الله يهون عليك ويقومك بالسلامه

ااااااب ودنا نستفيد:)

1- الدكتوره قالت لي ان وزن الجنين اللحين كيلو وثلث كم يعني بالجرام ؟؟ وهل هذا الوزن طبيعي لعمر 33 اسبوع ولا صغير واذا صغير وش اسوي عشان يوصل الوزن المثالي قبل الولاده ؟؟؟
إن شاء الله ..يجي بالسلامة ,,,ويزيد وزنه لاتخافي
2- مين جربت تمارين كيجل :7_5_122: قبل الولادة لتسهيلها ووشهي طريقتها ؟وهل فعلا منها فايده ؟؟ وماهي افضل الوسائل لتسهيل الولادة وتقوية عضلات الرحم ؟
ماجربتها ..اكثر شيء فااااااااادني صراحة جلسة القرفصاء ..وهذي طريقتها ..

وكمان كثري المشي

3- خلال بحثي عن انظمة النفاس وجدت انظمه كثيره بس لاحظت ان الرشاد والفلفل الاسود موجود فيها كلها طيب الرشاد والفلفل معروف انها حارة فممكن ينضر منه البيبي اذا رضع مني وش اسوي عشان ما يتعب وفي نفس الوقت استفيد ؟؟
صحيح حارة ..لكن لا تكثررري عندك الفلفل والرشاد كلها الأفضل تؤخذ العشرين الأخيرة من النفاس

4- انا جدا نحيفه حتى في فترة الحمل باقي معه نحيفه وابغى اطلع من النفاس وانا مربربه عشان ابو الشباب يرضى لانه صار عنده عقدة من نحفي وش احسن شي اسويه عشان يزيد وزني ؟؟ وهل استطيع استخدام حبوب سيبروفيتا لزيادة الوزن مع الرضاعه لاني كنت استخدمها قبل الحمل وزاد معها وزني بس وقفتها بعد ما حملت ؟؟؟
الماش زين للظهر ويسمن ..ايضا الحلبة خوووذيها يوميا مع الفطور بكأس حليب ..اذا حابة صدق تسمني عندك الفطاير الان فيها خميرة سمعت انها تسمن ..

5- سمعت كثير انه من الخطر على النفاس الاستحمام وغسل الشعر طيب كيف اعتني بشعري واستخدم الزيوت اذا كنت ماراح اقدر اغسله وكيف اعتني بجسمي واستخدم ماسكات الجسم وبالنسبه لفيتامينات الشعر وفيتامينات الخميرة وسمك القد هل تنفع استخدمها وقت الرضاعه ؟؟
الاستحمام تمسحي بفوطة دافية وتحطي مزيل عرق ..شعرك من وقت لوقت ..اصلا وقت النفاس تلفي لفة على شعرك ..والماسكات ايش كثرها ادخلي قسم الشعر ..وتلاقين اللي يعجبك ويناسبك

6- متى الوقت المناسب للنفاس علشان تتبخر او تتنقع ووش احسن شي تتبخر عليه او تتنقع فيه وهل تكون في بداية النفاس او في العشرين الأخيره؟؟
افضل شيء للكبو الأيام الأخيرة من النفاس والأفضل اذا لاحظتي الدم بدأ يقل ..أفضل كبو سمعت عنه بس ماجربته ..
اللي بنظام فيافي ..

7- اللي استخدموا تحاميل البوثيل في فترة النفاس هل هي مفيده ومتى ابدأ استخدمها وكم مره خلال فترة النفاس ؟؟
لم يسبق لي استخدامها

8- اذا كان المولود ذكرا بمشيئة الله كيف يتم الاعتناء به بعد الختان ؟؟
يعطيك الدكتور النصايح كيف ..بس على ماظن ..تحطين كريم على موقع الختان

9- ما افضل نوع حليب وحفائظ للمولود من خلال تجاربكم ؟؟
الحليب رونالاك ..والحفائظ بامبرز

10- كل وحده تقول لي وش احسن كريمات وعطور تستخدمها في فترة النفاس ؟؟ وكيف اصلا تقدرين تستخدمينها وانتي تعبانه وحيلك مهدود ؟؟
مستحيييييييييييل النفاس اقل شيء الاسبوعين الاولات تسوي شيء يادوووب بعد 15 يوم
الم الخياطة والطفل وصياحه مايخلي لك وقت ..الكريمات انتي واهتمامك وجدولك اللي ناوية تضبطينه
العطر :32: انتبهي منه لا يجيك شمم ..مو زين اي ريحة عطر تتعبك ووتتعب حتى الطفل يستشم سره

11- للي خربت بشرتهم وشعرهم في فترة الحمل كيف استطعتي استعادة جمالك وحسن مظهرك ؟؟

((( بيني وبينكم انا موظفه وبصراحه انعدمت بشرتي وشعري وصرت انسانه ثانيه ابغى ارجع بعد الشهرين شئ ثاااااااااااااااااااااااااااااااااااااااني تماما كيف؟؟؟ )))))

شيء رااااجع لك ياعسل انتي واهتمامك...عندك قسم الجمال والاناقة مليااااااااااااااااااااان مشاركات عن اقنعة للوجه والبشرة
وكمان زيوت وكريمات للشعر اختاري اللي يناسبك...
من هالحين حطي لك دفتر وواكتبي لك جدول تمشين عليه وقت نفاس
ومع الاستمرار والاهتمام تطلعي عروس بإذن الله

ادري ثقلت عليكم بالحيل بس مالي الا انتم شدو حيلكم معاي وانا بانتظاركم

ودمتم لي احبابا ..... وان شاء الله ادعي لكل وحده منكم اثناء الولاده ؟؟؟؟؟؟ :26::26::26:



الله يهووون عليكي ,,يسهل امررررررررك ..
دعوااااتك ربي يصلح لي نيتي وذريتي ..

