قريبتي على شفى حفرة من الانهيار

هي ادرى بالوضع يعني لو كان فيه سبب يمكن هي تعرفه وماتبي تذكره واحنا مانقدر نقول يمكن السبب كذا وكذا..... الخ
اما اذا فعلاً مافيه سبب واضح لها عادي تنزل تسلم على ام زوجها وتسألها اذا زعلتها بشي او شي (المقصد من هذا السؤال انها تحرجها بسبب تطنيشها لها)
او تجلس مع زوجها وتسأله اذا كانت مزعله اهله بشي ولو استغرب ومايدري عن الموضوع تشرح له الوضع وهو راح يجيه فضول وينزل يسألهم او يعاتبهم ليه ماتعزمونها وكذا لأن اغلب الرجال تلقينه مايلقي بال لهل الامور ومايدري عنها اساساً


او فيه حل ثاني فيه شوية مكر وهو انها تعزم صاحباتها او اهلها يجون يزورونها من غير ماتكلم اهل زوجها واكيد زي ماهي دريت بضيوف اهل زوجها هم بيدرون عن جية ضيوفها وتلقيهم ينحرقون من داخل يبون يعرفون من جاها واحتمال ام زوجها تشيل نفسها وتطلع لها, ووقتتها تستقبلها بكل حفاوه وتبين لها انها الرزينه والسنعه مع ضيوفها لأن احتمال يفكرون انها بتحرجهم عشان كذا مايطلعونها


وترى (بعض الناس) عندهم احترام زوجة الابن من احترام الابن عند الاهل , يعني لو مثلا الاهل يحترمون ولدهم ويقدروه تلقيهم يشيلون زوجته فوق روسهم
ولو كان مبهذلهم وماحد يحترمه تلقيهم يطنشون زوجته (الا بعض الاحيان اللي يقدرونها بسبب شفقتهم عليها)
وتذكري انا قلت "بعض"
وهذا فقط في الاحترام لكن من ناحية الحب يختلف بعضهم من حبهم الزايد لولدهم يغارون من زوجته واحيانا العكس
وممكن تكون مثلا مثلا هي من عائله فقيره وهو من عائله غنيه او عاداتهم تختلف عن بعض فيخافون انها تتسبب في موقف محرج بسبب اختلاف الثقافات


كل هذي مجرد رؤيه واسعه للموضوع لأن ماندري عن الاسباب الحقيقه لكن بشكل عام ممكن تحصل السبب من بينها او الحل المناسب لها

يعني عادي توصل المعلومة لزوجها وتقوله عن تصرف اهله ؟

عادي بس مو بأسلوب عتاب
يعني تبين له انها مستغربه من تصرفاتهم وان الموضوع مزعلها وانها كانت تتمنى تكون قريبه منهم
وتسأله اذا كان يعرف اسباب هالتصرفات عشان تعتذر لهم لو كانت غلطت وهي ماتدري
يعني بالمختصر تبين انها تبي قربهم وهو راح يفرح بذا الشي ويسعى بحله

الا في حالة انه جاها منهم غلط صريح وقتها تقوله بعتاب بس العتاب يكون عليهم مو عليه هو

لكن بعدها ماتعيد له السالفه كل شوي وانها مضايقتها وكذا عشان لايبدأ يفكر انها نكديه وتحب الزعل لأن وقتها راح يطنش وراح يحاول يخرج نفسه من الموضوع

رفع رفع

عادي عذا طبعهم في ناس كذا
والمطلوب منك اذا جوهم ضيوف ما تنتظرين يعزمونك
تنزلين بنفسك
او سوي طبق حلى وانزلي وسلمي على الضيوف واجلسي بس لاتجلسين ضيفة لا اجلسي كأنك من اصحاب البيت والضيوف ضيوفك


يعني اذا جيتي حياك الله واذا ماجيتي براحتك هذا طبعهم حبيبتي