اسعد الله اوقاتكم حبيباتي:39:
وحده من قريباتي نذرت نذر قبل فتره انه اذا صار الشي الفلاني اني اسوي ثلاجة مويه صدقه جاريه
والمشكله ان اولادها يقولون كيف نسويها ومن يتابعها لانه لازم لها متابعه
وهم فعلا ماراح يفضون لها بحكم مشاغلهم وراح يهملونها
وسمعتها تسأل تقول ماينفع اعطي جمعيه خيريه مبلغ الثلاجه وتكاليفها وهم يسوونها...
حبيت اساعدها الصراحه...
بنات هل فيه جهه معينه ممكن تدفع لهم تكاليف الثلاجة وهم يسوونها ويتابعونها
اللي تعرف او لها قريب ممكن يفهم في هالامور او تعرف جهه خيريه معينه تدلني عشان اساعد هالمسكينه...
لانها الحين صارت تشتري مويه وتوزعها في اماكن عامه ماعاد تدري وش تسوي واولادها من جد مابيقدرون يتابعونها يمكن فتره ويهملون
انتظركم...:)جزاكم الله خير
حنوونة @hnoon_3
محررة
يلزم عليك تسجيل الدخول أولًا لكتابة تعليق.
يالغلا مؤسسه مكه المكر مه الخيريه تتكفل بذلك او جميعة البر او اي جمعيه خيريه تتكفل بطلبها وتراقب المويه وصيانتها يعني هي بس تروح تدفع فلوس للجمعيه وهم يتكفلون بكل شي واذا عندها فلوس خليها تسوي حفر بئر في خارج المملكه تكلف تقريبا 4500 او بردات مويه في اليمن تكلف 800 ريال انا متاااااااااااااااااااااااااااااااااااكده لاني رحت مكه المكرمه واخذت الاسعار وفيه عندهم مشروع صيانه بردات المويه داخل المملكه في السنه تدفعين 300 ريال عشان يسون صيانه لجميع البردات في في نفس منطقتكم
الصفحة الأخيرة
ليش ماتحط الثلاجة بالمسجد وتخلي عيالها يتفقون مع المؤذن او الامام او حتى عامل المسجد
كل ماخلصت المويه يعلمونهم بصراحة حلو مررررررررره كثير عمال يجون المساجد يبغون مويه
اتمنى افدتك