قررت اهج. . اهاجر. . لاحد يردني. .ابغى ارتاح تعبت تعبت

انا خلص تعبت مليت فاض بي من كل حته اش اسوي مايبين في هالبيت. . ثلاث ايام متواصله ارتب اكنس انظف اصبن اغسل اطبخ انام عشر دقايق القى البيت زباله حتى العيال الكبار مايشيلون شي. . طقت كبدي منجد والله يا بنات إني مهدود حيلي عن بكرة ابيه وعندي قريبتي نفاس تخيلوا شكل البيت اصحى الساعه خمسه ولا انام إلا تسعه ونا ماشوف دربي من الإرهاق لو البيت ينفجر مدري عن حالي :44:
ماعندي شغاله ومع الحمله ماحلم اصلا. . ارتب البيت الصبح اسوي فطور البس البنات الصغار يروحوا المدرسه وبعدين امر على قريبتي واجي الظهر اطبخ غدا ماجلس الا جايين حقين المدرسه افرش السفره يتغدوا اخمس السفره والمها وبعد مأغسل المواعين والقدور لازم شاهي الباشا وبعدها اذاكر للبزوره الصغار معتمدين علي واللي اكبر كل وي واحد مرتز عند خشتي يبغى اذاكرله عنده إختبار الساعه خمسه اخلص يبدا مشوار التصبين اخلص وانزل البيت الاقيه منسوف ومقربع ورايح فيها احاول اعدل مايمدي الا جاي العشا اجهز العشا. . حتى ان روحي احسها بتخرج الم في رجولي وظهري فوق المستطاع شعري لي ثلاث ايام ما مشطته والغبن شكلي صاير زي اوبرا لا بارك الله في وجها على الاقل اوبرا مليونيره. .المهم يجي البيه اخر الليل ويطلب اللي بالكم بالله هذا وجه يغري او حتى احد يطل فيه انا لو بطل في المرايه اقول اش جابك ياحجه عندنا :icon33::icon33:
شكلي مرهق توي بس انسدحت وتمددت برتاح عشر دقايق قبل ماتبدا المباراه وجمعة الغدا واقوم اغني موال كل يوم
انا مليت
انا رههقت:humm:
انا طهئت :biggrinlo
انا طفشت
منجد مافيهم خير ولا فيهم جميل. . زوجي نام زعلان مني يا ناس ترى هالامور ماتجي إلا والوحده نفسيا مرتاحه ونا نفسيتي دمار
تصدقون فكرت اهج واترك البيت او اهاجر للحبشه وافجر
كبتي في الاثيوبيين :biggrinlo