"قروب رمضاني غييييييييييير"

غَنَجُ أُنْثَى :

صراحه كل وحده تجاوب نفسها السؤال دا: وما ابغى سؤال وبس أبغى سؤال وردة فعل وحركة وهمه جهزت لمقاضي روحك؟؟ شفتي اش تحتاج لرمضان السنه دي عشان تكون جاهزة للعتق؟؟ استعديتي؟ بوريكي آيه حتندهشي وحتنصدمي لما تحاولي تقرئيها وانت تشوفي قدام عيونك رمضان ولستة مقاضيه الروحيه الي يمكن جهزتيها ويمكن!! (( ولو ارادو الخروج لأعدو له عدة ولكن كره الله انبعاثهم فثبطهم وقيل اقعدوا مع القاعدين )) فيلا تعالي نجهز لرمضاننا احلى رمضان غيييير ونعيشها صح بداية احب اميز رمضاني بكل شي واعطي ادق التفاصيل حقها في انها تعيش أجواء رمضان ويلا نبدأ بالشياكه :) اهم شي: اش رايكم قبل يبدأ رمضان نشتري : 1- شرشف صبلاة نعوم وأنتوك خاص لرمضاننا وسجادة سبشل 2-سبحه بنوتيه حلوة_ عادية او عداد او خاتم التسبيح _الي يريحك المهم سبحة:) 3-عود او مسك وبخور ( انا قلت مسك او عود وحددتهم والخيار ليكي طبعا لكن عني احس ان ريحتهم تحسسك من جد بطقوس شعائر دينيه وروحيه واستشعار لأجواء رمضان والأمر طبعا يرجع لكل وحده واحاسيسها الخاصه )) 4-مصحف جميل خاص برمضان (وياسلام لو زينتيه وغلفتيه بشكل يناسب أنوثتك) وحطيتي عليه فاصل كيوت يعكس ذوقك وشخصيتك وعشان الناس الرقميه والي جوالاتهم ماتفارق يدهم يقدرو يستخدمو مصحف جوالاتهم لكن صدقوني باليد غير عموما انتي وراحتك 5-دفتر خاص لرمضانك وبس مو خلطة ومقادير وطلبات ومخططاتك : ) | * | دي الاشياء ممكن تحسيها عادية لكن صدقيني حتفرق باحساسك النفسي تجاه رمضان وحتستشعري رمضان بحلاوة غييييييييييير وطبعا اتفقنا يكون كل شي برمضاننا غير السنه دي عن اي رمضان تاني عشناه / \ / عني أنا وصيت حماتي تشتريلي شرشف صلاة بنِكية وخاتم التسبيح جاهز ينتظر رمضان والسبحه برضو وصيت حماتي تجبلي سبحه ملونة والمصحف جاري التجهيز ثانيا مطلوب منكم : جداول المراقبة الذاتيه لترتيب العبادات الرمضانيه: مطلوب من كل وحده تنزل الجداول المرفقه وتلصقو بدفترها الي اتفقنا عليه او تسويلها جدول خاص يلهمها اذا حابه وتعلقها بمكان تشوفو معظم الوقت _مرايتها مثلا:)) او اذا حاسه انو الي حولها مايشجعو يكفي تحطو بدفترها انا عني تعودت من يوم ماتزوجت أسوي نسخ كبيرة بالصالة ليا ولزوجي :) صح بالبداية حسيت ممكن يضحك عليا ومايشاركني لكن حمدلله تحمس وشاركني وصرنا نتقاسم تعبيتو بالافكار المميزة ولما كنت بنوته _لوسمحتو لسه بنوته برضو :) _ المهم كنت اسويه مع اخواتي وكانو ينبسطو مره بيه وطبعا اجرهم كلو بحسانتي:)حمدلله / \ / هادي الجداول حنتابع بيها أعمالنا في رمضان وحنزلها بالتفصيل في الادراج التالي وأشرحلكم فكرة كل جدول يتبع

صراحه كل وحده تجاوب نفسها السؤال دا: وما ابغى سؤال وبس أبغى سؤال وردة فعل وحركة وهمه جهزت...

