كوبونات الراقية تسجيل الدخول

نعومي كيوت
نعومي كيوت •
نان2011 نان2011 :
وانا معكم بهالقروووووب
وانا معكم بهالقروووووب
حياك حبيبتي
اكتبي وزنك
ثم ابتدي بنظامك واكتبي يومياتك الوزن كل خميس
نعومي كيوت
نعومي كيوت •
العرفان العرفان :
مساء الخيرات عليكم جميعا... الله يزيد الهمه و العزم 💚💚 الي يومين غيرت فيهم النظام و البارحة كان يوم مفتوح لان صار عندي هبوط اضطريت اكل حلا و عصاير.. هالفتره غيرت للتخفيف و السلطات لاني قربت على ايام مرض النساء أجلكم الله اليوم الحمد لله صيام فطرت بتمرة و كأس لبن خالي الدسم و سلطة دجاج منوعه و حليت ببرتقالة الرياضه نص ساعه تقريبا و ربع ساعه مشي.. هالاسبوع ما متوقعه نزول ابدا ما اعرف ليش يمكن لاني من النوع الي يجمع سوائل قبل الدورة لذلك خليت الميزان بعيد حتى ما انصدم. نزلت برنامج عد الخطوات و انصح فيه و بقوة لان جدا محفز للحركة و النشاط حتى لو الحركة داخل البيت💝
مساء الخيرات عليكم جميعا... الله يزيد الهمه و العزم 💚💚 الي يومين غيرت فيهم النظام و البارحة كان...
الله يقوي عزيمتك بارك الله فيك
نعومي كيوت
نعومي كيوت •
انا امس ماكتبت كان النت مقفل عندي
باذن الله نرجع نكتب اليوميات
العرفان
العرفان •
عواطف تركي عواطف تركي :
لاحظت يا اخت هيروشيما ان مشكلتك هي اختيار نوع الاكل اللي تاكلينه سعراته الحراريه عاليه جداً يعني انك تعتمدين على النشويات بشكل كبير مثل الكب كيك وساندويش ورز وحتى الايدام بطاطس تدرين لو عملتي تصحيح بسيط لنظام اكلك راح تنحفين وتتغير مقاساتك اسرع وبنفس الوقت تاكلين وتشبعين نصيحه من مجربه الايدامات والخضار الغي منها البطاطس والجزر والذره واعتمدي على الخضار الغير نشويه مثل الباميه الفاصوليا الخضراء البروكولي القرنبيط الكوسا الباذنجان لانك لو طبختيها كإيدام بصلصه حمراء او شويتيها بالفرن برشة بخاخ الزيت واكلتي منها صحن مليان راح تشبعين بسرعه لانها مليانه ألياف والجميل ان سعراتها الحراريه اقل بأضعاف من الخضار النشويه والنشويات بشكل عام عشان كذا تعتبر الخيار الافضل للناس اللي حابه تنحف . والشي الثاني اللي انصحك فيه طبق السلطه الخضراء لا تهملينه مع كل وجبه حتى الفطور لو تضيفين خيار وطماطم جنب الساندويش بيحسسك بالشبع هذا غير النفسيه اللي تستقر وترتاح لانها ماحست بالحرمان ولا الافراط في الاكل اللي يسمن - وماشاء الله على الجميع هنا مع اني ماني ضمن القروب ولا اتبع رجيم لكن احب احياناً ادخل هنا اقرأ يومياتكم وتشجيعكم لبعض واتذكر نفسي من كم سنه لما كنت مجتهده بالرجيمات والرياضه .
لاحظت يا اخت هيروشيما ان مشكلتك هي اختيار نوع الاكل اللي تاكلينه سعراته الحراريه عاليه جداً...
متفقه معاك تماما و هذا راي ايضا بعد تجربة عدة ريجيمات و أنواع مختلفه من التخفيف لكن عن تجربة الابتعاد عن النشويات بانواعها والسكريات كذلك راح نشوف فرق كبير على الميزان.. لان تغيير بسيط بنظام الاكل راح يفرق كثير من ناحية السعرات الحرارية..

