افكاركم تجنن بس ان شاء الله اتوظف واطبق بعضها
الله يرزقكم ويوفقكم ان شاء الله

بالنسبه للجمعيات حلوه والله
انا مو موظفه لكن قبل سنتين تقريبا تعاقدت على بند الساعات لمدة سنه
وكان راتبي 7وعليها
دخلت منها جمعيتين سويت المطبخ حقنا وساعدت اخوي في زواجه
وسويت لنفسي عملية ليزك (تصحيح نظر) والحمدلله
والحين باقي ماتوظفت لكن مع حافز الحمدلله بعد دخلت جمعيه مع صاحباتي لمدة خمس شهور بالف
طلعت لي خمس الاف فصلت فيها كنب للمجلس
وبعدين دخلت جمعيتين
استلمت وحده وسويت فيها غرفتي انا واختي
باقي لي الحين وحده الحمدلله بينتهي حافز وباستلمها اصير اصرف اموري فيها لين تجي الوظيفه
يعني الجمعيات عن جد تفك الازمات
وقبل لا انسى خصصو جزء من رواتبكم للصدقه شهريا عشان يتبارك الراتب
حتى لو مايمديك اقل شي ميه او 50 يعني اهم شي تتصدقين من الراتب
وربي يطرح لكم البركه فيه ان شاءالله
دعواتكم لي بالوظيفه

أنا معلمة من 20 سنة

بصراحة العنوان ضايقني عن الجمعيات لأني ع الله ثم عليها ولولا الله ثم هي ما اشتريت بيت

اشتريت بيت من سنة صحيح مو قادرة اسكنه الى الحين بسبب الديون بس الحمدلله شدة وتزول ان شاء الله

ومن يوم اشتريته أخذت جمعيتين عشان التأثيث وقاعدة أثث شوي شوي وحبة حبة

الجمعيات هي أم الأدخااااااااااااااار وأفضل الطرق بس ع شرط تحددين هدفك منها ويكون شي كبير سيارة بيت أثاث المهم شي تشوفينه قدام عينك

الرفع للفائدة

انا ضد مشاركة الزوج بالبيت
الرجال مالهم امان