قريبتي لها شخصيتين شلون أتعامل معاها؟

أنا لي قريبه مثل أختي وأكثر من يوم وحنا صغار مع بعض كانت لها مواقف غريبه معي لما كنا صغار وشوي تنرفزوتقهر مره لدرجه لما كبرت كل ما أذكرها أحس بزعل بس كنت أطنش المهم ولما كبرنا نفس شي صارت علاقتنا قويه مره هذا غير المكالمات يوميه وأحكيلها كل شي وأهي نفس الحكايه تحكيلي عن حياتها ومشاكلها المهم بس أمها ماكانت تحبني مره وكانت دائما تحكي عني قدامها بس أهي كانت تدافع عني بالقوه المهم أنا مره قلت كلام لها والله على ماأقول شهيد أني ماكان قصدي أزعلها ولاكان قصدي شي أبدا فجاءه البنت قامت تعلي صوتها وتخاصم أنا أنصدمت مره مره أقول وشفيها كذا تغيرت ومن بعدها البنت تغيرت مره ولا كأنها تعرفني وتكرهني ولا كأن بينا أيام حلوه وعشره وألي حاز في نفسي السنين ألي عشناها مع بعض كيف أقدر أنساها بهذه السهوله وصراحه أهي تعز علي مره مره حاولت أنا نتناقش وقالتلي خلاص خلينا نكون مع بعض وأنا سامحتها بحكم المحبه ألي بينا مع أني جدا أنصدمت فيها لما علت صوتها علي قدام البنات المهم جيت أكلمها بعدها بأسبوع تدرون وش قالتلي أنا موفاضيتلك أنا بعدها قلت مادام أهي تغيرت لهذه الدرجه خلاص خلينا أنساها .أنتو أيش رأيكم في شخصيتها ؟وهل تصرفها هذا طبيعي .ولا مريضه؟وأذا شخص يوصل فيه أنو يخاصمك قدام الناس ؟هل تقدرون تفتحون معاه صفحه جديده ولا خطئها كبير.