عبرتي عن مشاعرنا كلنا بكلامك هادا
الخوف هادا طبيعي عند كل العرايس

بس الحمد لله ربنا موجود و ان شاء الله بدعاءنا و اعمالنا الصالحة ربنا راح يساعدنا و يحفظنا و يسهل علينا كل شي


يا رب يتمم على خير لكل مخطوبة و يرزق كل بنت مسلمة ترغب بالزواج و الستر بالزوج الصالح اللي يخاف الله عاجلا غير اجل يا رب العالمين




هلا صباح النور
بالنسبة لي ما احب افصل لأني ما احب حوسة الخياطة و الروحة و الجية و البروفات و شي يزبط و شي ما يزبط و موديلات تختاريها و يسوولك موديل مختلف تماما و يخرب و يضيع القماش

لا اخد جاهز احسن و هادا الشي ينطبق على الفساتين و العبايات

انا اخدت اربع عبايات

حقت الفرح و اللي في نفس الوقت حتكون حقت السهرات و المناسبات الكبيرة عشان كدا اخدتها فخمة فيها الوان و شغل كتير و واضح و طبعا كانت غالية شوية

و اخدت عباية للخرجات العادية من بيت لبيت و
عبايتين رخيصة شوية و شغلها خفيف مو ملفت للسوق وحدة للبس و وحدة احتياط اذا عبايتك اتشقت او انكب عليها شي و ما في وقت تتنضف و تتلبس كمان اذا رحنا مثلا مطعم او سافرنا او مثلا متنزه

و طبعا انتي و ظروفك و راحتك




الله يرحم امك و موتى المسلمين جميعا و يغفرلهم و يجعل مثواهم الجنة و يجمعنا بهم في جنات النعيم

الله يحفظ اخوكي و اهلي و احبابنا جميعا و يطول في اعمارهم و ما يحرمنا منهم و لا يفجعنا فيهم يا رب

كل هادي الاحاسيس طبيعية و كلنا بنمر فيها بس كل وحدة بتتعامل مع هالشي بطريقتها الخاصة
ناس يبان عليها و ناس تخبي في قلبها بس في الاخير كلنا خايفات

اهم شي نتعلق بالله و تدعي و تكتر من الصدقات و الاستغفار و الذكر و التقرب الى الله و نحسن الظن بالله و كلنا عارفين ان ربنا ماراح يخيبنا ابدا و اهم شي كمان داينا نوكل و نفوض امورنا كلنا اليه و ربنا ماراح يخيبنا مستحيل نسلمو امورنا و يردنا خايبين او يخربها

بس لازم منها شغلة كدا و لا كدا تحاول تخرب علينا ليلة الفرح قد ماكان الفرح منظم لازم يصير شي بس مو مشكلة ان شاء الله مافي شي ما ينحل و ماراح نخلي اشياء تافهة تندكد علينا في اهم ليلة في عمرنا ان شاء الله

امين يا رب يتمم علينا فرحتنا على خير و يرزق اختي و كل بنات المسلين بالازواج الصالحين عاجلاغير اجل و يرزق كل محرومة من الذرية بالذرية الصالحة عاجلاغير اجل يارب




ماشاء الله يا قلبي
فين وصلتي في التجهيز؟ و ان شالله امورك متيسرة؟

امين يا رب




الحل يا قلبي بالاهتمام بالبشرة و التفشير و الكريمات و الخلطات بس طبعا بحدود المعقول
سويلك جدول كل يوم او يومين تسوي ماسكات لبشرتك و كتري شرب موية و فاكة

بالنسبة للمسامات اهم شي تنظفيها مزبوط و تحاولي قد ما تقدري تشيلي الروس السودة اللي فيها لو بقطعة حلاوة صغيرة راح يخف منظرها و امسحيها بالليمون و خليه
نص ساعة اذا بشرتك مو حساسة و بعدين غسليه و مري عليها بثلج و بعدين مرطب و راح يخف شكلهاجد
و اذا بشرتك حساسة بس مري فوقها بقطعىة ثلج لحد ما تذوب
انا كدا اسوي و مرة مرتاحة

سوي هادي الحركة قبل المكياج و لما تحطي الاساس راح تلاقيها اختفت لأن حجمها صغر ىمع الثلج و الليمون

و لا تنسي موية ورد حطيها في بخاخ موية و احفظيها في البراد عشان تفضل باردة و كل شوي رشي منها على وجهك تفبض المسامات و تفتح البشرة و تعطيكي نضارة

النت مليان خلطات و نصايح جدا حلوة و بسيطة للبشرة

او اختصري الطريق و روحي لطبيبة جلدية بس طبعا ما تضمني النتيجة يمكن تفيدك يمكن لأ انتي و حظك و استجابة و طبيعة جلدك



مساء النور و السرور
الله يبارك فيكي يا قلبي
امين يا رب يتمم لنا على خير و سهالة

الله يعافيكي و يتمم ملكتك عى خير

تقريبا نفس حالتي بس ملكتي بعد ثلاثة اسابيع

اول ما تستلمي المهر طيران على السوق يا دوووووووووب الوقت يكفي




ان شالله تتسهل امورك و يرتاح قلبك لأن الهم هادا كبير كلنا مجربين زيك هههههههههههههه

ان شاءا لله الريجيم من بكرا بإذن الله الله يسهل امورنا ويقوي ارادتنا يا رب




الف مبروك لأخواتك ياقلبي

و انتي كمان زي ما ربي تمم لهم امورهم على خير الله يتمم لك امورك على خير و يسهلها يا رب



