((((((((((((((((((((((((((((قر رت اني انظم حياتي))))))))))))))))))))) )))))))))))))

بصراحه مليييييت من حياتي احس اني ضايعه احس اني بحووووسه وكل ماقلت بنظم وقتي يجي شي ويحوسه
مو كله اني مشغوله لااااا
المشكله اني فاضيه على قولت جدتي عاطلتن ماطله (لحد يسألني وش معناها ههههه لاني مدري)..


انا كتبت الموضوع عشان تساعدوني ولا تراني اقدر اسويه من حالي لحالي بدون طقطقه وتعب عالكيبورد وبرضو يمكن احد يستفيد من الموضوع ويمكن بعد احد يدعيلي وتوافق ساعة استجابه..

المهم...


قررت اني اقسم حياتي الى اقسام رئيسيه تتفرع منها اقسام صوغننه وهكذا

القسم الأول :

الدين

طبعا هالقسم يتفرع منه اقسام فرعيه كل شي يخص الدين يكون بهالقسم هذا
واقسامه الفرعيه:

1-يومي
2- اسبوعي
3-شهري
4-سنوي



القسم الثاني:

الدراسه

كل شي يخص الدراسه يكون هنا...

ويتفرع منه:
1- الجامعه
2- الدورات
3- الكتاب: يعني الكتاب اللي تقرينه بهالفترة قبل لاتنامين

القسم الثالث:

الجمال

انا في الاول ماعطيته اهمية بعدين فكرت ان اهم شي عند البنت جمالها حتى لو انها عجوز شمطاء وطبعا له فروع:

1- الصحه (في التغذيه)
2- الرياضه
3- الخلطات والكريمات
4- النظافة
5- اكل الفيتامين

طبعا راح نتفرع اكثر واكثر يعني راح اسوي جدول لكل شي مثل الخلطات وش استخدم وش مااستخدم متى ابدا متى انتهي والرياضه برضو سيم سيم


القسم الرابع راح اسميه :

دنيا

(السعاده صنعه)
(كل ماتشتهيه النفس)

يعني ايش؟
يعني أي شي نفسك فيه بهالدنيا طبعا حلال يكون بهالقسم يعني نفسك تشترين الشي الفلاني نفسك تطلعين المكان الفلاني امممم عندك شغله بتخلصينها هيييك
يعني يكون عندك مفكره صغيره تكتبين فيها الاشياء اللي تبينها وتقدرين عليها مو تقولين ابي عماره ب3 مليون اقصد مثلا نفسك تشترين عدسات او نظارات تكتبينها هنا اممم بتفتحين حساب في بنك تكتبينه هنا والاهتمام بالمظهر اليومي وترتيب الساعات مثل كم ساعة تجلسين عالتي في وكم ساعة تجلسين عالنت وتنظيم الروحات للسوق و أوقات الفراغ استغلها بايش؟ هيك شي

ياليت انها وصلت وفهمتوا الفكرة


القسم الخامس:

المسؤوليه

يعني هالقسم يتعلق بأي شي انتي مسؤوله عنه
بالنسبه لي فرعته بـ:

1- بيتي
2- زوجي
3- أولادي

إعطاء كل ذي حق حقه

القسم السادس:

يمكن ماتعتبرونه مهم اللي هو

الاجتماعات والا رتباطات

ليه اعتبرته مهم؟
لانه يحوس كله اللي كتبته فوق احسه يخربط ابو الجدول وخاصه اذا جت مفاجاءه يعني صار بنفس اليوم


تقريبا اللي وصلت له 6 اقسام رئيسيه في حياة الشخص
طبعا بفروعهم وطبعا مو بس الفروع اللي ذكرتها يعني كل فرع يتفرع منه اشياء راح اذكرها ان شاء الله بعدين

بس حبيت آخذ رايكم هل ال 6 أقسام اللي وصلت لها كافيه او اني ناسيه شي
هل يعتبر اللي سويته نظامي بزياده ولا هذا المفروض يصير
السؤال الاخير والاهم الا وهو القسم السادس اللي غاثني
اللحين انا مستغربه اللي مسوين جداول كيف ماتخرب وماشين معها تمام
ودي اعرف كيف استمروا؟
وهل القسم السادس مسويلهم مشكله في جدولهم؟
يعني انتي جدولك يقول الساعه الفلانيه تسوين كذا وبنفس الوقت عندك عزيمه!!! مدري احس خربطه؟!!
ووش الاشياء اللي اذا صارت ممكن نستغني عن الجدول لفترة محدوده؟انا بالنسبه لي الاختبارات اترك كل شي الى ماانتهي منها
ووش اقتراحاتكم؟

عندي أشياء كثيرة لسه ماقلتها لان اجوبتكم عالاسئله راح تحدد وش راح يكون الوضع


ونشكر لكم حسن استماعكم خخخخخخخخخ