شوفي ياقلبي العيب مو فيك انتي ماقصرتي وسويتي اللي عليك واكثر طبخ ونفخ ودلع له وانتي حامل وعندك ولد ومع كذا ماقصرتي معه وتحاولين ترضينه وهو مطنشك وحتى كلمه حلوه مسترخصها فيك وفوق هذا خاين ... بعطيك الحلول وباذن الله تنفع ...
1 طنشييييه دلعي نفسك انتي واهتمي بصحتك وصحة ولدك وشغل بيتك سويه على مهلك وحسب طاقتك ان تعبتي وقفي ..
2 لما ينتقدك او يتهزى فيك ناظريه نظره من فوق للتحت ومن دون تتكلمين ..
3 البسي واكشخي للنفسك انتي مو له
4 خليه اخر اهتماماتك عشان يحس بتقصيره معك
5 اللي قريتيه في المحادثه وكنك ماقريتيه لاتوضحين له اصبري وتحملي لانك ان وضحتي له وناقشتيه بيقلبها عليك وماراح تستفيدين شيء ..
6 والاهم عليك بالاستغفار والدعاء في صلاتك وعليك في صلاة اخر الليل والدعاء له بالهدايه ..
7 عزي نفسك وحطي لها قيمه ومكانه
وبعدها باذن الله بتشوفين النتيجه
احيانا الاهتمام الزايد بالزوج وتدليعه يخربه ويخليه يشوف نفسه على زوجته ويحسها بدون قدر ولا مكانه . اتكلم عن بعض الازواج مو كلهم ... لان بعض الاخر بالعكس يقدرون الزوجه ومثل ماتعطيهم يعطونها ... والله يسخره لك ويهديه

عزيزتي صاحبة الموضوع كيف حالك طمنينا عنك وكيف صارت احوالك ؟ انا بالصدقه طلع لي موضوعك وتضايقت كثير علشانك وبرضه من الردود اللي محملتك انتي اسباب قلة الادب والاخلاق اللي في هذا الذكر اللي ابتليتني وتزوجتيه.
ودي اقولك انه اللي زي هذا اللي مخه صايع دائما في قفا النسوان يكون مفتون فيهم لانهم مو من نفس بلده لا اكثر ولا اقل .. مافيهم شي زياده .. النساء هم نفسهم وين ماكانوا. لا تتاثر نفسيتك.
انتي وش تعليمك ؟ تقدرين تشتغلين ؟ تقدرين تاخذين دورات في اي شي يساعدك تلاقين شغل؟ ابحثي واسألي واطلبي المساعده … طبعا من غير علمه. ضروووووري يكون لك دخل ومورد مالي مستقل.
اشتغلي على تقوية ثقتك بنفسك ، انتي ذات قيمة وصفاتك صفات اميرات .. حبوبة ولبقة وراقية ذات ايثار يعني تقدمين غيرك على نفسك وهذا باين في محاولتك لجعل بيتك مرتب ومحافظتك على صحة البيبي وابنك. لكن نفسك مهم انك تعطينها وقت تهتمين فيها وتبنين ثقتك كلمي نفسك كلام ايجابي واقرأي في كتب تطوير الذات .. دوري في اليوتيوب وحدة اسمه نانسي صميدة مره كويسه شوفي هاللنك عن كيف ما اهلين زوجك يهينك


وهذا بعد عن الثقة بالنفس


لاتنتظرين من احد يقولك انتي ذات قيمة او انتي حلوه ؛ نفسيتك وراحتك النفسيه رقم واحد . اثنين؛ اهتمامك الخارجي اقصد فيه النظافة الشخصية وقص اطراف الشعر وقص الاظافر والترطيب والميك اب الخفيف يريح وينعكس على نفسيتك ( وقت الحمل انتي صح لازم تبعدين عن الصبغه عشان صحة البيبي) عادي انتي انسان يطلع لك شيب هذا شي طبيعي .. انتي بشررررررر اللي ما يفهم مو مشكلتك.
اسعي يكون لك بيت او شقة باسمك ، شوفي برنامج "سكني" حق وزارة الإسكان اذا تنطبق عليك الشروط .. بس لازم تشتغلين.
اي مصروف او فلوس تجيلك اصرفي على الضروري واجمعي الباقي، على ماقالوا حافظي على قرشك الابيض ليومك الاسود.
ترا الزواج مو حكم اعدام لارجعة فيه .. لازم يكون عند زوجك احد من اهلك يخاف منه بحيث يحترم نفسه ما انتي انسانه بلا كرامة ومدعوس عليها عشان يحسب انه مسموح له يعاملك بهالطريقة الوقحة .. ترا حتى الشرامي* يفرضون احترامهم وهذا هو سبحان الله وسيع صدر وهو يكلمهم …. لا تنسين انتي بنت ناس ولك عزة ومكانه عاليه قدام نفسك واولادك ويكفيه شرف انك صرتي زوجته ام اولاده …
اذا لا يزال لسانه زي ماهو في تعامله معك .. استشيري محامي او محامية احوال شخصية … عشان اولادك ونفسيتك .. لا تحكمين على نفسك بالتعاسه .. ياما نسوان عايشين لاولادهم بس …البيت المثالي لازم الام والاب تكون علاقتهم صحية كلها احترام ورحمة ومراعاة لمشاعر بعض.. غير كذا ما يتعاشر ولا كويس للاطفال انهم يشوفون امهم مقهورة وتعيسة.
ودمتي بخير وسعاده

صرت من كثر مااسمع هذي القصص المآساوية


تعقدت من الزواج ..... والله الموضوع يعقد ويجيب الهم


صاحبة الموضوع ماغلطت ابداً الله يجزاها الجنة


لا نعلم قد تكون تغيرت اوضاعها للأحسن ان شاء الله
الموضوع قديم ...

زوجك يحب الي تدلع نفسها
مو الي تكرف