قررت انفصل عن زوجي بسبب سفرته وابي مشورتكم 💔\\قديم

السلام عليكم بنات حواء شخباركم
بدخل بموضوعي على طول




انا وحدة توني متزوجة ما كملت سنة وحامل وبولد قريب ان شاء الله علاقتي بزوجي تبين مستقرة ويكلمني حب وما حب ومعاي طول الوقت ما نفترق الا اذا راح دوامه او رحت عند اهلي حتى السوبرماركت اذا راح أخذني معاه ومو مني ترى هو يبي كذا ومو مقصر معاي ولا من اي ناحية الحمدلله لكن الرجال ما يندرى عنهم وجايتكم بالسالفة 💔




الصراحة انا ما قد شفت ولا مسكت عليه شي أبد من ايام الملكة هو لحاله جا وقالي انا كنت وكنت وكنت والحين شوفي بسوي كذا علشانك والله يتوب علي ومن ذا الكلام وحذف كل البنات من الفيس والانستقرام وغير رقمه وغير جهازه علشان خاطري على قولته وانا والله ماطلبت منه هالشي ولا فتشت ولا سألته ولا فتحت معاه الموضوع اصلا


المهم هو انسان من الدوام للبيت ومن البيت للدوام وكل دشرته من قبل الزواج برا في دولة شقيقة اما هنا مستقيم وما عنده غير صديقين وهم الي فيهم البلا كله وخصوصا هذا الزفت الي موب متزوج ماخذ شقة بعيد عن أهله وفاتحها للخراب والوساخة الله لا يبارك فيه وكل اسبوع يعزمه ويلزم ويقوله في فلانة وجايبين الشراب الفلاني بس ما يروح عنده وكل مكالماتهم قدامي وسبيكر ومره راحو الاثنين الدولة هذيك من غير زوجي وسهرو مع بنات وثاني يوم الزفت راسل بقروبهم ڤيديو وسخ والبنت بالسرير تقول له بلهجتهم طبعا حبيبي عبود " زوجي " وحشتني وتعال وابيك معاي والسرير بارد من غيرك ومدري وش واثارته بشكل ما تتوقعونه يا بنات لدرجة انه قام تروش بعدها 💔 سويت سالفة وحريقة وطلع من القروب وزعل وقالي لو بخون ما بفتح كل شي قدامك وأوريك كل شي بس على مين واصلا البلا فيهم معاه بالدوام وباقي علاقته فيهم مستمرة يعني ما تغير شي
المهم امس يقولي بعد ما تولدين بنطلع انا وأصحابي لأي دولة نغير جو أسبوعين وهم اصلا من قبل الزواج كل سفراتهم الثلاثة مع بعض لذيك الدولة وكل قعدتهم سهرات وبنات وشراب بس يقولي الحين مستحيييييل اسويها وعلشان ترتاحين انتي اختاريلنا البلد على كيفك وأعطيني خبر علشان نحجز وبكلمك فيديو كل يوم علشان أطمنك اني بنام بدري ولحالي ومن ذا الكلام ووالله وديييي بالسفرة وأغير جو من النكد وقرف الدوام ذا وربي حسيت كنه سكين بصدري كأنه يقولي تراك خنقتيني وابي افتك منك لا تقولون لي أعطيه الثقة ابدددددد ولا أعطيه مساحة




زوجي يا بنات شهواني وضعييييييييييييييييييييف قدام الجنس الناعم وقلبه رهيف يعني دمعتين وقصة حزينة من تأليف اتفه بنت تلف راسه وتخليه ما ينام الليل ودايم يقولي لا تتشمتين ببنات الليل ترا ما تدرين عن ظروفهم وايش اللي حادهم على كذا يعني هو + قلبه الضعيف + شياطين الانس أصدقاه مليار بالميه بيصير شي والله غير انه ليش يشوف راحته ووناسته بعيد عني لذي الدرجه انا خانقته وقارفته !!!! اذا كذا بعطيه حريته للأبد مع السلامة
انا زوجته وانا الي حامل وتعبانة ومحبوسة بالبيت واكرف وانا الي ودي أغير جو وأستأنس موب هو


