قريبتي والثعبان 👽

صباح الخير
عندي قريبه تصير بنت عّم زوجي منقطعه عني من اربع سنين اول تتواصل معي بس تنقل كلام قالو فيك الناس قالو
انتبهي من زوجك لا يتزوج لا يسوي لا يروح اشغلتني
المهم انقطعت لانها تزوجت وخلفت
تفاجاءت من كم يوم الا وهي تتصل رقم ماعرفه قالت انا فلانه
وسوالف وتاخذ اخباري وأخذ أخبارها وتشكي لي انها ماهي مرتاحة وأنها تصرف على زوجها وووووووووو تتشكى منه وانا أقول اصبري المهم مو هذي سالفتي
صارت من فتره لفترة تدق سوالف بس سبحان من تدق مارتاح لها
بس أمي وأختي قالو حرام عليك طيبه وتحبك لو ماتعزك مادورت رقمك
وتكلمك
الي صار انها قبل تدق بكم ساعه آكون نايمه يجيني ثعبان كبير وضخم ياسود يااخضر ضخم
يدخل بيتي وينام على سرير ويدخل بين ملابسي يعني من كلمتني حلمت اربع مرات بثعابين ضخمه ومره في غرفة بناتي ومره فوق الدولاب
بس في المنام يناظر ماياذيني واصحى خايفه والله اني اقعد من النوم بسرعه
على اني حامل وثقيله اقوم من الخرعه بسرعه
والقيها ماتصله وتقول نفسي اجيك قلت لها تعالي اذا ولدت لآني جالسه أغير في الاثاث وانا بس اصرفها
اختي تقول حرام عليك وانا أقول قلب المؤمن دليله 😓
ابو زوجي خطبها لزوجي قبلي بدون يشاور ولده بس رفض زوجي قبل ماكان يبغى من العايله
ويقول أشوفها مثل اختي ويوم الخطبة سافر وتركهم لان ابوه كان مصر عليها وهو وأمه مايبغونها