قرض بسبب زوجي عطوني مشورتكم

مرحبا خواتي
قبل ٣ سنين اخذت قرض لامي وقالت شهرين وبرجعه لك كنت موظفه بعدين شهرين رجعت امي لي المبلغ كامل وقالت روحي للبنك وسدديه وعرف زوجي بالمبلغ الي رجعته امي قال لاترجعيه للبنك عطيني المبلغ ٣٠ الف نسوي فيه مشروع سواق وسياره ونقل موظفات يجينا رزق قلت بس انا ماقد اسدد الاقساط راتبي ٣٥٠٠ قال انا اسدده وعطيته بعد فتره سالته وين السياره وين السواق قام يماطل طيب وين الفلوس خلصت صرفها كلها عن نفسه صرت اسدد انا لين استقلت لان الراتب ماقام يكفي سياره توصلني الف وشوي وقرض البنك الف وخمس ومرت ٣ سنين ماسددت ووقفو خدماتي الان اقول لازم تسدد قال اشوف انتي تشوفي ظروفي قب يومين شفته رايح مع ابوه ياخذو قرض عشان اخته تبي تكمل دراسه سويت مشكله وقلت انا موقفه خدماتي انا الي تفكر فيني وصارت مشكله كبيره والبنك والمحامي كل يوم اتصالات عشان السداد ماعاد ادري وش اسوي غرقني بديون غير هالدين وبهذلني وماكنت ادري انه اناني بهالدرجه وكل مافتحت الموضوع انتي ماديه انتي ممله طفشتيني دايم زعلانه ادري غلطانه من راسي لين رجولي لاحد يقولي غلطانه ابي مشوره