السلام عليكم
يمكن اسمي جديد في هالقسم لاني اول مره ادخل قسم الحياة الاجتماعيه
احترت وين احط الموضوع
وقررت اني احطه في هالقسم
وانششاء الله ماتخيبوني وتشروون علي
اقصد تشروون على قريبتي لان الموضوع يخصها
قصتها انها بنت في الاربعين من عمرها
هي قريبتي وصديقتي وجارتي
انا اسميها بنت عمي وهي تسميني بنتي لانها اكبر مني 15 سنه بس اعزها وايد
هي وحيده لا ام ولا اب عندها
عندها اخت متزوجه واخ متزوج وهي ساكنه معا اخوها وعياله
وعياله كبروا وتزوجوا وجابوا عيال وهم ساكنين في نفس البيت وصار البيت ضيق عليهم
وهي من يوم هي صغيره شايله شغل البيت فوق راسها تطبخ وتنفخ وتربي اولاد اخوها وعيال اولاد اخوها
وقامت في امها وابوها لما كبروا لين الله اختارهم الله يجزاها الجنه
طبعا بتقولوا ليش ماتزوجت وهي في هالسن
كانت طول ما امها عايشه ترفض الخطاطيب لان امها ضريره وماتقدر تشيل حالها
ومااحد الى امها لما تتركها
لما توفت امها الله يرحمها
كبرت البنت وفاتها قطار الزواج
او بالاحرى فاتها الزواج برجل مناسب وفتى الاحلام الي كل بنت تحلم فيه
كان يتقدم الها اما رجل كبير في السن او متزوج او مطلق وفوق ظهورهم درزن عيال
كانت ترفض تبي تطلع من البيت الي تخدم وتكرف وتربي الى بيت ترتاح فيه وتحس بالعز
وقبل شهر جاها خاطب ما حطته في الحسبان
رجل بالموصفات الي تبغاها وتتمناها
رجل عمره 47 سنه يعني اكبر منها ب7 سنين
خلوق طيب وكريم ويدير محله الخاص
يسكن معا امه الكبيره بس
ومستعد يوفر اليها الشقه المستقله والسواق والشغاله وكل ما تطلبه
الى حد الحين بتقولوا خلها تنقض عليه وتملك عليه قبل ماتنام
بس فيه مشكله وهي انا هو
مقعد
من اول ما جابته امه عنده شلل اطفال
هي اقتنعت وقالت خلاص خلهم يجوا ونشوف
وحددوا اليوم وجوا هو واهله
ولما دخلت عليه المجلس للنظره الشرعيه هو افرح بها بس هي انصدمت من رجلينه
رجلينه ماتنمو قصيره
اخوها واولاد اخوها ماشجعوها تتزوجه
وهي افكار تجييها وافكار تودييها
واذا احد قال الها هذا مستقبلك وانتي تقرري
تختنق بعبرتها تذكر امها وتقول لو موجوده امي كان اخذت عني القرار وفكتني لان الام ادرى بمصلحة بنتها
وحده تقول الها كيف يتروحين وبتجين وياه كيف بتطلعين وياه خلاص بتصيرين ملزومه فيه لا تطلعي ولا تسافري عشانه
والي تقول الها لو طحتي غشيانه من لك
ولي تقول الها كيف بتمارسي حياتكم الحميميه
هي ماهي عارفه ويش تسوي تحس راسها بينفجر من التفكير خايفه ترفض ويجيها الاسوء اويفوتها الانجاب
وخايفه توافق وتمرمر وياه
نصحتها تستخير الله سبحانه وتعالى وتكلمه بالتليفون وتساله عن كل الي يدور في عقلها من تساؤولات
وان اقتنعت وافقت وان ما اقتنعت لا توافق
انتو ايش تشورون عليها توافق وتوكل امرها الى الله
والله ما توافق وتطلب من الله الافضل
ولي عندها زوج او قريب معاق وعنده نفس المشكله الله يحميكم انششاء الله ويعافي كل مريض ترد علي كيف هي عايشه مبسوطه او لا
وادعووا الها
وسلامتكم طولت عليكم
المتوسله @almtoslh
محررة
يلزم عليك تسجيل الدخول أولًا لكتابة تعليق.
الله يكتب لها الي في الخــــــــير يااااااااارب العالمين
بس فيه كتير يتزوجوا معاق او العكس وينجبو اطفال عادي
الله يووفقها يااااارب
بس فيه كتير يتزوجوا معاق او العكس وينجبو اطفال عادي
الله يووفقها يااااارب
وعليكم السلام
عليها بالاستخاارة اولا
ثانيا عمرها كبير فبتقل فرص الزوج الكفء
فاذا الرجل اخلاقه طيبة تتوكل على ربي
يجي لها اولاد ينفعونها
وربي يكتب لها الخير
عليها بالاستخاارة اولا
ثانيا عمرها كبير فبتقل فرص الزوج الكفء
فاذا الرجل اخلاقه طيبة تتوكل على ربي
يجي لها اولاد ينفعونها
وربي يكتب لها الخير
الأفضــل أنهــا تستخـير وربــي يكتـب لهـا الي فيه الخـير ويعوضهــا على مافات من عمرهـاا ..الأفضــل أنهــا تستخـير وربــي يكتـب لهـا الي فيه الخـير ويعوضهــا على مافات من عمرهـاا ..
الأفضــل أنهــا تستخـير
وربــي يكتـب لهـا الي فيه الخـير
ويعوضهــا على مافات من عمرهـاا ..
وربــي يكتـب لهـا الي فيه الخـير
ويعوضهــا على مافات من عمرهـاا ..
الصفحة الأخيرة
وربــي يكتـب لهـا الي فيه الخـير
ويعوضهــا على مافات من عمرهـاا ..