قريبتي ودقها بالكلام

مرحبا بنات
والله نفسيتي زفت بسبب شي واحد كاره نفسي عشانه
انا البكر ومتعوده
انا دايم مع امي يعني اطلع معها اقضي اغراض البيت
اشتري معها امي سبحان الله ماتثق الا فيني
بكل شي لما اقولها خوذي خواتي اللي بالكليه
تقول لا مايعرفون شي قسم اني انضغط احيانا لكن
اقول عشان امي كل شي يهون
المهم اذا صار عندنا عزايم او طلعات
انا اسوي كل شي من طبخ
من تجهيز
وخواتي طبعا مايلمسون شي تعودو كذا
كثير كثير صار يضايقني كلام قريباتي
صح يمزحون لكن مزح ثقيل
زي فلانه الشغاله حقت اهلها عشان كذا ماعندهم شغاله
فلانه مكروفه عكس خواتها مرتاحات
بكرا عندنا طلعة بر وجالسين نجهز انا وامي كل شي
وكانت اختي تسولف بالقروب
قالت اختي لقريبتي ان فلانه من العصر اتجهز
جت قريبتي سجلت مقطع صوت بضحك
تقول فلانه تقصدني
تكرف كرف وانتي منسدحه عند المسلسلات والله انك كفو واسطورتيييييييي
وتضحك
جيت انا قلت وش دخل اكرف ؟
كل الاغراض اللي طالعه أجيبهم لنفسي ولامي ؟
جت بضحك تصرف لقروب كله بنات اقاربي قالت
هه نمزح نسحب الكلمه
ومو اول مره تسويها
قبل سوتها كذا يتكلمون عن البنات
قالت عني
فلانه مكروفه منذ الصغر بضحك !!
بنات متسلطه علي بشكل مستفز
تستحقرني
وتحسسني ان خواتي مريحات واميرات وانتي مكروفه
امك كارفتك
والله اني احيانا افكر انها بتزرع الحقد والمشاكل بيني وبين اهلي
دايم توضح تراك اقل خواتك
تراك مكروفه
خواتك غير عنك
دايم ترمي كلام واسكت اول مره ارد عليها بحياتي
واكتب وش دخل اني مكروفه اللي جالسه اسويه لنفسي
ولامي
وجلست تضحك اختي قالت اسفيهها
وحطيت حرتي باهلي
وجلست اتهاوش معهم وصدق حسيت اني مكروفه
لاني جد انا مضغوطه من كل شي على راسي
امي تجنن وطيبه معي لكن الله يهديها
ماتبي غيري بكل شي محملتني كل شي
تشوف خواتي ماينفعون لشي ولا يعرفون شي
لكن انا عندها غير بكل شي
والله اني عادي عندي اساعد امي بعزائم
او طلعات دوريات
او السوق اختار معها
او اجهز لطلعه
تو انقضى لبيتنا
لكن الناس مو فاكيني من شرهم خاصه الاقارب
اتعبوني نفسيا بالمقارنات والهرج ورمي الكلام بوجهي