بعد نزول الوزن ممكن نبتدي بالتخفيف عادي حتى نحافظ على الوزن المفقود و بنفس الوقت نتعود على حياة صحية

لكن كل واحده منا لها القرار ..في الي تأخذ الامور بسهولة ويسر تنزل بالشهر كيلوين.. و في الي ما عندها صبر تضغط كثير على نفسها و تنزل اقل شي ٥ كيلو بالشهر لكن المهم النتيجه و ان شاء الله نوصل جميعا لاوزان جميلة راضين فيها💝💝
عواطف تركي
عواطف تركي •
نعومي كيوت نعومي كيوت :
ماشاءالله ع كلامك فعلا صحيح اعطينااا نبذه عندتجربتك وكيف هل تخلصتي من الوزن الزايد او لا ؟؟
ماشاءالله ع كلامك فعلا صحيح اعطينااا نبذه عندتجربتك وكيف هل تخلصتي من الوزن الزايد او لا ؟؟
انا خسرت 13 كيلو خلال شهرين او ثلاثه شهور ما اتذكر كم بالضبط
وكان الفرق واضح كثير على مقاسات جسمي وملابسي صارت واسعه بشكل ملحوظ
واي شخص يقابلني حتى اهلي اللي معاهم في بيت واحد وكل يوم يشوفوني لاحظو اني نحفانه الحمدلله ولازلت اتذكر الشعور الجميل لما احد يلاحظ نحافتي .

نظامي الغذائي كان في البدايه يميل الى نظام السعرات الحراريه بحيث ما اتجاوز 1200 سعره حراريه باليوم الواحد وكنت احياناً ما ألتزم بدقه واوصل 1300 أو 1500 سعره حراريه .

لكن ما ادقق كثير لاني امارس تمارين الزومبا وامزجها بالهروله او المشي السريع او الخمسه ميل اقل شي 20 دقيقه الى نص ساعه .

وطبعاً خلال فترة الرجيم قرأت كثير عن عدد السعرات الحراريه في اغلب الاطعمه والمشروبات وصار عندي وعي وش الاكلات اللي اكلها بدون حذر والاكلات اللي لازم احذر من كثرتها وبالتدريج صححت افكاري

ثم مع الوقت بعد ماصار عندي فهم بالاكل اللي سعراته عاليه والخفيفه صرت اعدل نوع اكلي واعتمدت على نظام اني اكل نص الوجبه بدون حساب سعرات حراريه وعادي اكل من طبخ البيت او المطاعم لكن اهم شي الكميه اكل نصها فقط وجنبها طبق سلطه واذا كسلت لو مجرد اجيب خياره وكم ورقة خس واكلها جنب الساندويش واكيد ادخلت الخضار الغير نشويه للغداء لاني راح اكل رز قليل فلازم اعوض النقص بشي ما يسمن مثل الخضار والسلطات .

وبين الوجبات احياناً اسوي شوربة خضار او شوربة الفطر اللي تجي مغلفات جاهزه لان سعراتها قليله
واحياناً بوب كورن بالمايكروييف واحياناً سلطه خضراء او ايدام خضار من المتبقي بالغداء

وكنت اكل شوكلاته وشبس لكن بالاسبوع او الاسبوعين مره ما اكثر
وقللت بشكل كبير من زبدة الفول السوداني والمايونيز والطحينه والدهون والمقالي
والسكر كذلك لما اشرب شاي احط كميه بسيطه
واذا اضطريت اكل مقلي او اشتهيت بطاطس مقلي اخذ كميه بسيطه واحاول اضغط عليه بمناديل عشان اتخلص من الزيت واكله ما اخليه بنفسي .

وانتي يا نعومي ماشاء الله عليك احس عندك اراده واشوفك غيرتي لنظام اللقيمات اذا مرتاحه عليه كملي بتستفيدين كثير منه لكن برضو عشان تستفيدين كثير لا تكون لقيماتك اليوميه يغلب عليها الحلا او الدهون جسمك ما يستفيد منها ادخلي لوجباتك سلطات خضراء سبحان الله انا الى الحين اذا بدأت بسلطه خضراء اشبع بسرعه قبل لا اكمل الساندويش .