8- اذا كان المولود ذكرا بمشيئة الله كيف يتم الاعتناء به بعد الختان ؟؟ اهم شى تنتبهين للحلقه وحاولى انك تمسحين فى البامبرز زيت زيتزن ونقط على الختان
10- كل وحده تقول لي وش احسن كريمات وعطور تستخدمها في فترة النفاس ؟؟ وكيف اصلا تقدرين تستخدمينها وانتي تعبانه وحيلك مهدود ؟؟انا عن
نفسى عادى استخدم كريمات للاستحمام بس مو عطريه ولا فيها رواح والافضل تكون مستحضرات طبيه

11- للي خربت بشرتهم وشعرهم في فترة الحمل كيف استطعتي استعادة جمالك وحسن مظهرك ؟؟
طبيعى اكثر الحريم تندمربشراتهم ويسمرون وهذا بعد الولادة يبدا يخف شوى شوى اما الشعر فى الحمل مايخرب بالعكس يسمونها الفترة الذهبيه للشعر ......بس بعد الولاده يبدا يتساقط اهتمى فيه بالزيوت وقللى الاستشوار فترة وابعدى عن الصبغات فترة النفاس على الاقل
9- ما افضل نوع حليب وحفائظ للمولود من خلال تجاربكم ؟؟
يعتمد اولا واخيرا على تقبل طفلك لنوع الحليب اللى راح تستعمليه بداية بحليب المستشفى اذا مشى معه خلاص اعتمديه واذا لا ابدى جربى نوع ثانى ....الحفائظاحس هجيز ممتاز واحبه اكثر من بامبرز مع انه بصراحه غالى مرة بس مو مثل بامبرز بعض الاطفال يطلع معهم ريحه شينه

1- وزن الجنين ما عندي فكره عن هالموضوع الي اعرفه ان المولود وزنه الطبيعي يكون بحدود 3 كيلو

2- تمارين كيجل مفيده بوقت الولاده لانها تقوي عضلات الرحم وغير كذا يساعد انها ترجع لوضعها الطبيعي بعد الولاده ,, وهو طريقته انك كأنك تحاولين تمسكين البول وتشدين لثواني عدي الى 10 بعدي ارخي

3- الرشاد والفلفل استخدميه بكميه بسيطه مو كثيره والكل يستخدمه ومع هذا الحمد يرضعون ما صار شي

4-اذا مشيتي على نظام امهاتنا وجداتنا خلال النفاس اكيد بتسمين الي هو يتعتمد على ( الحلبه والماش والسمن والعسل ) وكثري من المكسرات مفيده وتسمن لكن الحبوب نصيحه لا تستخدمينها لا في فتره النفاس ولا غيره لان ضررها اكثر من نفعها

5- طول عمرنا نتسبح في نفاس ودوره والحمد لله ما ضرنا ومستحيل في النفاس يمر يومين ما اتسبح لكن اهم شي ما تطولين في الحمام وعلى طول لفي شعرك والبسي بنطلون داخلي قطن حتى لو كنتي لابسه بيجاما و غطي راسك وبس وما فيه اي مشكله ,,,

6- البخور انا ما استخدمه لكن التنقيع اهم شي في الايام الاولى علشان الخياط

7- تحاميل بوتيل تستخدم نهايه النفاس بعد ما ينقطع الدم استخدمي ثلاث حبات بين كل وحده و وحده يومين او استشيري طبيبتك افضل لك

8- الختان اهم شي تعقمين الجرح بالادويه الي يصرفها الطبيب ولا تستخدمين اي شي ثاني وغييري حفاظته كل نص ساعه علشان ما يلتهب الجرح ونقعيه بماء دافي

9- الحليب يصرفه لك طبيب الاطفال اما الحفاظات الغالبيه يعتمد على بامبرز لكم ممكن يتحسس البيبي منها

10- العطور احب استخدم الخفيفه مثل عطور بودي شوب ونكتار لكن اهتم اني اشرب مره علشان ما تضر والكريمات الي تكونين مرتاحه عليها ومناسبه بشرتك داومي عليها وبالعكس فتره النفاس فرصه تهتمين بشعرك وبشرتك لان ما عندك شغله والكل مهتم فيكي


11- انا في اخر شهر بالحمل اروح لدكتوره جلديه واخليها توصف لي الكريمات المناسبه لبشرتي و اداوم عليها طول فتره النفاس والشعر عليكي بالزيوت والكريمات المغذيه

وسلامتك