غَنَجُ أُنْثَى :

1-تقويم رمضاني غيييييييير ياليت الكل ينزلو ..... او يسوي زيو ويعلقوا بغرفتو بمكان واضح اوبدفترك لو حابه التقويم مربعات كبيرة عشان تحطي فيه لستتك واشيائك الخاصه وعاملك الي تحتاجيها لتذكيرك حتلاقو في التقويم الايام لكن يوم الجمعه والاثنين والخميس ملون ليششششش؟؟ عشان يذكرك بالايام المميزة يوم الجمعه طبعا الكهف والصلاة وعلى الحبيب لازم يكون يميز يومك اما الاثنين والخميس فدي اليومين ترفع فيها الاعمال لربنا فياسلام لو تفننا في رفع اعمال مميزة بدا اليوم :) وحتلاقي اشارة حمره تدلك على الايام الي تبدأ فيها ليالي العشر وطبعا شد الهمه والتشمير وحتلاقي في اسفل التقويم خانه فاضيه ياليت تكتبي فيها شعارك الرمضاني الي تبغيه يسيرلك رمضانك السنه دي عشان يكون غير موفقات يارب جدول رطب بذكرك: طبعا رطبيه بذكر الله اتباعا لوصية الحبيب "لايزال لسانك رطب بذكره" يابنات اش في شي بدنيتك افضل من الذكر؟؟؟؟؟؟ انتي بس لو استشعرتي صرير القلم وهوّا بيسجلك حسناتك في اللوح كان ماسبتي لحظة ماتذكري فيها ربنا سبحانه وتعالى يقول الحبيب صلى الله عليه واله : "سبق المفردون....قالو الصحابه ومن هم ؟ قال حبيبي:الذاكرون الله كثيرا والذاكرات" يابنات الذكر الذكر اش افضل من ذكر ربنا ؟؟؟ : : : خلي لسانك برمضان السنه دي غير حاولي اول عشر ايام من رمضان تبدئيها استغفار في استغفار عشان تسوي فرمتة لسيئاتك وتصفيييييييير لعداد خبايصك وتنظيف 100% ((فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)) لسانك لايوقققققققف استغفار حتلاقي نفسك بعد فترة لسانك يتحرك بالاستغفار بدون ماتحسي شعور ممتع والعشرة التانيه حمد في حمد في حمد احمدي ربنا كتييييييييير على انو قدرلك تعيشي السنه دي رمضان غير ومن عليكي برمضان جديد تعيشيه احمديه ليل نهار وحاولي تدوري عن ادق تفاصيل حياتك وشوفي فيها نعم ربنا اشكريه طول وقتك على كل شي على ادق واصغر شي وكوني من الشاكرين الي قال عنهم ربنا "وقليل من عبادي الشكور" وتأكدي انك بالشكر والحمد حتكسبي"ولئن شكرتم لأزيدنكم" الللللللللللللله اش احلى من دا العرض؟؟ والعشرة الاخيره خليها تهليل في تهليل يقولك في الحديث القدسي وطبعاً |أفضل انواع الذكر لا اله الا الله ( إذا شغل عبدي بذكري عن مسألتي؛ أعطيته أفضل ما أعطي السائلين). : : : : والأذكار خلينا نحافظ على الاذكار ونهتم بتعليمها لأهلنا حولنا وننشر ملصقات تذكيريه لها في الجدول حطيتلكم قائمة بالأوقات الي يستحب فيها الذكر اذكار الصباح والمساء طبعا اذكار الصلاة وبعد الصلاة اذكار الاذان اذكار الوضوء اذكار دخول الحمام والخروج منو مكرمين يارب اذكار النظر في المرآه ياحلوات اذكار الطعام اذكار وقت ماتفطري اذكار اللباس اذكار دخول المسجد والخروج منو اذكار النوم اذكار الاستيقاظ اذكار دخول المنزل والخروج منو وطبعا الكتيبات الصغيرة الحمدلله مابقت ولاخلت والهواتف الذكيه صارت مليانه برامج للأذكار فيلا شدو الهمم وابدأوا تنزيل الجدول وتابعو نفسكم حتلاقو بالبدايه صعوبة لكن مع الوقت حتتعودو وعشان تساعدي نفسك بالتذكير سوي ملصقات وزعيها على اماكن الدعاء عند باب التواليت عند مرايتك في السياره في باب دولاب ملابس في طاولة الطعام في باب البيت عند مغسلتك الي تتوضي فيه على سجادتك :) موفقين يارب

1-تقويم رمضاني غيييييييير ياليت الكل ينزلو ..... او يسوي زيو ويعلقوا بغرفتو بمكان واضح...