قررت لي عملية قيصرية بعد أسبوعين.,الرجاء من الأخوات القيصريات المرور <قديم

أسال الله ربي يسهل عليك و ييسر لك أمرك

و يقر عيونك بشوفة النونو سالم معافى

عمليتي بعد اسبوعين..مافي أشياء سويها أو اشربها هالفتره عشان بعد القيصرية يكون جسمي أوكي واتجنب الحد الأقصى من أضرار القيصريه؟؟

مافي اشياء معينه ياقلبي عادي خل امورك تمشي طبيعي
--الاجرائات المتبعه عند الذهاب للتنويم..وشي؟؟

كمان مافي اي اجرائات معينه


--وش اهم الاشياء اللي اخذها معاي وانا رايحة المستشفى؟؟

اغراضك العاديه ( ملابسك - ملابس النونو .. الخ الخ )
--بعد العمليه..وش نصايحكم اللي حسيوتا انكم بعد ما سويتوها ماتعبتوا كثير والحمد لله مشت أموركم..

اهم نصيحه انك ماتشيلين شي ثقيل ابد وامشي كثير ترى المشي ممتاز يخلي الجرح يبرى بسرعه ويخفف الام العمليه


الله يهون عليك يارب وتقومين بالسلامه يالغاليه ..

الله يتمم لك على خير .. وان شاء الله قريب تبشرينا بولادتك وقومتك بالسلامه انتي والبيبي ..

با النسبه للاكل اهم شي اهتمي في الحديد لان ولادتك عمليه ولازم يكون دمك في المعدل الطبيعي ..

وقبل تروحين للمستشفى جهزي شنطتك وشنطة البيبي .. وخذي شاور .. ونظفي المنطقه الحساسه بالموس .. ونامي كويس .. وصلي ركعتين وادعي ربي يهون عليك .. واقري كتاب الافاده فيما جاء في ورد الولاده .. وتوكلي على الله روحي للمستشفى ..

واهم الاغراض اللي تاخذينها .. ملابس داخليه وخارجيه مريحه لك .. وكريم يدين .. وفرشة شعر .. فوطة جسم .. وشاحن جوال .. وملابس للبيبي " غيارات كامله لمده 3 ايام " ع الاقل .. لاني ما احب البس عيالي لبس المستشفى ما يعجبني ورضاعة صغيره للمويه .. واهم شي كسرة مره مربوطه بقطعة شاش .. وبعد الولاده صبي عليه مويه وشميها علشان ما تتالمين من الشمم ..

وبعد العمليه طبعا اليوم الاول تكوني صايمه .. واحتمال بعطونك سوائل دافيه في الليل .. واهم شي من ثاني يوم للعمليه انك تمشين ولازم احد يساعدك ويمسسك لان الحركه بتكون صعبه .. بس المشي مهم جدا ويساعد في خروج الغازات من الجسم .. وخلال الاربعين لاتمشين حافيه ابد ..

والله يكون بالعون .. وربي يفرج لك ولنااااا .. دعواتك لاتنسيناااا ..

موضوعك مفيد .. لان الدكتورة مقررالي عملية برضو .. بس انا هاي تاني عملية .. بس ما سويت شي باول ولادة لانها اجت فجاة .. و ان شاء الله استفيد من موضوعك

الله يجزااااكم الخييييييييييييييييير

سؤال..

بالنسبة للأجراءات يعني ابي السالفه من طقطق لسلام عليكم وش يسوون قبل العملية وش يسوون بعد العملية والقيصرية اللي يحطونها عشان روحة الحمام وهالسوالف يعني..

انتظررررررررررركم