المهم انا ما رديت عليه ولا بحرف من حرقة قلبي انخرس لساني وسكت ومسسسسسسسسسسسسسسسسسكت نففففففسسسسيي عنه وطول اليوم يلاحقني يقول لا تزعلين خلنا نتفاهم وأقوله خلاص ما في شي نتفاهم عليه وأمثل اني عادي لكن والله يا بنات حتى الابتسامة عيت لا تطلع بوجهه كرهههههههههههههههههته موت وقرفت منه حسّيت كل شي كان يقوله لي كذب وكل شي كان يسويه مجاملة لي وانه خذاني موب لانه حبني ويبي يبني معاي عايلة سعيدة الا بس كذا تمشية حال وخلاص لانه ما بيطلع له تصريح
ومابي اتكلم وماودي يغير رأيه تسكيته ولا لانه خايف ولا مجاملة لاني ما ودي افرض نفسي على احد يا حب صادق ولا بلا منها عيشة

ارسلت الحارس يجيب لي كراتين وجرايد وبادية الحين أغلف القزاز وأغراض المطبخ الي باخذهم وبرتب أغراضي وأقوله طلقني قبل ماتروح دامك قررت ترجع لهالطريق رجعني للبيت الي خذيتني منه معززة مكرمة بصحتي وعافيتي وتعال بعد كم شهر خذ ولدك من المستشفى حتى ما ابي اشوفه ولا اضمه ما ابيه يتعلق فيني واتعلق فيه على الفاضي والله يعوض كل واحد فينا خير
ادري انكم بتسبوني وتلوموني يا بنات لاني ادري من البدايه وخذيته بس وش اسوي حبيته بجنون ولا احد ملا عيني غيره سنتين وانا احبه وأروح بيت اخته دايم لانه بنتها صديقتي ورفضت كل من تقدم لي علشانه وادري عن كل خرابيطه وكل شي يصير لكن كنت اقول الانسان ضعيف وهو شاب ومحروم وبيتغير بعدين ومن هالكلام لكن ما توقعت انه بيصير كذا اه يا قلبي


تزوجته ورفض اني أتوظف بحكم انه تخصصي صحي وكله اختلاط وهو يغار علي كل ذا على أمل انه يحبني لكن كل شي طلع كذب وتمثيييييل 💔 مدري وش اقول ضيعت حسبي الله ونعم الوكيل


انا الحين توني صغيرة ما كملت 23 سنة ومن حقي أعيش حياتي واتوظف وأروح واجي وأحب وأنحب وأكون مع رجال يكون لي انا وبس وسعادته ووناسته تكون معاي وبوجودي


علشان كذا اللي تبي تقولي طنشي وخلك ببيتك واقعدي مع ولدك واهم شي لا يقصر عليك ولا اذا عوضك بسفرة خلاص اتركيه ومن ذا الكلام الله يستر عليها بالله لا ترد على موضوعي لاني استاهل اكثر من كذا وقيمتي اكبر من اني اقعد انحبس واربي عيال وهو يروح يستانس وساحب علي كاني لوحة ولا اني ميتة على سفر ولا صرفه علي علشان يعوضني به ويكفيني الحمدلله شبعانة من بيت اهلي سفر ودلع وعيشة احسن شي وحتى اذا ما انخطبت ولا جاني نصيب عادي اقعد كذا ولا انه ينحسب علي زوج بالاسم وانا اموت باليوم الف موتة وتروح صحتي وشبابي في الهم والقهر والتفكير واللي بتقولي تافهه وأنانية ايه انا كذا ولا بس هم الي يحق لهم يكونون أنانيين


سامحوني ادري كل كلامي ملخبط ولاني دارية وش اكتب بس مقهورة لاني كنت أحسبه يحبني وطلعت مخدوعة فيه والله لا يذوق احد وجع ومرارة الخيانة أبد ادعولي يا بنات وإذا في وحدة قدرت تعالج السالفة بدون انفصال وبدون ما تفرض نفسها تقولي الطرييييقة الله يسعدها طبعا احتمال اني ارضى واسكت حتى لو مؤقت مرفوض نهائي وغير وارد
ترا من أمس وانا اقرا كل مواضيع سفر الازواج بحواء وكل المنتديات وكل نتايج قوقل وما طلعت بحل نص مستسلمات للامر الواقع ونص تكلم أمه او ابوه يغصبه ولا يروح ويجي ويسوي تحليل وهذا مو حل بالنسبة لي لازم يكون عن قناااااااااعه ولا بلا 💔




استغفر الله العظيم قلبي يعورني والله