قرض للعاطلين

الله يوفقج ويسخر لج عباده الصالحين ويحقق طموحج


ماعندي خلفيه عن الموضوع

ياليت يكون فيه انا بعد ابغا اعرف

ليه مصعبه الموضوع
عندك عبد الطيف جميل ابو بنك التسليف وبعدالنسبه المؤيه بس لازم تسوي دراسه لمشروعك حتى لو كان مره صغبر ادخلي بجوجل على الاشياء الي ذكرتهم لك واذا بغيتي احد يسوي لك دراسه عندك بنات بنفس المنتدى يسون لك بنسبه بسيطه
واي سؤال انا مستعده لك

بس ادعي لي بالزوج الصالح والرزق الحلال
والله يبلغكم رمضان بصحه وعافيه

الله يوفقك خيتو ويحقق لك أمانيك
وطبعا مثل ما قالت الأخت شوقووو هذه هي الجهات اللي تمول بدون وظيفه
بس حبيت أوضح لك طريقة شغلهم
عبد اللطيف جميل يعطي تمويل بكفيل هذا شرط أساسي عنده ومبلغ تمويله مش كبير يعني مشروع صغير بس
ويطلب دراسه كامله وفي الموقع قايلين بس دراسه أوليه بس وقت الجد يبون كامله ومن مكتب
بنك التسليف يمول المشاريع اللي أقل من 200000 بدون كفيل ونسبة ربح بسيطه تكاد لا تذكر
والتسديد يتم بعد سته شهور من بداية المشروع ويطلب دراسه أوليه
وكذلك بنك التسليف بس إنه يمول لمبلغ يصل ل 3 مليون دون الحاجه لكفيل بشرط يكون طالب التمويل سعودي وعمره 21سنه على الأقل ولضمان الحصول على التمويل يفضل عمل دراسه كامله للمشروع لدى مكتب متخصص ومعتمد
والمكاتب استغلت هالفكره فرفعت الأسعار لدراستها خاصه إذا عرفت إن العميل بيقدمها لبنك التسليف
ونقطه مهمه المشاريع النسائيه تهتم بها الدوله وتمولها عشان كذا الحقي عمرك قبل تخلص الميزانيه
ودوري لك على مكتب دراسات إستشاريه ممتاز ولا تتعاملي مع اللي بيآخذ منك بالنسبه
أو سعر دراسته فوق 50 ألف لأنه بيحسبها لك بالنسبه وتكاليف العمل ما تآخذ كثير مهما قالو
وأيضا إحذري من اللي بيعملك دراسه بأقل من 10 آلاف لأنه بس ناسخها ومغير فيها شوية أرقام
وكتب اسمك فوق الورقه
مع تمنياتي لك بالتوفيق

تعديل للرد:
أعتذر ع الخطاء بنك المئوية هو اللي يمول أقل من ميتين ألف وتوصل ل 400 عن طيق بنك التسليف
وبنك التسليف يمول من 400ألف إلى 3 مليون

ربي يوفقكن ويسعدكن