قررت قرار خطير ..رمضان هالسنة بمشيها طلبيات ....ماعاد ابي اطبخ,, كيفي ياخي

بسم الله الرحمن الرحيم


السلام عليكم ورحمة الله وبركاته



اشلونكم يا السنعات يا دافورات يا ربات البيوت يا مشمرات الاكمام وعاجنات المعاجين <<هالله هالله

هذا يا طويلات العمر ..قررت اني ما اطبخ شي في رمضان هذا الجاي

ان الله احيانا وكتب لنا عمر ان شاءلله على طاعته.....

خلاص ياخي لمتى نطبخ وننفخ تعبت ياخي تعبت ..خلاص بئة دنا طهئت

مش معئوؤؤله كده ..راح العمر وانا ماغير السبوسه يام ايمن


والصراحه مليت من طبخي ماعاد احس فيه طعم...صايره اكل بس سد جوع :crap:


مع اني اسوي تشكيله اصناف.(تكفينا لسحور)..السفره مايقل عن اربع اصناف هذا اذا صرت كسوله

لكن ما استلذ

احس الجريش طعمه طعم المكرونة الشوربه نفس طعم السمبوسة نفس طعم المعجنات..نفس طعم الفيمتو <<ما تبالغ :icon20:


حتى اخذت كذا طبخة من قسم الطبخ...ونفس النتيجة : (

مررره ماعاد استلذ بطبخي ..



واذا رحت عند اهل زوجي اكل من طبخ الشغاله أكل همممم

والله كأني ماعمري اكلت معجنات وسمبوسه

واحيانا امسك يدي بالقوة استحي..خلصته على الصايمين

اشوف محد جالس يخلص على الصحون غيري :unsure:

وهم ماشاءلله عليهم صحن الشوربة مع قطعة خبزه<<خبزة الجنوب

والله احيانا استغل وقت انشغالهم بالتراويح ..

اروح بالدسس محد يشوفني اروح اكل حبتين ثلاث سمبوسة وبسرعه ابلعهم قبل احد يكفشني :icon19:



هم ياحليلهم الود ودهم السفر تنفرش 24 ساعه ...بس انا استحيييييي

مره من المرات كان وااضح فيني الفجاعة...طلعت من المطبخهم بعد ماخطفت لي لقمتين ع سريع

يوم اجلس مع عمتي(ام زوجي ) بالصالة ...قالت ماودكم نفرش السفره وناكل..

قلت لها انا بكل ثقة : والله براحتكم ..

شوي الا بنتي قالت ماما فيه حاجة عند فمك مسحيها :ohmy:

رجعت عمتي قالت ماودكم نفرش السفره ..قلت لها :طيب ابشري <<يااااااوووه يا طيحة الوجه :unhappy:


ياخي فجاعة ماهي طبيعية تصكني برمضان عند الناس


انتم مثلي تملون من طبخكم ولا بس انا بهالكون ؟؟؟


المهم اني قررت اني اطلب طلبية مفرزنات رمضانيه<<واللي فيها فيها

لازم يعني اصير ام مثالية طول النهار طبخ ونفخ واخرتها يالله ابلع سمبوسة

لا مهب لازم ..من قال لازم يسكت احسن له.. لاجي افطر عنده كل يوم


السؤال ايش رايكم بطلبات المفرزنات هالحريم اللي يعملون دعايات..؟؟

واعطوني تجاربكم...ومن احسن وحده و فين مكانهم

يعني اعطوني خبراتكم<<تشك ان اغلبكم مثلها ههههههههه


وسلامة قلوبكم

وسال الله ان يبلغنا واياكم رمضان وان يجعلنا من المغفور لهم وممن قامه وصامه إيمان واحتساب

ويتقبل منا ومنك صالح الاعمال

امين

واخيرآ انصح نفسي واياكم...بكثرة العبادات في رمضان ..

ونحاول نخلي رمضان شهر طاعات لا اسواق ومسلسلات

العمر ينتهي ,,والاسواق والمسلسلات ماتنتهي

احبكم في الله

:26: