قريبتي تعبانة وماتبي الرقية الشرعية

السلام عليكم ورحمة الله و بركاته
اخواتي
وقعت في حيرة شديدة
قريبتي هذه
بداية مرضها من سنين انه جاها حسد او عين في شعرها كان شعرها لايوصف جماله من الغزارة والنعومة لدرجة انه انتشر بين الجماعة سالفة شعرها ويتمنون اللي ماشافوه انهم يشوفونه ويطلبون اختها يشوفونها عشان شعرها
لما رجعت من المناسبة صار شعرها فيه ريحة حريق وكل خصلة من شعرها تتلبك على بعض راح لها اخوها ويبي يقص شعرها يقول يافلانه ريحة شعرك حريق ويحاول يقص مادخل المقص ومارضي يقص
وبعد جهد جهيد قص شعرها ومن بعد هذي الحادثة تغير شعرها مرة وضعف وقل وقاربت للصلع
قريبتي مااخذت من اثر اللي عانوها او حسدوها ماتوقعت هالشي
الحمدلله على كل حال

وحدث بعد ذلك انه مرضت واصيبت بالمس قبل 4 سنوات في رمضان وتعبت تعب عظيم وتشوف كوابيس في احلامها وتشوف كلاب وقطط
اخوها قام يرقيها ويتكلم الجان على لسانها و اخذت شريط رقية شرعية وتستمع له واستمر اخوها يرقيها ونسمع صوت صراخها وبكائها حتى خرج منها قبل العيد والحمدلله
لكن مازالت تحس وتشوف اشياء غريبة والكوابيس مستمرة
تحس انه وراها احد وتلتفت ماتلقى شي
ومرة امها تحكيني انها كانت نايمة وحست بأحد يقومها بعدين قامت وتشوف حرمة لابسة عباية تقول انتم مسحورين واختفت في لمح البصر
ودائما تحلم وتشوف زوجة ابوها في احلامها انها هي اللي سحرها
قلت لها ليش ماتواجهينها قالت ابوي ماراح يصدقني لانه يحب زوجته الثانية وبسببها ترك الاولى وعيالها وماعاد يصرف عليهم ابد
ومازالت على هالحال
ومرة قامت من النوم وتشوف دخان بالبيت مااحد شافه الا هي واخوها الثاني الاصغر منها وتأكدت من الفرن والمطبخ مافيه شي وفتحت الباب يمكن يكونوا الجيران انحرق لهم شي ولا لقيت اي اثر للدخان
الدخان كان وسط البيت تشوفه ماادري ياليت احد يفسر لي
واخيرا اصابها الم في بطنها ورأت رؤيا انه لازم تشرب مويه مقري عليها
راحت المستشفى يقولون مافيك شي
وتذكرت انه لازم تاخذ موية مقري عليها وتحمست وشربت الموية وماقدرت تكمل من الالم
نصحتها تكمل يمكن يخرج شي منك رفضت
وصار لها سنة من الم بطنها وكل ماقلنا لها ارقي نفسك واشربي الموية المقري عليها تسوي انها ماسمعت وتتهرب
بعدين ذكرت لها قصص ناس انسحروا وارقوا انفسهم وشربوا موية مقري عليها وشافاهم الله
وعرفت سبب هروبها هو الالم الشديد اللي كانت تحس فيه لما اخوها رقاها بالقران وخاصة انه جسمها هزيل وصغير ماتتحمل وعمرها فوق 35 واللي يشوفها يقول بالمتوسط
الحين يابنات اشتد عليها الالم وماتتحمل وهي الحين راحت المستشفى تاخذ مغذيات عشان يهدى الالم وهي عارفة انه علاجها بالرقية بس ماتبي
ممكن تفسرون حالتها والله ياهي تقطع القلب
نفسي اساعدها بس تقول كيف ومافي دليل على السحر
وهل اللي يتعالج بالرقيا والماء المقري عليه يتألم لانها ماتتحمل الالم
وكيف انا اقدر اساعدها وش تقترحون علي اسوي لها
مرة مقهورة على حالتها
الله يشفيها
وحسبي الله على كل ساحر وساحرة

اسفة على الاطالة

ودي لكن:26: