@--@ @26_1

محررة ماسية

-_-_- قزقزة السوق و زوجك الظريف و تفكير البنـــــــآت -_-_-

السلام عليكم و رحمة الله و بركاته

تحيه لكم كلن باسمه

استغرب من شيء/// أن بعد فضائح تويتر ووسائل التواصل -اللهم استرنا على الأرض ويوم العرض- و بعدما عرفنا أن اكثررررر المغازلجية الي يطلعون ويبون الحرام فعلا ،،،، هم رجآل متزوجين !!! ،،،

وبعدما عرفنا ان كثييرررر للأسف من فاسدات تويتر ،،،، هن متزوجآت و بعضهن تكتب بصريح العبآره في البآيو : زوجي مبتعث و طفشانه ،،،، زوجي مادري وين رايح و ابي شحن وابي

الزبده ،،،، الي استغربه مو هذا !!!

الي استغربه ان بعد كل هالأموور ..... لا يزال فيه حريم ينسبون كل فساد للبنت لكونها ما بعد تزوجت !!

مثل موضوع عن البنات الي يقزون الرجال بالسوق ،،، كل العضوات الي ردوا افترضوا أن هالبنات مو متزوجاات ...

وحده تقول انا ارحمهم عندهم نقص وفراغ ..... والثانيه تقول فراغ عاطفي .... والثالثه تقول مقهوره مني و من زوجي ...

عفوا حتى لو زوجك ابيض ووسيم وطوله 186 وعريض و بنت ناظرته ،، من قال انها بنت و مو متزوجه ؟؟؟؟!!!

بخصوص زوجك الي طايره فيه ما ودي اعيب خلقه رب العآلمين بس مستحيل بنت بتناظر رجال قاصدة و هو يفتقد للشكل و يسعدني اقولكم ان ناااادر ما نلقى سعودي جميل جميل ..... اذا زان وجهه طلع جسمه مو قد كذا .... واذا الوزن و الوجه كويسين نلقاه قصيرووون جدآ ....

أمااا اذا زان كل شيء نلقاه بصباااااص و هذا الأغلب ان الرجل بمجتمعنا (((سواء زين ولا شين للأسف هذا طبععععع )) و خصوصا بمناطق معينه ،،،، يكون بصبااااص من الدرجة الأولى مو البنت !!!

الرجل غااالبا يعطي نفسه الحق يناظر الحريم بالاماكن العآمه و لا تقولون لأ .....!!!!

تلقونه متأبط زوجته وهي يا حياتي دايخه عليه وهو عيونه تلاقط يمين و يسار :kissa: :a_smil08:
للاسف هذي سمة أغلب الرجال لكن انتم من باب التخفيف عن انفسكم تحطون الغلط بالإناث !!!

وحجتكم السقيمه حقت : طبيعي ينآظر طالما هي متبرجه ،،، اقولك لا حبيبتي الدين ماعطاه رخصة شرعيه (والله ما يخالف ناظرها دامها متبرجة !!!!) الرجل مأمور بغض البصر إلا في حال وقعت عينه بالغللللللط هذي لمحه و مغفور له ، لكن الي يسوونه الرجال بالسوق أمر لا يطاق بصراحه !!

لا باسواق لا بمطاعم .... وجع ما قد شفتوا حريم ؟؟؟؟

المحتشمه ما خلوها بحالها .....
الي لابسة عبايه راس لازم يعطيها قزة خفيفة يشوف لون بشرتها يمكن ؟!!

عمى بعين كل بصباص الله يضيق عيشتهم مثل ما عطو نفسهم الحق يتأملونا وحنا محتشمات !!!

المشكله ان بعد هالانفتاح بالنت و خصوووصا بالمجتمع السعودي طلعت الحقائق التاااليه :

-المتزوجه قد تكون احرص على النظر لأن اكثررر المتزوجات راعين مقارنة بين حياتها و زوجها و حياه المتزوجة الثانيه ،،،، ،البنت مهما كبر عمرها تظل متفائله بفرص أفضل وطبيعي ما تقارن و ما تحسد
بالعكس ترحمك اذا حست أن عيشتك مو قد طموحها وتدعيلك، لكن تتمنى لنفسهآ عيشة و زوآج افضل

- الرجل بمجتمعنا غالبا عينه على الحريم الي بالمكان

- حتى وان تظآهر بكونه يتذمر من تبرج البنات معناها أنها قااااازها و قاز عبايتها من راسها لرجليها

-المتزوجه بمجتمعنا ما عندها اشباع عاطفي ولا هم يحزنون للاسف العكس صحيح يزيد عندها الجفاف وتناضل من اجل كلمة حلوة وما تحصلها

بينما الزوج ينهال بعبارات الحب و ينطلق لسانه اذا كان بعلاقه محرمه

-البنت حتى لو كانت مغازلجيه غالبا طايح من عينها المتزوج و ما تشوفه صيدة لأنها تدري انه بينجن عليها على أيه حال لمجرد انها ماهي زوجته !!! و تدري انه خوآف من زوجته احسن لها شاب مثلهآ بدون مشاكل ووجع راس (((اللهم عافينا واسترنا ياارحم الراحمين))

-غالبا مافيه متزوج راقي و تفكيره حلو ونلقاه مع حرمته بالسوق !!! السوق 99% محلات نسائي واطفال وش يجيب الرجال يدور بالمحلات الا لو كان منغلق و تفكيره حكر و شديد !!! عالاقل انتظرها بالكراسي الي برى و لا تزاحم حريم !!!

