قررت بعد تردد اني استشيركم فيـــ...

السلام عليكم خواتي

انا بحكي لكم القصة باختصار وانتم عطوني رئيكم واقتراحاتكم الله يسخر لي ولكم


انا متزوجة من سنة ونصف تقريبا , وعندي ولد الله يحفظه عمره خمس شهور .. حملت على طول وهذا كان اكثر سبب يخليني اتمسك بـهذا الرجل ..
ما انكر اني حبيته , واني ماحس بالراحة الا في بيتي اللي هو بيته
وادري انه هو بعد يحبني ..

اول خلاف بينا صار بأول عيد لي معه , لما تركني في البيت في عذر انه بيروح يسلم على قرايبه الصباح , وطول ويوم اتصلت عليه الظهر , حسيت انه موب طبيعي ويوم رجع لي طلع شااااااااااارب خمره ( الله يهديه ) عصبت وزعلت , وقالي اول كلمة جرحتني انا كذا تبيني ولا ضفي اغراضك وروحي بيت اهلك , مسكت تلفوني ولسا ماعرف على مين اتصل .. اهلي ولا اهله .. الا جا يركض واخذ الجوال من يدي وتعذر ...

بس مشكلتي اني رضيت على طول ...... بس فعلا ماعاد رجع لها.. لكن بعد ما
مشت الايام وجا عيد الحج الا وطلعت لنا مشكلة بسبب هالبلاوي دخلت فيها المباحث, مع انه فعلا موقف هالخرابيط

وطلع منها بعد مرور 4 شهور وحنا حاطين يدينا على قلوبنا , نحتري العفو .. وفعلا والحمدلله جا العفو وانتهينا من هالمشكلة ....

يوم انا بالاربعين .. كم مره يجيني وهو مبين انه شاااارب وكنت احسسه بزعلي .. يضحك ويسوي نفسه انه معتبرها مزحة ...

قبل اسبوعين .. واعدني انه خلاص ماعاد يروح للقريبه هذاك .. بس ما اوفا بوعده

واليوم جاني برضو شارب .. طبعا هو طبيعي بس عيونه تصير شوي محمرة .. يوم شفته كذا اتشرهت عليه ووبكيت .. قام وقالي خلاص انتي فكري وخوذي قرارك !!!!!!!!!

بعدين حاول يحرف الكلام , لانه عارف انه بيضيق صدري .... :(

طبعا هو يعرف مقدار ضعفي ..
وبنفس الوقت اهلي مايعرفون شي عن اللي صار بيني وبينه وكل هالسواالف ...

ودي ازعل مره اذا تكررت او اذاخيرني بين القبول واهلي واروح عند اهلي , بس مابي يدرون باللي بيني وبينه لانه فضيحة بالنسبه لي..

اعرف لخبطت روسكم ,, بس من جد ماعرف الافكار مزدحمة براسي وفيني حيرة وضيقة مايعلم بها الا الخالق سبحانه ...

شورو علي الله يرحم والدينكم .. وش الحل بدون ماخرب بيتي !؟