قريباتي وطبع زوجي 💔

_
صباحكـم خير يارب وعيدكم مبارك
في الحقيقه عندي موضوع مدري فضفضه مدري وش لكن شي خلاني اجي اكتب
ان شاءالله مو تشكي لكن ربما تقنعوني اذا انا غلط او تفكيري غلط
ياحلوات الوحده قتلتني الطفش من وضعي اقلق راحتي
انا زوجه لأطفال صغار وزوجي يكره شي اسمه خرجه وطلعه ودخله يعني لي ثمان سنوات معاه لو اعد لكم خروجتي معه من اخذته تنعد بالاصابع
لامطعم لاممشى لا كوفي حتى السفر عمره ياناس ما اخذتها الا بزواجي
غريب امره جدا عكس اخوانه واقاربه!
مبدأه ان اللي يمشي ويدلع الحرمه مو رجال
طيب جيته قلت هالشي لصالحنا انا وانت نغير روتين نكسب ذكريات حلوه نتذكرها لكن اذن من طين واذن من عجين
تعبت معه والله
الحين بتقول وحده عيشي حياتك واطلعي مع اهلك
حلو هالكلام وسليم لكن مثل حالتي ماعندي احد والديني متوفين واشقائي اولاد من اطلع معه لي خوات كبار جداً لكن مو شقيقات لي
علاقتي باهل زوجي رسميه حاولت اطيح الميانه معاهم لكن اذا شافوني سكتوا< ولا راح ازعل كلن حر بعلااقاته واموره
صديقات نفس الوضع هم ثنتين وكل وحده منهم بعد تخرجنا شافت لها شله صديقات والتهت معها
وبرضو اللي ملاحظته شي غريب بس لاتضحكون علي
مثلا كان زمان لي علاقات مع بنات عم او خاله
تصير علاقتي بفلانه قويه ثم فجأه تنسحب عني شوي شوي يعني تروح تدور وحده ع ججوها خرجات وطلعات وانا تتركني لأني ما اطلع بس استقبل ببيتي بحكم زوجي ما يخرجني
او الاحظ هالفلانات من الناس بس تتركني تتغير حياتها للأفضل
او الاحظ كثير انهم اذا جو لعندي اكتشف اني الخيار الاخير لهم مثلا تقول طفشت مدري وين اروح او اهلي اليوم طالعين ومالي خلق اطلع معهم وجيتك او زوجي بيطلع مابي اجلس لحالي وهكذا
يعني عمرهم ماخصصوا زياره لانهم يبغوني انا
او توصل فيهم يتفقون مع بعض من وراي انهم بيجتمعون لكن مايدرون وين يروحون تكون ميزانيتهم مش ولابد
وفجأه وحده ترسل لي ترى بنجتمع عندك اليوم!
الصدق مع كل ذا الامور اللي فاهمتها عليهم كنت انبسط فيهم مع وجهي واستقبلهم وبس يطلعون اقول لنفسي انا كمية غباء امشي!
ليش ما اكون زيهم انا اللي اطلع لهم وانا اللي اقرر نروح مطعم اوانا اللي واللي.....
واخر شي فعلا توقعته قلت يمكن يملون من جلستي لاني سواليفي بالبيت والعيال والطبخ اما هم سوالفهم عن اماكن فتحت جديده عن سفرات عن حفلات عن فستان فلانه ومكياجها اللي طلعوا للمكان الفلاني وشافوها فيها!
...
كل هذا فضفضه طيب
نجي هنا للتعب اللي احس فيه من وحده قاسيه فعلاً انا صرت ادعي ربي ان الله يرزقني بصديقات
صرت ادعي ربي زوجي يتغير ويحس بمللي ووحدتي بين اربع جدران ويخرجني
يابنات ايش الحل معه ابغاه يحس باللي فيني
كل شي جربته مافاد صراخ وهدوء وحكمه وكل شي
حتى حتى لو قلت له بروح لفلانه او علانه ببيتها وهو بيتها طنقر ولا طلعني وحرمني هالشي
مشكلته في طلعتي يفضل يحبسني طول الوقت بالبيت
ليه ذا كله يامعشر الرجال تباً لكم
عاد الصدق مو كل الرجال والله اشوف قرايبي غير مع حريمهم
شلون مايبغى حرمته تجلس بالبيت وهو طالع عشان مايحس بالذنب انه تركهم
واكبر مثال اخواني واولادهم الكبار
قالت لي مستشاره انو شخصية زوجك شمالي شرقي
مع اني اعتقد انه ماله بوصله ابد ابد هو فريد من نوعه مايتكرر منه اثنين
كرهني بنظرته للمرأه غرفه مطبخ مطبخ غرفه
معقوله بعيش واكمل عمري بهالوضع!
للمعلوميه انا اخذ دي الفتره دبلوم عشان الطفش يبعد عني والوحده ماتخنقني لكن مع الاسف!!
تصدقون حتى جماعتي وقرابتي قليل يذكروني بعزومه او طلعه يخافون مااجي بسبب تعنت زوجي وتكون بنفسي !
يارب فرج همي
سؤال مهم: هل الدعاء في ليلة القدر ممكن مايستجاب؟
دعيت ربي انه يغير حياتي واعيش بما يرضيه
عندي امل
لكن هل كل دعوات ليلة القدر مستجابه؟!