نسيت اقول

اول جلسة ليزر سويتها يوم 15-2هـ طلع الشعر بس النمو كان جدا بطيئ و الشعر صحيح اسود و قاسي بس مو مرة زي زمان و الحمد لله لا في حكة و لا الشعر طلع زي الدبابيس بس كان في شوية حكة و احمرار من اثار الليزر اول يومين و كانت واصفتلي مرهم عشان استعملو اذا صار هادا الشي و قالتلي استعمليه مرتين في اليوم و الحمد لله بعد اليومين هادي اختفى الاحمرار و الحكة و ارتحت كتير ماشاء الله

و اليوم الصبح شلت الشعر اللي طلع بالموس و رحت لها

قالتلي لما يطلع الشعر تاني حيطلع جدا بطيئ ابطأ و انعم من اول و لو سحبتي الشعرة حتخرج معاكي بس انتي لا تسحبيه سيبيه يطيح لحالو متى ماطاح

بالنسبة للتاج يوم الفرح ماراح البس تاج عادي لا راح اغير الفكرة و راح اقولكم عليها ان شالله تعجبكم

راح البس ان شالله تاج ورد طبيعي و راح يكون ناعم و متناسق مع المسكة

اكتبو في جوجل الصور ((تيجان ورد)) و راح تلاقو اشياء حلوة في منها الدفش و في الناعم عاد كل وحدة و ذوقها

سبق و قريت في موقع عرايس انها موضة هادا الموسم في عروض الازياء

بناااااات مين مثلي 

كل ماروح فراشي انام اقعد افكر لين اغرق مخدتي دموووووع والله 
افكر لما اتزوج بفقد اهلي بفقد دلعي هنا بالبيت وحريتي انام اصحى متى مابغيت 
كل هذا عادي ادري بس لما افكر انو بكون بمسؤوليه وتعب ابككككككي 
والله ماعاد ابي اتزوج من كثر مابكي 
صرت ادعي ربي ان يصير شي ويبطلو الزواج !!

مابي افارق اهلي والله مابي مسؤوليه مابي لما اتزوج اجي لهم (ضيفه)
ادري تقولو كﻵم فاضي
بس والله دموعي بعيوني 
نفسيتي زفت وبس ابكي واسكت 

ريحوووووووووووني الله يريحكم

ترا الاحساس هادا طبيعي جدا اتحدى اي عروسة ما حست فيه

فجأة تلاقي نفسك عروسة راح تتركي بيت اهلك و يصير عندك زوج و بيت و عيلة مستقلة بدل ما كنتي من مسؤولية اهلك صرتي انتي مسؤولة عن بيت لحالك و بعد ما كنتي عايشة معاهم ليل نهار راح تجيهم ضيفة

راح تنتقلي لـــ

حياة جديدة

و طبيعي تكون عندك قلق و مخاوف و طبيعي انك تحملي هم هادا التغير المفاجئ اللي مانتي عارفة من فين جاكي و تضايقي وتبكي لأنك راح تعيشي في بيت ما فيه امك و ابوكي و اخوانك اللي طول عمرك عايشة معاهم كل هادا طبيعي

بس و الله العظيم بكرا راح تتعودي و راح تلتهي بحياتك الجديدة كل الناس كدا

بكرا تتذكري اللي صاير فيكي دحين و تضحكي على نفسك

احمدي ربك اذا حتعيشي مع اهلك في نفس البلد ايش تقولي عليا انا راح اسافر بعيد عنهم

لا تخلي القلق و الخوف من الحياة الجديدة و المستقبل و المجهول يسيطرو عليكي لأنك ماراح تستفيدي شي غير انك تتنكدي

خلي كل شي في وقتو و عيشي حياتك دحين و انتي مبسوطة جهزي و اهتمي بنفسك و ادعي ربك يسهل امورك و يوفقك في زواجك
هادي الايام من احلى الايام في حياة العروسة و ماراح تتعوض ابدا



قبل كم سنة مريت بنفس حالتك بالزبط و كنت ادعي ليل نهار يصير شي يخرب هادي الزواجة و فعلا خربت بس ندمت عدد شعر راسي لما شفت الزعل و كسرة الخاطر في عين امي و ابويا اللي كانو فرحانين فيني و صارو طول الوقت يدعولي الله يرزقني و يزوجني و يقولو احنا مو دايمين لكي و من هادا الكلام

انتي كمان مو بس تفكري في نفسك فكري في اهلك يبغوكي تتزوجي و تنستري في بيت زوجك و يفرحو فيكي و يشوفوا عيالك صح و لا لأ؟

لا تدعي انو امورك تخرب ترا و الله راح يزعلو و ينقهرو كتير و انتي اذا فرحتي فترة راح تندمي بعدين

ارمي حملك على الله و توكلي عليه و ادعيه باللي تحبيه لنفسك و لأهلك و افرحي و فرحيهم فيكي


الله يسهل امورك و يسعدك دنيا واخرة يا رب

اللي مخليكي مكتئبة انك حاطة الحزن و كل شوية تبكي و شايلة هم فطبيعي يعني يجيكي اكتئاب و تضايقي

اضحكي فرفشي انبسطي جهزي عيشي حياتك و كل ما تذكرتي شي يزعل قولي اللهم وكلتك امري و فوضت اموري كلها اليك فأنت خير وكيل واستغفري الله و كملي الشي اللي كنتي بتسويه و شيلي الزعل من راسك و خلي دعاء الهم و الحزن دايما على لسانك كمان تأثيرو جدا حلو و يشرح النفس هو و التوكل و ذكر الله

ماشاء الله عليك ي روبين
كلامك عين العقل
الله يوفقكك ويسسسر لك امووورك
وكل العرايس يارب