قرص العقيلي المبخر من زمان كان نفسي اسويه صور لعيونكم

السلام عليكم حبيباتي

اليوم جبت لكم طبق كيك غير ويجنن بعد ويصلح للي رايحه مشوار تاخذه معها

لان الكميه كثيره ماشاء الله

وطبعا تحطينها بالقالب المجوف بس انا اللي عندي صغير مايكفي الكميه

المقادير

3 اكواب طحين ابيض فاخر

10 حبات بيض

كوب ونص سكر


كوب زبده

ملعقه صغيره زعفران او ملعقه صغيره صبغه صفراء مذوبه مع نص كوب ماء

ملعقه كبيره باكينج بودر

ملعقه كبيره هيل مطحون

قطعتين فحم صغار مع ربع كاسه زيت للتبخير

الطريقه

اقدحي الفرن وبعدين جيبي الخلاط وحطي البيض واخلطيه زين

واضيفي السكر وارجعي اخلطيه

وبعدين حطي الزبده والهيل وماء الزعفران اوالصبغه والباكينج بودر

ثم اضيفي الطحين بالتدريج

واشعلي على الفحم حتى يصير جمره

احضري القالب وادهنيه بزيت وطحين وحطي الخليط وحطي الجمره بوسط القالب بصحن الزيت وغطي عليها

10 دقايق بس

وشيلي الفحمه وحطي القالب بالفرن على درجه متوسطه

وبس

انا ماحطيت الجمره رغم اني اول مره اسويها عشان ولدي ينكتم من البخور والقلي وغيره

وطلعت تجنن بس اتوقع مع الجمره يطلع احلى لان هذي ميزتها

اتركم مع الصوره



ybshny_008"]http://ybshny_008]


ybshny_009http://ybshny_009]


اسأل الله العظيم رب العرش العظيم ان يشفي مرضانا ومرضى جميع المسلمين

اللهما اغفر للمؤمنين وللمؤمنات والمسلمين والمسلمات الاحياء منهم والاموات وارحمهم برحمتك اللتي وسعت السموات والأرض