قررت انسى موضوع الحمل .. و اعيش حياتي .. مين ينضم معاي

السلام عليكم ...
كيف حالكن يا خواتي ..

خواتي قبل كم يوم نسيت موضوع الحمل .. رحت مارست اجمل هواية عندي و هي السباحه .. احب اسبح و ارقص ... احب اهتم بشكلي .... و الله العظيم نفسيتي ارتاحت كثيير .. و حتى زوجي ارتاح .. لانه سبحان الله روح البيت من روح المرأة ...

حتى قسم تأخر الحمل صار لي فترة ما قعدت فيه في الساعات ... و اليوم رحت عند الطبيبه قالت لي عندك تضخم في المبايض بس له علاج لا تخافي .. انا على طووووول رحت حطيت موضوع عن تضخم المبايض لاني خفت .. بعدين قلت بيني و بين نفسي .. لحظه !!!!!
لا ترجعي يا الشوق مثل السابق تحولي حياتك الى كآبه و حزن ... انا ما اقولكم لا تركضوا ورى الاسباب .. عادي تابعوا مراجعاتكم عند الاطباء .. و اهم من ذلك ادعوا الله تعالى و اقرؤا القرآن و اكثروا من الاستغفاااار .. و ارقوا نفسكم الرقية الشرعية

بس خلي نفسيتكم ريلاااااااااااااااااااااكس و هاديه .... روحي عند الطبيبه وانتي هاديه و ابتسامه في وجهك عادي ... :)
حد سالك ليش ما جبتي جاوبي عليها الله كريم و خلاص نقطة على السطر لا تخليها تتعمق في الاسئله ... و اصلا الناس بس تبي تتفلسف و على بالك اذا جبتي الاول راح يخلصوا من الاسئله .. لا طبعا .. متى راح تجيبين الثاني .. و الثالث .. و اخت لبنتك ... و اخ لابنك ... و مدري ايييش ... ههههههههههههه و الله الناس تضحك و عليهم اسئله الحمد لله و الشكر . صايره اضحك عليهم بدل ما ازعل .. ما عندهم شي غيري هم .. كيفهم ما علي منهم .. و يقولك الشاعر .. من راقب الناس مات هما و فاز باللذة الجسور .. اي من اهتم لكلام الناس و لتعليقاتهم .. لم يستمتع لمباهج الحياة و ملذاتها ... هذا يلي قاعد يصير فينا

نسينا كل شي حلو ... الحمد لله ربي معطينا ازواج صالحين . و صحه .. و كل شي تمام ... بالنسبة للاطفال هذا رزق يا خواتي .. رزق .. و راح يجي في الوقت المناسب ..

انا الآن موكله امري لرب العالمين .. وكلت امري كله لله وحده ... الحمد لله الحمد لله الحمد لله ..
عايشه حياتي بما يرضي الله تعالى .. ابغى اشترك في نادي رياضي و الحمد لله شريت جهاز مشي .. و اهتم بنفسي و رشاقتي و شعري .. و اطبخ لزوجي الذ المأكولات و اقابله لما يرجع من العمل بشكل حلو مو بدمووووع و عيون منفخه .. كأنه حد ميت لي ... و العياذ بالله ... مسكين زوجي كان يقولي ابغى ارجع من العمل ارتاح .. صاير ما احب آجي البيت ... صاير البيت كله هم و نكد .....
مسكين ايش ذنبه و ايش ذنبك انتي تعذبيها بهذي الطريقه .. متى راح تقرروا تعيشوا حياتكم .. لما يصير عمركم ستين سنه !! تبغوا تضعيوا كل شي حلو في حياتكم و تحولوا حياتكم لجحيم .. ليييييش !!!!! عشان شي مو بيدنا لو بيدنا اقول معاكم حق .. بس و رب الكعبه مو بيدنا ..

و بنفس الوقت قاعده اشتغل على موضوع البيبي و اتابع مع الدكتورة .. بس كله بهداوة و بنفسيه راضيه مؤمنه و موقنه ان كل شئ خير .. ليش لما تيجي الدكتورة تحط السونار في بطني و تشوف تبويضي اقعد ارجف و اخاف كانه راح تآكلني .. مآخذه كل شي براحه ...

زوجي الحين صرت اشوف ابتسامته .. و انا و الله العظيم ارتحت ... ما ابغى حياتي تضيع .. افرضوا ما جبنا اطفال .. ان شاء الله راح نجيب .... بس يعني افرضوا ... ايش راح تكونوا استفدتوا ... خسرتوا كل شي لا تمتعتي بشبابك مع زوجك بما يرضي الله تعالى و لا جاكي بيبي .. ما فزتي بشي ..

يا خواتي خلينا مؤمنين راضين ... وين الايمان ... وين الرضا . وين صفاتنا كمؤمنين ...
يلا خلينا نعيش حياتنا بما يرضي الله تعالى و بنفس الوقت نجري ورى الاسباب و نحاول نجيب بيبي بس بنفسيات مؤمنه و هاديه مو بخوف و رجف و اعصاب و دموع و كآبه .. يا ربيييييييييي و الله قاعدين نضيع اشياء حلوه كثير في حياتنا

استمتعي مع زوجك في الحياة بما يرضي الله .. سافروا سوى .. فاجئيه بليلة رقص :42: .. فاجئيه بلوك جديد و ابتسامه مشرقه :) ... فاجئيه بليلة مساج هاديه و رومانسيه ... اضحكوا سوى .. نكتوا مع بعض .. انبسطوووووووووووووا .. الحياة حلوه ... :26:
و تذكري .. انتي بيدك تحولين بيتك الى بيت ملئ بالسعاده و الاشراق او الى كآبه و مضاربات مع الزوج ... اختاري
و آسفه اذا طولت عليكم ..

اختكم في الله .. الشوق