أخت حمووووي :

تالا اسمحي لي انت سبب كل اللي تعيشينو انتِ جالسه توهمي نفسك بحبو حطي في بالك الحياه م توقف ع احد ناس تموت وناس تتولد ايش يعني تزوج ! خليه الله لا يردو بالعكس انا ابغى طليقي يتزوج وادعي عشان ربي ينصرني و الناس تعرف انو مو رجال ( لاني واثقة ان طليقي م راح يتغير لا معاها ولا مع غيرها ونفس الشي اللي سواه فيا يسويه فيها ) والعيب فيه وكل كلمة و قالها عني ظلم ادعي الله انها تكون في زوجتو الثانية خليه يلقى جزاه ويعرف قيمتي ويتحسر ع نفسو ، الحياه حلو عيشي مع صديقاتك اهلك تقربي من ربي عيشي الهم يأكلك وهو م فكر فيك بطلي تخيلات بطلي كذب ع نفسك حتى لو تحبينو مثلي انك م يهمك ولا تبغينو وبالعكس شر وبعد عنك انا مطلقة ظلم وووو وربي آشوف نفسي في المرايا واتحسر ع نفسي م ينقصني شي صغيرة و اناقة وجمال الحمدلله لكن حاطه في بالي ربي بيعوضني بالي احسن منو في السهرات والمناسبات اتكشخ ولا علي من احد نظرة الناس تكسر صح لكن اتجاهلها واذا شفت شي اقول في نفسي انا حساسه والنَّاس م تتعمد الحمدلله اشياء كثثثير بعد طلاقي تغيرت علاقتي في ربي عرفت الناس زين أخذت تجربة زواج أخذت مهر جاتني هدايا عرفت الرجال و طبيعتهم وأشياء كثيرة فكري فكري في الجانب الإيجابي وخليك كذا . انا مريت بظروف الله يعلم فيها والله اصحى من النوم ابكي ابكي قبل لا اطلق شفت اشياء من طليقي كرهتني في نفسي . لكن الحمدلله مرت ع خير احيان أندم ع الطلاق لكن ارسم في بالي كيف لو استمريت معاه ؟ هذا السؤال يخليني أوقف واحمد الله اني م كملت معاه بالرغم من ذَا كلو انا مالي صديقات غير بالنت وصداقات رسمية بالواقع لا اخوات ولا آخوان أقاربي مو معاهم مرا عايشة بوحدة تقتل تذبح وأحيان ادعي الله اتزوج وأتمنى الزواج لكن لما أقارن نفسي بنفسي القديمة لما كنت متزوجة و حاليا أتعوذ من الشيطان و اقول اهم شي الراحة والصحة و العافية .. وان شاء الله من اول خطيب يجي بفكر الف مرا واستخيري مليون ولو ربي كتب موافقة اتزوج ليش اخلي نفسي ع الاطلال وهو ما فكر فيا اتزوج و أعيش حياه من اول وجديد ولا عليا خليه يموت بالحسرة يكفي انو ظالم المظلوم ربي بينصرو لو ايش م بكون اقرو قصص ع المطلقات وربي كيف عوضهم تفاءلو تفاءلو لا تعيشو في وهم ربي ارحم مننا كلنا حاليا جالسه اسعد نفسي بنفسي بالاحلام دائماً احلم واشوف رؤى ع طول أفسرها خير ليا و ربي بيعوضني عّن كل اللي عشتو . طولت كلام عليكم 😂 بس خلاص بطلو سلبية وخلّينا نكون متفائلين شويا 💪💪

تالا اسمحي لي انت سبب كل اللي تعيشينو انتِ جالسه توهمي نفسك بحبو حطي في بالك الحياه م توقف ع...