-زوجك ناظريه بعيون الخلق مو بعيونك لو كنتي تحبينه ،،، فاحتمال البنت تشوفه شين و أسمر و قصير ....... خلك وآآآآقعيه رجاء مين بيناظره ؟؟!! و مين تكونين عشان تتعمد تقهرك ؟؟؟

خصوصا اذا هي حلوة ومرتبه على قولتكم ((طالما تشتكون من المتبرجات)) فهي تشوف نفسها في مستوى افضل منك و يتهافت عليها االناس

وفي قراره نفسها مبسوطة لأنها ما توهقت مثلك و تزوجت شخص كهذا سواء بشكله او ماديته أو اخلاقه و بصبصته ..،/

و تشوف انها الحمدلله أن لسه قدامها فرصة تنال حظ افضل ((ما بعد توهقت لسه)).

لا تزعلون رجااااء ترى انا بنت و أعرف تفكير البنات حتى لو ما اعترفوا هذا تفكيرهم .

هذي الحقيقه وإن أوجعتكم

ادري تحبون تعتقدون أنكم محل انظار و الناس تتعمد تقهركم لكن الحقيقه افضل وان كانت جارحة

شكرااا :a_smil08:
:a_smil08:

177

27K

يلزم عليك تسجيل الدخول أولًا لكتابة تعليق.

تسجيل دخول

بوزتف ليدي • 10 سنوات

والله مابعد كلامك رد او اضافه كلامك صحيييح 100% وان كان جارح للبعض لكن والله هذي هي الحقيقيه ، واكثر شي عجبني بموضوعوك لما قلتي الحقائق الي كشفها لنا تويتر فعلا موجوده وملموسه للاسف

ام بناتي 2014 • 10 سنوات

👍👍👍👍👍👍👍👍
الحمد لله زوجي مايحب السوق 😁😁😁

lana26 • 10 سنوات

فعلا انا مع كلامك مع إني متزوجه بس اشوف ان كلامك صحيح بعض الحريم مصدقه ان البنات يبون يقهرونها، اش عرفهم فيك عشان يقهروك

Sez33 • 10 سنوات

اليوم في السوق والله واحد واقف وزوجته جالسه على الكراسي

ومرو بنات يمشون وكانوا كاشخات ولبس الكعب واالعباييه المزكرشه الرجال تكلمه زوجته وهو عيوونه ع الحرريم !!
يكلمها وهو عيوننه عليهم

رحمتها والله اذا قدامها كذا من وراها ايش اجل ؟؟

pazuzu • 10 سنوات

كلامك ينطبق على "بعض" العينات مئة بالمئة
انا اعرف متزوجات وطبيعيات وما عندهم حركات الوسوسة وزوجي خطر خطر لااحد يطل فيه وحياتهم طبيعي يطلعوا السوق ويتمشوا مع بعض عادي ، ولو زوجها بحلق في بنت والله تتكلم وتقولك زوجي بصاص >> يعني لو زوجها غلط تعرف تغلطوا مو تتكلم في بنات خلق الله كإنو مافي بالمول غير رجلها ..
،،
الموضوع اللي موجود بالمنتدى ، مالو داعي صراحة .. انا لو كل مرة اكتب موضوع عن سوء ألفاظ الحريم بالمولات والبحلقة وغز النظرات محا أخلص
فيه نوعية من الحريم لو شافتك مختلفة عنها ( متلا تكشفي وجهك او تلبسي عباية ملونة ) خلاص ممكن تعتبرك أسوأ خلق الله وتجلس طول ماهي بالمحل تغزك غز بعيونها تراقبك ايش تسوي - شي يوتر ورب الكعبة ، وانتي أصلا مو دارية عن جوزها .. الواحد مو عارف هوا انعدام ثقة هوا نقص عقل ماأدري ، احيانا والله شي يضحك .. ( طبعا مو طبيعيات ويحزنوا مايعرفوا يستمتعوا بالخرجة ) ،
احيانا أعطيها عذر لأنو فيه حريم زوجها يشدد عليها بالحجاب وما يخليها تتنفس وبالأخير يجلس يطالع بالبنات اللي مايتحجبوا بالطريقة اللي جابرها عليها فغصبن عن عينها تطنقر وتنكد على نفسها بس المفروض تزعل من زوجها مو تجلس تحول الموضوع من غيرة شخصية الي غيرة زوجية عشان ماتقدر تتفاهم مع زوجها البصاص وأسهل عليها تفرغ زعلها ونكدها عالبنات ..