قريبتي ف هم .. لعل كلمة منكم تفرج كربتها

مساء الخير بنات
عساكم طيبين

بدش بالموضوع على طول .. طبعا هالمشكلة للوحده من قريباتي وتعز علي اتمنى اللي معه راي حكيم او نصيحة او مرت نفس الظرف تفيدها
نبي نكسب الاجر انا وانتو

طبعا هالحرمة بنت ناس وعايلة محترمة ومتزوجة ومعاها ماشالله 6 ابناء وبناتها متزوجات ماشالله وكانت موظفه وطلعت من عملها وتفرغت للبيتها وعيالها وربتهم احسن تربيه

المهم زوجها ماشالله يشغل منصب ومعروف وله صيت بين الناس وسمعه وكل الناس تحترمة ومعروف باخﻻقه وبصﻻته بالمسجد و حافظ كتاب الله ماشالله
وطبعا عمله مختلط عشان توضح الصورة

هو يحبها وايد وضحت عشانها
وبنو بيت ماشالله ضخم وهي ساعدت فالبيت وايد
المهم مستقرين ولله الحمد وهو دايم يقول والله ماابي غيرج

المهم بالفترة اﻻاخيرة نقلو معاه وحده بالدوام
هالبنت بايعتها .. طبعا هي مطلقه ومعها 3 اطفال وهي تربيهم وتسرف عليهم وريلها رامي اليهال عليها

المهم انها من النوع الفررري وايد وتتكلم ويا الرياييل كانهم وحده من صاحباتها
وقريبتي تمت تشوف مسجات فيها نوع من قلة الحيا بتلفون ريلها
مثل انا ماراح اداوم فديتك .. وينك ليش غايب لك وحشة
ومن هالكﻻم
طبعا قريبتي حالها حال اي وحده تحب ريلها وتخاف يهتز بيتها ويتشتت
وتمت ترسل لهالموظفه رسايل
محتواها
ياقليلة الادب حرقتي قلبي عسى الله يحرق قلبج وهاذا معاه عيال ﻻتشتتين بيتي يافاجرة و اذا تدورين ريال تتزوجينه تراهم وايد سيري دوري لج واحد نفسج ووووو
ماتنﻻم صراحه منقهره ومن حقها

ردت عليها الموظفه
انا متربيه وانتي يا مريضة عندك احفاد و و و ماتحترمي زوجج راسلة لي مسجات عسى الله ﻻيهنيج معاهم وانا اعتبر زوجج اب لي وماحسيت بنفسي لما قلت له فديتك وانا مافي نيتي شي له وﻻ ابيه انا بعمر بنته وانا اصﻻ سعادتي بالحياه عيالي الثﻻث اللي تعبانة اربيهم و قعدت شوي تسب وجيه

وبس
علما ان هالموظفه عمرها قريب ال40 سنة
وقريبتي وزوجها بنهاية الاربعين

المهم
بنات شو الحل لها مسكينة تعبانة وضعفانة من زود الهم وتدعي طول الليل والنهار من القهر
تقول عقب ماكنت سنين مرتاحه جات هاذي تهز مملكتي وبيتي وتبي تشتتني


انا قلت لقريبتي ان باين انها هي طبيعتها مايعه ف كﻻمها واسلوبها واكيد دام جيه اسلوبها معه معناته جيه مع غيره
وان قريبتي كبرت السالفه وماكان له داعي و ان ﻻعاد ترسل لها شي

بس قلتلها افضحيها ويا اهلها قالت لي ماعندها اخوان الا واحد وصغير وهي تتحكم فيه وعيالها صغار وباقي معاها خوات

ارشدوها بحل
ﻻني بعمل كبتشر للردود وبرسللها وتساب


ومشكورين جميعا
وبﻻ تجريح بليز اللي فيها يكفيها