... غ ... :

أهلا ... قرأت قصتك ... والله يطول لك بعمر أمك يارب ولو إنه صدقيني إنتي متعبة نفسك على الفاضي ياشيخة بكيفهم يسألوا وألا ما يسألوا ... خليكي زيي .. أنا من النوع اللي ماقطع رحمي عشان ربي ... هما أحرار ... حبوا يزوروني أهلا وسهلا ... حبوا يدورا علي فيهم الخير ... غير كذا هم أحرار يسووا فيني اللي يسوونه ... واعلمي أن الله يحبك ... ولا عليكي في أحد ... وليه ما تثقي في نفسك !!! بالعكس ماسمعتي المثل اللي يقول كثرة حسادك شهادة لك على نجاحك !!! طالما الكل محاربك أعرفي إنه حسد وقهر ... ما ابغى اعمل شر بينكم ... بس إنتي ما شاء الله تبارك الله عليكي واضح إنك عاقلة ... وإنسانة مجتهدة ولله الحمد ... واحمدي ربك ... شوفيني أنا نفسي أذاكر ماقدر ... درجاتي كلها أقل من النصف وراضية وحامدة ربي ... مو انتي أول وحدة يموت أبوها وأخوها ... لعلمك بنت خالي كانت تبغى تدرس برى ... وشوفيها اتهزأت ولا أحد سمع كلمتها ودرست هنا ... والحمد لله ساكتين وراضيين ... لا تتوقعي إنك الوحيدة اللي عندك هموم ... ترى الكل مهموم ... ومافي أحد مرتـــاح ... لكن فيه الثقة بالله ... ولا تنسي الحديث القدسي اللي يقول ربي فيه : ( أنا عند حسن ظن عبدي بي ) وفيه دراسة حديثة تقول بأنه مستقبلنا نصنعه بأيدينا ... عارفة كيف يعني !!! يعني الشيء اللي تفكري فيه والمستقبل اللي تتخيليه هوا اللي بيحصل ... كيف !!! سبحان الله ماحد يدري إلا هو ... اتفائلي بالخير تجديه ... وبإذن الله تنقلب حياتك للأفضل ... أخوكي يفتش وراكي عشان يبغى يمسك عليكي شيء ؟؟؟ طيب احمدي ربك ... دي شهادة على أخلاقك العالية ... عشان تعرفي إنك صح وعسل والكل غيران منك ... ماعليكي من أحد ... واتوكلي على ربك ... وأخوكي مامعاه إلا إنتي ... وصدقيني أكيد هو طفشان ... إنتي كوني معاه طيبة ... وإن شاء الله راح ينعدل معاكي لأنه أكيد يبغى ونيس له ... واش فيها لو نمتي في الصالة !!! احنا في بلدنا وبيوتنا بننام في الصالات والأراضي وعادي ... وأصلا مايجوز إنتي وأخوكي في سرير واحد ... فخلاص خليه ينام ... وبالعكس الأرض أفضل لسلامة العظام ... انتي لا تشيلي هم غير دراستك وطاعة ربك ... وماعليكي من أحد ولا تشيلي هم أحد ... عساهم لا اتصلوا عليكي وعساهم لا سألوا عنك خلاص دا شيء راجع لهم وربي يحاسبهم ... انتي اتعاملتي بتربيتك الراقية وهما يتعاملوا بتربيتهم ... وكله بأجره ياعسل :) ... ونسيت أقلك في كلمة قريتها جدا عاجبتي إذا تكاليت عليك هموم الدنيا فلا تقل يا رب عندي هم كبير ... ولكن قل ياهم عندي رب كبير ... وبالمناسبة نسيت أسئلك إنتي من فين ؟؟ وفين سافرتي واش بتدرسي ؟؟؟

أهلا ... قرأت قصتك ... والله يطول لك بعمر أمك يارب ولو إنه صدقيني إنتي متعبة نفسك على...