بس قبلها ما قولت له اني راح اكتب بالعقد
هو قالي انك فاجئتيني بس انا مو ضد انك تشتغلي
وبعد الملكة كل يوم اقله اني قدمت على شركة يسالني ردو عليك ولا لا وكل مرة اقدم في مكان يسألني
اللي جاب المشكلة اللحين لقيت وظيفة يقولي ماعندي مانع تشتغلي لكن بعد الزواج اقعدي في اللبيت
و يقولي اصلا انا ماخطبتك الا لانك جالسة في البيت وما تشتغلي يعني غير رأيه
دحين خيرني بين الوظيفة ولا اكمل معاه و قالي فكري
يعني تغاضيت عن امور كثيرة فيه لكن انه يمنعني عن الوظيفة صعبة وخصوصا راتبه ضعيف
دحين جديا افكر بفسخ العقد
السؤال لو انا طلبت فسخ العقد ارجع له المهر ولا لا لانه انا كاتبة الشروووط مايمنعني من العمل .
60
14K
يلزم عليك تسجيل الدخول أولًا لكتابة تعليق.
زي ماقالت الاخت
بس تشاوري مع اهلك بالموضوع
ومعك حق وهذا حقك ومايجوز له يحرمك من حقك
واصلا لازم الشروط تكتب بالعقد كيف تفاجئ الاخ الفاضل
اللي ماتكتب شروطها بالعقد تخسر كثير وتظلم نفسها
حنا نكتب بالعقد
1- اذا كانت تدرس او تبي تكمل الجامعه او الماجستير او الدكتوراه تكتبه بالعقد
يعني لايمنعها من اكمال دراستها حتى لو اجلت بسبب الحمل يكون مكتوب بالعقد
2- لايمنعها من الذهاب لاهلها واقاربها
3- لايمنعها من وظيفتها اذا كانت موظفه او اذا ماكانت موظفه تكتب لايمنعها من الوظيفه
4- حرة التصرف في مالها
5- الحج ( فيه ازواج مقتدر بس هو حاج وشبع اذا جت على زوجته قالها خلي واحد من اخوانك يحج فيك) وهو ماعنده مشكله هذا واحد من اقاربي يعيدها لزوجته كل ماقالت حج فيني وانا ادفع
بس والله اللي اعرفهم مايطبقون شروط زوجاتهم اللي زي ذي
بس تشاوري مع اهلك بالموضوع
ومعك حق وهذا حقك ومايجوز له يحرمك من حقك
واصلا لازم الشروط تكتب بالعقد كيف تفاجئ الاخ الفاضل
اللي ماتكتب شروطها بالعقد تخسر كثير وتظلم نفسها
حنا نكتب بالعقد
1- اذا كانت تدرس او تبي تكمل الجامعه او الماجستير او الدكتوراه تكتبه بالعقد
يعني لايمنعها من اكمال دراستها حتى لو اجلت بسبب الحمل يكون مكتوب بالعقد
2- لايمنعها من الذهاب لاهلها واقاربها
3- لايمنعها من وظيفتها اذا كانت موظفه او اذا ماكانت موظفه تكتب لايمنعها من الوظيفه
4- حرة التصرف في مالها
5- الحج ( فيه ازواج مقتدر بس هو حاج وشبع اذا جت على زوجته قالها خلي واحد من اخوانك يحج فيك) وهو ماعنده مشكله هذا واحد من اقاربي يعيدها لزوجته كل ماقالت حج فيني وانا ادفع
بس والله اللي اعرفهم مايطبقون شروط زوجاتهم اللي زي ذي
الصفحة الأخيرة
ترجعينهم له
بس دامك شارطة في العقد ماله حق يمنعك
من الوظيفة
استخيري
والله يوفقك