يوووووووووووووووه اهل العريس النفسية هدول نكبة

دايما ادعي الله يعمي عيونهم عنك و يسخر زوجك لكي و ادعي الله يرد كيدهم في نحرهم و يكفيكم شرهم يا رب

الله يكفيكي شرهم و يتمم الك امورك على خير




هلا يا قلبي

الله يبارك فيكي و يتمم امورك على خير

ان شالله كل شي يطلع تمام بإذن الله لا تشيلي هم صفي نيتك و كلي امرك الى الله و احسني الظن و كل شي راح يتسهل

و اكيد كل ما ابتديتي اهتمام من بدري كل ما كان الامر افضل




والله انا صدعت كتر ما احترت فسلمت الامر لأختي هي تستلم هادا الموضوع من طقطق للسلام عليكم و تريحني بس طبعا في الاخير اسمع الشريط و اذا في ملاحظات تعدل عليها الله يعطيها العافية

سلمي الموضوع لوحدة من اخواتك او صديقاتك هما يختارولك و يجمعو الاغاني و يعرضوها عليكي و انتي اختاري منها الللي يعجبك و سيبيهم ينسقو لك الشريط اريح لراسك



امين يا رب و انتي كمان الله يجعل لك نصيب في كل دعوة حلوة تطلع من فمك يا رب












حبيباتي كلنا كدا لأننا متعودين ان دايما نكون مع اهلنا و مانكون لوحدنا فطبيعي نخاف

بس الا بذكر الله تطمئن القلوب
نقفل ابواب بيتنا بالمفتاح و نشغل قناة القرآن طول الوقت و نستودع الله انفسنا و كل غالي علينا و ماراح يصيبنا شر ان شاء الله



بالنسبة للمكياج اللي تسألي عنو يا قلبي و الله ما عندي فكرة

الله يسهل اموركم يا رب


و بالنسبة للملكة

انا ملكتي و الشبكة حتكون في نفس اليوم ان شاالله فأكيد حلبس و يشوفني لأني راح اسوي ان شالله سهرة بسيطة في البيت تقتصر على امو و اخواتو و اقرب الاقربين لنا

اما اخويا الله يتمم له على خير فملكتو حتكون ملكة رجال فيوم لحالها وبعد يومين بالزبط الشبكة عشان كدا ماراح يشوف عروستو الا يوم الشبكة

مع انهم في البداية كانو متفقين يروح يقعد معاها شوية بعد الملكة بعدين العروسة قالت احسن لو يشوفني بفستاني و مكياجي يوم الشبكة و وافقو الاهل

يعني هي شغلة اتفاق

خلي احد من اهلك ابوكي او اخوكي مثلا يسألوه اذا يبغى يشوفك قبل الشبكة عشان تكوني جاهزة اذا قال انو يبغا هادا الشي ما اظن فيها احراج

اهل خطيبة اخويا سألونا و جاوبنا عادي لا احراج و لا شي جدا عادي

امور زي كدا دايما تكون بالاتفاق

الله يوفقكن ي احلى عرآيس ويتمم لكن ع خيييير ان شاء الله
انبسطوآ وتهنوآ بأحلى ايآم العمر 
التوتر شيء طبيعي بس خففوآ منه بقدر الامكآإن
الاكل والنوم الهآإدئ مههههم جدآ
واهم شيء الترتيب الجيد قبل يووم الزواج لكل صغيره وكبيره
مهم جدآ وراح يحسسك بالهدووء والاطمئنان 
والمهام طبعآ مقسمه ع خواتكم او صديقاتكم او من يعز عليكن
ف حساب ف تويتر اتوقع اسمه اسرار النساء مررره حلللو 
نصائحهم بشكل نقاط ومختصر ومفيد
 شيكوا عليه<< والله مو متأكده من اسمه بس ان شاء الله صح
ليلة الزواج بينك وبين النرفزه شعره يعني لو حصل شيء بسيط مو 
ع مزاجك حاولي تطنشين
ولا تخلين هالشئ ينككككد عليك << تعآإني من هاالنقطه بكل منآإسبه هع
...............
مس توت
لكِ مني احلى بووووسه فديتك ي عسل
كلامك اثر فيني حييييييييييييييل;
ربي يوفقك ويسعدك ان شاء الله
ياااااارب متى يجي اليوم اللي اجهز فيه لزواجي 
اللهم ارزقني وارزق كل بنات المسلمين الازواج الصالحين والذريه الصالحه
ويوفق كل العرايس ويرزق اللي يتمنون الذريه صبيان وبنات

امممم وش بعد << طيب طيب لا تدفووون بطلع :)

تعب اﻷنتظار
قولي امين الله يسعدك دنيا واخره
ع كل حرف قلتيه بجد كﻻمك يجيب الراحه والطمانينه ..

روبين 
ربي يسعدك ياشيخه انتي بكل مشاركتي هنا  تردين وتساعديني مستحيل انساك بدعااي

اعشق اﻻناقه 
صورت الشاشه عشان كل ماتوترت وخفت اقرا كﻷمك ومشكوووره حبيبتي عالنصائح

اشكر من الاعماق كل وحدة ردت على خاطرتي الصغيروووووونة واكيد بلامس احساسكم لاننا عايشين نفس المرحلة ..




ربي يسعدكم حبايبي ...........