طبعا هذي اول مره اكتب فيها موضوع وان شاء الله ماتكون الأخيرة..
اول شي حبيت اشكر كل عضوات عالم حواء على ابداعاتهم في قسم المطبخ ، بصراحه انا استفدت وايد وايد منكم ووصفاتكم عجيبه .. واليوم حبيت اني افيدكم بوصفتي واتمنى انها تحوز على اعجابكم...:26:
نبدآآآآآآآآآآآآآآآآآ....
قرص عقيلي عجيييييييييييييييييييييب ..
المقادير:
2ملعقة كبيرة حليب سائل
1ونص ملعقة صغيرة زعفران مفتت
2ونص كوب طحين
4 ملعقة صغيرة بيكنج باودر
ربع ملعقة صغير ملح
1 ملعقة كبير هيل ناعم
1 كوب سكر
3 حبة كبيرة بيض
1 كوب زيت ذرة
يتبــــــــــــــع،،،،،،،،
1 ملعقة صغيرة فانيليا سائلة
3أرباع كوب روب
الطريقة:
1 سخني الفرن لدرجة 180، وجهزي قالب قرص العقيلي المجوف من الوسط اللي راح تخبزين فيه بمسحه بالزيت ورشه بالطحين.
2 اخلطي ملعقتين الحليب مع الزعفران المفتت في كوب صغير وخليه جم دقيقة.
3 انخلي الطحين والبيكنج باودر والملح ثم ضيفي الهيل وخليه على جنب.
4 في وعاء الخلاط حطي السكر والبيض واخفقيه بالمضرب الشبكي لحد مايصير هش.
5 ضيفي الزيت بهدوء وقلبيه لحط مايختلط ثم ضيفي الحليب والروب وبعدها الطحين وقلبي بالملعقة البلاستيك بهدوء لحد مايختفي الطحين.
6 صبي خليط الكيك في القالب اللي جهزتيه من قبل وواسي السطح (ممكن قبل لا تصبين الخليط ترشين سمسم في قاع القالب<< وهذي الخطوة اختيارية).
7 اخبزيه على الرف الوسط في الفرن لمدة تتراوح مابين (30-40) دقيقة او لحد مايتماسك ويستوي عدل من داخل واختبريه بعد 25 دقيقه بسيخ خشب.
8 بعد ما يستوي طلعيه من الفرن وخليه يبرد شوي بعدين اقلبيه في طبق التقديم وصبي عليه صلصة السمسم.
مقادير صلصة السمسم للتغطية:
1 عبوة كبيرة حليب مركز ومحلى
2 ملعقة كبيرة طحينة(هردة)
ربع كوب سمسم محمص
طريقة عمل الصلصة:
في قدر صغير سخني الحليب مع الطحينه على نار هادية جدا وانتبهي لا يحترق وقلبيه شوي شوي لمدة دقيقه تقريبا لحد مايثخن الحليب شوي وبعدها شيليه من على النار وضيفي السمسم وصبي الخليط على وجه القرص ..
وهذي صورة القرص بعد ماستوى وقبل لا نصب عليه الصوص
يممممممممي مع فنجان قهوة .....
ملاحظـــة : الصور منقوله من النت بس النتيجه مطابقة جدا للنتيجة اللي حصلت عليها ...
وإن شاء الله اشوفكم بوصفات ثانية
في أمان الله،،