شتات الله يوفقج ويسعد قلبج ويفرج عليج انا معاكم مع اني باديه صار لي فتره بس اللحين رجعت لبرنامج البقره المكثف لانه جدا يأثر فيني وانا معاااااااكم بس حبيت اضيف اضافه صبايا اي وحده تحس بخوف تلبس قبعة المسك جدا مفيده وتبعد عنكم الوساوس والاغتسااااااااااال بالماء المقري له تأثير جداااا قوي انا تدرون وش اسوي شريت كلك كبير مادري وش تسمونه البلاستيك الكبير اللي نعبي فيه ماي عشان يبرد وخليته بالحمام ومغطيته واروح الغرفه واخذ قاروره واصب فيها ماي واقرى عليها سورة البقره والرقيه واروح اصبه في الكلك اللي بالحمام واغطيه وارجع اذا قريت البقره وحسيت بحراره في جسمي اكمل مااوقف لين اخلص لاخلصت اروح على طول واصب على نفسي ماي مقري وهكذا كذا بيكون سهل عليكم جدا لانه متوفر وكل ماتقرين صبي فوقه خلال شهر بيكون الماي يمكن قاريه عليه فوق العشرين مره يعني بيكون مفعوله جدا قوي على العارض وبتحرقينه بأيات الله عز وجل وغير كذا سورة الانفال جدا جدا قويه وخاصه اذا سمعتوها بصوت محمد اللحيدان انا تخيلو وانا نايمه اكون مشغلتها افز من نومي ارجع الرغوه البيضاء ودم وان شاء الله ربي يفرج علي وعليكم وصباااااياا الوضوء الوضوء خلكم 24 على وضووووووء وواتبعو اللي قالته شتات وبإذن الله مايجي العيد الا عيدكم عيدين ان شاء الله والصدقه لو تسقون زرع او تحطون طاسه فيها ماي للعصافير في ذا الجو الحار او عندكم قطاوه في البيت عطوهم اكل كل كبد رطبه اجر وانا مثل اختي وميض تمر العجوه يأثر فيني واجد واي شي تحسون انه يتعبكم استمري عليه لاتوقفين اعرفي ان ذا علاجج وان شاء الله ادخل كل يوم اتطمن عليكم وناخذ اخبار بعض الله يشفيني ويشفيكم يااااااااااااااااارب

بنات انا قريت الفاتحه 7 كنت ناويه اقرا 11 مره

لكن ماقدرت وقفت عند المره الثامنه تعبت وحسيت بوخز بصدري وظهري وراسي عورني
وبطني طلع منه اصوات مدري شلون اوصفها لكم مو غازات لا مثل الصوت اللي اذا كنتي جوعانه يعني يقرقر
واحس اني بستفرغ ااه
هالشي تككرر معي مرتين هالمره ويوم قريت ايات العين :(
وش تنصحوني ..

جنان حبيبتي معناه انه تأثر لاتوقفين ياقلبي كملي اضغطي على نفسك اعتبريه سجين عندك وتلذذي بعذابه انتقمي من الايام كلها اللي عذبك فيها لاتوقفين ولاتستلمين وقولي سو اللي تسويه ماراح اوقف ماراح اخليك تهنى بجسمي دقيقه وحده استمري ياقلبي كلنا معاج

عادي ياقلبي كلها كم يوم وبيضعف بإذن الله اهم شي تستمرين اقرأي قدر استطاعتك لكن لاتوقفين


والله العظيم احيان اذا قلت حسبي الله ونعم الوكيل يتأثر العارض واحس بانتفاضته برجلي

كثري من الدعاء والاستغفار لها دور عظيم سبحان الله في الراحه النفسيه

السلام عليكم
جزااك الله خير انا رااح ابدأ معاكم ان شاء الله
انا ما اعرف وش عندي لكن اظن انه مس الموهم من بدايه رمضان وانا كوابيس كلها احد يحاول يحرش فيني او يأذوني ويضربوني واليوم تحلمت انه كمان بس في نهاية الحلم كنت اردد اللهم رد كيدهم في نحورهم ولما قالت لي انه راح اقتل ولدك قلت لها راح احرقك وهي جلست تضحك وجالسه تقرأ ايات بس ما اتوقع قران الموهم مسكتها مع شعرها وجلست اقرأ الفاتحه بصوت مخنوق والله حسيت اني بأقلع فروته راسها من قوه شدي لشعرها الموهم صحيت ابكي و ورحت ادور في النت لين دخلت لملاذ الرووح وبعدها عزمت احرقهم واعذبهم وجلست اقرأ البقرة بجلسه وحده .
الجزء الاول من البقرة بكاء
الجزء الثاني الم في رجلي اليمين كامله تنمل فظيع
الجزء الثالث نعاس

الموهم

راح ابدأ اليوم البرنامج لانه تعبت لا نوم و وزني زايد وتعب وكسل لا حول ولا قوة إلا بالله