اليوم حابة اوريكم طريقتي في عمل القرصان "الخبز"
اولا اخلطي كاسة ماء دافي مع فنجال سكر حركيهم زين.
وبعدها اضيفي كوب طحين اسمر"بر" مع الماء والسكر وحركيهم .. يصبح الخليط مثل الكيك ... يعني مو سايل مره فيها ثقل شوي...
خلصنا من هالطريقه..
نكمل بقية المقادير :
بصله صغيرة قطعيها واحمسيها في مقلى فيه زيت ... واضيفي عليه قليل من البهارات عشان تعطي نكهه ...
وبعدها حمريها شوي ... شرط يكون البصل مقطع صغير بالحيل ...
وبعدها اذا حمرتي البصل اضيفيه الى الخلطة اللي قبل "الخليط"
وحركيه زين...
وجهزي الشيره .... سكر وماء وزعفران ....
وبعد ماتخلصي من الخليط
هاتي القلايه وحطي فيها شوية زيت
وخوذي من الخليط ملعقه وحطيها في القلايه ... وبعد كذا حركي بالملعقه وسوي على شكل خبزه ...
وبعد ماتخلصي منها ... ضعيه في حافظة ... وتضيفي عليه الشيره
وقفلي الحافظة ... عشان ماتبرد
وتقدم ساخنه ....
