السلام عليكم ورحمة الله وبركاته
ايه مثل ماانتم شايفين ملينا من الخلطات وماصرنا نفرق بين الحقيقية من الي مجرد مبالغة
وبصراحة المبالغات كثييير لدرجة اني حسيت ان الخلطات هي العصا السحرية الي تحقق كل ماتتمنينه
!!ومو معنى هالكلام ان الخلطات والوصفات مالها اي فائدة بالعكس لها فائدة بمشكلات كثيره لكن ماتوصل لدرجة ان الخلطة الفلانية لتصغير الانف او تكبير الشفايف مابقى الاخلطات تكبير العيون وتصغير الأسنان
خلونا واقعيين شوي خلوا المبالغة والتبهيرات الي مالها داعي
فيه أشياء تدخل العقل وتقتنعين فيها بداية من العنوان والنتيجة الغير فتاكة الى الوصفة المقنعة
مو معقول أبدا ان وحدة تكتب موضوع عنوانه ( تبين بشرتك تصير مثل القطنة تفضلي )
وتكتب انه بشرتها كانت محفرة وفيها اثار حبوب وعنقز وكلف وهالاتها سووداء واستعملت خلطة والي هي طحين ابيض و زيت اسبوع وبشرتها صارت مثل القطنة ...
<< استخرجي من القطعة السابقة جمل المبالغة خلاااص ملينا من هالمواضيع القسم بينفجر من كثر المواضيع والمفيد منها ينعد على الاصابع
والبنات مشتغلات تجرييييييب اي خلطة ان شاء الله تقولين لها حطي كلوركس بوجهك تحط عادي
وياليت ياابناات لما تجربين خلطة ترجعين لنفس الموضوع وتكتبين انك جربتيها وماجابت لك فائدة علشان يكونوا العضوات على بصيرة ونفس الشئ اذا جابت فائدة خلوا الفائدة تعم
او حتى اكتبي موضوع انك جربتي الخلطة الفلانية تبع العضوة فلانه والنتيجة كذا وكذا
احيانا اشك انه مجرد كتابة موضوع والسلام
من جد يابنات خلونا نوقف صف واحد ونصير يد وحدة ونستفيد ونوصل للي نبغاه من غير دوشة راس وخرابيط
وشئ ثاني
كنا نتكلم انا وصديقاتي ونتناقش بالموضوع وشكينا انه فيه ناس عندها معلومات مفيدة ووصفات قيمة لكن ماتكتب اي شئ عنها والله أعلم عن السبب الي يخليها تستفيد ولا تفيد
اتمنى مايكون حسد .. على طاري الحسد فيه ناس مو فاهمة معنى الحسد .. لاجداحيانا تشوفين وحدة حسودة والموضوع عندها عادي ولو تقرأ او تسمع شئ عن الحسد مايجي بالها ان الي تسويه حسد << شطحة
الحسد ياحبيبتي انه لما يجيك شئ تستانسين فيه او لما يصير لك شئ حلو .. تتمنين انه مايجي غيرك أو تتمنين ان فلانة من الناس ماتحصل عليه ؟؟؟؟؟؟؟؟ هذا حسد والحسد يقضي على صاحبة
ومو بس كذا حتى لما تشوفين وحدة من الناس عندها شئ حلو او صارلها شئ حلو تتمنين انه ماصارلها ؟؟؟ هذا بعد حسد
وابحثي عن الحسد وعقابه
اعذروني على الكلام بس فيه عينات كثير من المجتع كذا .. مااقصد القسم هذا بس حبيت انوه عن هالنقطة
ولو بالتكلم عن افات المجتمع كان خلصت الصفحات والكلام ماخلص
اعوذبالله من الحسد والحقد والغل
اتمنى ان موضوعي مايجرح احد ماكتبت هذا الا للفائدة لي ولكم
ولا تجي وحدة تقول تقصدني تراي ماأعرفكم أصلا
لا اله الا الله محمدا رسول الله
لا اله الا انت سبحانك اني كنت من الضالمين