احس معاملتج له كٲنه طفل في الروضة مو رجال
الله يهديكم

اش المثاليه اللي نزلت عليكم ياعالم حواء المره ردو فعلها طبيعيه وزوجها أخلاق ورجال بمعنى الكلمه والا لانه طيب معها صار بنظركم بزر وصار الرجال عندكم اللي مسوي فيها شخصيه ويضرب ويهاوش الله يهديكم بس

انا مع رد الاخت الماسه

يااختي احمدي بلك ان عندك زوج متفاهم وانتي جالسه تحكمي فيه وتفرضي عليه اشياء
لو زوجي كذا كان عاند وسواها مشكله وقال وش دخلك
خلاص هو ارسل له وانتهى الموضوع ليه كل الشوارع هذي والرجال ربي بيحاسبه

اول شي حبيبتي ابي أعطيك نصيحه صغيره لاتخربين بيوت البنات الي هنا بأفكارك تزرعين فيهم الشك والتفتيش أنبهك ماعليك من احد يمكن بكلامك هاذا تسب بين مشاكل بين البنات وازواجهم وتخربين حياتهم اذا خذو كلامك وراحو يفتشون جولات أزواجهم وخاصه انه فيه بنات توها متزوجه وما عندها خبره وانتي زعرتي الشك فيها

ثاني شي شوفي حبيبتي اذا زوجك عنده قريب وأرسل مقاطع اباحيه احب أعطيك بعض النصائح


اول شي يااختي انتي جالسه تخربين على نفسك وتشككين بزوجك وقريب زوجك مادرى عنك
ثاني شي هو له رب يحاسبه
ثالث شي حبيبتي زوجك رجال وأخوياه وأقاربه رجال لو أوسلو او استقبلو بيناتهم انتي مالك دخل
بالله تقلبين زوجك يمسح رقم او يحظر احد مثلا من صديقاتك او قريباتك
رابع شي زوجك لو عنده شي بيخبيه عنك كان ماخلى جواله معك
معليش حتى لو تغارين على زوجك مو باهالاسلوب ولاباهاالطريقه ولو زوجك يبي يشوف مقاطع بيروح اي مكان بعيد وبيشوفها ومع كذا احب اقولك حتى لو شافها ولاكأنه يشوفها فيه أسلوب وطريقه ثانيه تقدرين تمنعينه بتذكيره بالعقاب من رب العالمين
والخوف من الله والدعاء له بالهدايه اجل وش تسوي الي زوجها يكلم بنات
وترا طريقتك منفره وبالعكس بها الطريقه زوجك ماراح يسمع منك احب اقولك في أمور الزوجية خليك حكيمه وحلي أمورك بذكاء وعقل لان الرجاجه وحل الأمور اغلبوهم بالصوت وانا المسيطرة ماتنفع