قريت موضوع وعجبني لتسهيل الطبخ

السلام عليكم.. الصراحة انا جربت شغلات كثيرة تعينني وتساعدني برمضان..ماشالله تبارك الله فادتني كثير ولله الحمد.. اول شئ خفف علي وخدمني كثير غسالة المواعين صرت ما اشيل همها ابد وقبل الفطور يكون حوض المواعين فاضي والمطبخ مرتب ولا فيه كركبة وحوسة.. الشئ الثاني اللي خدمني اني جبت فريزر بعد سنوات من التفكير والتردد وطرح الفكرة على زوجي وافق..لان فريزر مطبخي صغير ومايستوعب شئ..وصرت الحمد لله اقدر افرزن براحتي.. ترتيبي لرمضان يكون قبل ب10 ايام تقريبا عشان ما تخرب الاشياء مع طول الوقت.. نجيب لحم طازج من اللحام وطبعا يكون نوعين شئ مفروم للسمبوسة والمكرونة والصواني.. وشئ هبر للشوربة.. اقطع اللحم للشوربة واكيسة حق كل يوم بروحة عشان كل يوم اطلع كيس وبس.. واللحم المفروم احمسه كله مع بصل وصنوبر وثوم واتركه ليمت يبرد..واقسمه باكياس..واترك كمية منه للسمبوسة ..هاذي اضيف عليها البقدونس والشبت والبازلا..والجرز..واحشي فيها رقايق السمبوسة واحط كل 4 حبات بكيس عشان اطلعها بشكل يومي.. اما المفروم اللي كيسته من قبل يخدمني كثير في الباشاميل..والمسقعة..صينية الخضار..الاسباجيتي.. احشي كمية سمبوسة جبن كاسات واثلجها وكل 6 حبات مع بعض.. احمس كمية من القهوة واطحنها وبعد الهيل اطحن كمية تكفي للشهر كله.. اعمل شيرة للحلويات والللقيمات..واحطها ببطمان اما بالثلاجة او برى.. اعمل كفتة دجاج وتونه بالبطاطس واخليها تكون جاهزة للقلي وعالفريزر.. اطبخ كمية من العدس الاصفر مع كشنة طماطم وبصل مطحونة ولما تبرد اكيسها وعالفريزر..ومجرد ما ابغى اعمل شوربة العدس اطلع كيس واذوبة ومع مكعب ماجي او مرقة دجاج ولا اروع.. اعمل كمية كشنة طماط مع بصل..وتكون كبيرة الكمية..لما تبرد اقمسها نصفين..نص اطحنه بالخلاط ونص لا اوزعه اكياس بدون طحن..اللي مطحون يصلح للايدامات..صلصلة البتزاء والمكرونة..الفول والعدس.. واللي بدون طحن للكبسة والشوربات..او للشكشوكة .. اعمل صلصة البيتزاء واخليها جاهزة اخلط معها الاوريجنوا والكاتشاب والصلصلة..وافرزنها في علب.. حمست 4 كاسات من الحليب البودرة عشان حلى التوفي لاننا نحبه والتحميس ياخذ مني وقت فخليته جاهز ومحمس بالفريزر.. جرشت كمية من الفستق للحلويات والتزيين فيها.. العام الماضي جربت افرزن الجبنية..عملت كمية كبيرة من العجينة وفردتها وقطعتها وقسمتها بصحون وفرزنتها..وكل كم يوم اطلع صحن ونقلية والنتيجة كانت مرضية ومريحة.. بعد العام الماضي عملت محشي ورق عنب وقسمته ب3 قدور.وحطيت اسفلة حلقات البطاطس.وصبيت عليه خلطته الخاصة بالطبخ..بس وقت الطبخ واولع النار واطية عليه لمدة ساعة وخلاص.. جبت كبة جاهزة من السوبر ماركت"الميني كبة"ماركة شامي..نوعين دجاج ولحم..وكنت احط منها كل كم يوم للتغيير.. استغليت ايام الدورة الشهرية في وسط الشهر لتجهيز بعض الشغلات الاضافية..مثلا بيوم عجنت عجينة فطاير كمية كبيرة..وعملت منها اقماع فارغة وفرزنتها..وكنا نطلع منها ونحشيها اما نوتة مع مايونيز..او خضار..او لحمة مفرومة مع خضار.. البف باستري كنت لما اعمله مثلثات بالجبنة ..اعمل الكيس كله ..بس مااصب عليه لا شيرة ولا حليب مركز ولا شئ..اخذ منه كميةيتنا لليوم واحط عليه الاضافات والباقي احطه بعلبة بالثلاجة وبعد يومين اطلع منها احط عليه الاضافات من حليب مركز وارش عليه القرفة..واسخنه طبها ثواني بالمايكرويف....ما يتغير بالثلاجة.. طالما ماحطيت عليه اضافات.. غالبا المواعين اليومية مثل صحون الشوربة والكاسات والمغرف وادلة القهوة والفناجين والتمر وهالشغلات خلاص ماعاد ادخلها كل يوم للدواليب..كنت بعد ما اغسلها اطلعها واصفها في الصينية من جديد واحطها عندي بالمطبخ على غسالة المواعين جاهزة لبكرة..عشان من كل يوم اقعد ادخل واطلع في هالمواعين..
اعرفي أكثر على عالم حواء: https://www.hawaaworld.com/%D8%AA%D8%B3%D9%87