قريبتي طالبتكم تساعدونها تأخرت دورتها هل يمكن تكون حامل ؟؟!!

السلام عليكم ورحمة الله وبركاته ..
كيف حالكم بنااات ..

يابنات الله يوفقكم ويسعدكم ويطمن بالكم ويفرحكم بذرية صالحة كلكم ..آآآآآآآآآآآآآآمممميييييين
لي قريبة لها حوالي عشر سنين من أعرست ولاكتب الله لها حمل
ومن كم سنة حملت ولادرت عن نفسها وسقطت ولها شهر ونص تقريباً( شوفوا الحكمة)
ودورتها منتظمة ولله الحمد بس هالمره تأخرت عنها الدورة كم يوم وقالت لها الدكتورة
أول ما تتأخر عليك بيومين تعالي حتى تتفادي الإسقاط
ولكن الله بلاها بزوج عنيد ( وهي ناقصة )
ما يوديها المستشفى إلا بقطع الروح وبعد مايجرحها بالكلام إلي تكره نفسها بهالكلام
ولا المسكينة ساكنة مع حمولة ( قشرا ) الله يعينها يارب

وداها رجلها لمستوصف حكومي وتعرفون اهمال المستوصفات الحكومية وعدم مبالاتهم وحللولها بول وقالوا لها مابان حمل تعالي بعد اسبوع ونحللك دم ( يابردهم )

المهم يا حلوات هل ممكن تكون حامل خاصة انها تحس بأعراض الدورة وتحس انها نازلة وكل ماراحت الحمام أكرمكم الله ما تلقاها
وعندها ألم شديد بالظهر ويشتد وقت النوم وحرارة شديدة وقت النوم ..

الله يوفقها إلي ترد علي وتقولي وش ممكن يكون عندها ..
وإذا تعرفون رقم مستشفى أو دكتورة نساء تعطي معلومات عبر الهاتف فياليت..
والله ان حالتها يرثى لها وهي ماقالت لرجلها عشان مايقول لأهله ويقولون غرتي من مرت فلان وعلان وتتوهمين ودك تحملين وكلام من هالنوع
بس قالت له ان ظهرها يعورها ..

آآآآآآسفة ياكثر قرقرتي !!!!!


أنتظر ردكم بفارغ الصبر ..

تحياتي ..
دندوني ..