طعم كتيييييييييييير شهي ولذييييييييييييييييييييييييييذ
أكيد هتخلصوه قبل ما تقدموه من ريحته المميزه وطعمه اللذييييييذ
المقادير
قرنبيط
2كوب دقيق
ملعقه ص ممسوحه بيكربونات الصوديوم(كربوناته)
5 بيضات
10 فصوص ثوم
حزمه كسبره وعودين شبت
كوب عصير طماطم
ملعقه ملح
ملعقه كمون
ملعقه ص شطه
زيت للقلي
الطريقه
نقطع القرنبيط ونقشر الجزء آخر الزهره ونغسله
ونضع عليه مياه وملعقه ص كمون ونسلقه
هنا صفيته من المياه وتركته يبرد شويه
دلوقتي نجهز الخلطه الشهيه
نضع الكسبره والشبت والثوم والملح والكمون والشطه
في الهون وندقهم ناعمين
ننخل الدقيق ونضع عليه ملعقه ص ممسوحه بيكربونات الصوديوم(كربوناته) والبيض والدقه اللي في الهون
ونخلطهم ودا شكلها
نسخن الزيت ونخلي النار متوسطه
نضع القرنبيط في الخلطه ونغطي القطعه من الجهتين
ونضعها في الزيت
ثم لما تحمر نقلبها علي الناحيه الثانيه
ودا شكلهم بعد القلي
وهنا قدمته مع سلطه
واللي تبقي من الخلطه عملته قرص ودا شكله
