امين يارب

وفعلا ياليت يستمر الموضوع لفائدته وجزاكم الله خيرا

سلآم عليكم..


أعتذر عن الانقطاع.. أشغلتني الدراسة علئ أخر سنة كرف غير طبيعي مع مشاريع التخرج وغير كذا ظروف وأشغال حتئ بعالج نفسي ماني قادر!


ألي عندها أي سؤال أي شي تكتبنهـ وراح أرد عليها كل نهاية الاسبوع!
بمشيئة الله إذا الله أحيانا...


والشي الاخر البعض اعرف ايش احساسهم خاصة لمن يكونون تعبانين مره ويكتبون السؤال اي كلام !


فعشان كذا كل وحده تحاول ماتستعجل وتكتب السؤال بشكل واضح ومفصل عشان اعرف ارد عليه!
وماتوفيقي الا بالله

عليكم السلام..

هي ما تأثر بالضبط أو في الاصل!

بل الشياطين يكرهون الي يذكر الله ويدعي... الخ

ويعرفون ان الدعاء هو الي ينجيك مثل مافي القران ايضاً !

فعشان كذا كل ماتكثرين منها تتعبين وماتقدرين تكملين وتجيك اعراض

فعشان كذا هم يمنعونك!

اما في المقابل لو جيتي تسمعتي اغاني وفعلتي معاصي... الخ والعياذ بالله

راح تلاقين كل ماتسوينها تفرحين يعني مافي شي يمنعك مثل نوبات هلع وغيرها!

لانهم ععارفين ان هذا الشي يغضب الله سبحانه! فيعطونك مجال ومايتعبونك •

واصلي قراية...

وراح تزيد الاعراض أكثر... واذا زادت اعرفي انك في الطريق الصحيح...

ولاتخافين ثقي في كلامي

الله اعلم

بحاول أخفي تفاصيل كثيرة وأعطيك المهم!
طبعاً هذا قبل ما اقرا القران واواصل فيهـ كانت حياتي فيها شي غلط!
قبل ماعرف اني مسحور..


كانت في اعراض في حياتي من يوم واني صغير.. سبحان الله وهذا انا صغير تقريباً في سادس ابتدائي عارف ان في شي متغير في حياتي!


فجأة خلال ايام صرت ما احب اخرج من البيت وحتئ لمن العب مع العيال كنت دايم احسن واحد واجيب الاول..


يعني سبحان الله تغيرت حتئ لمن العب مع العيال اتعب علئ طول ودايم اجيب الاخير. هذي اول نقطة لاحظتها متغيره فيا!


طبعاً صغير ماهمني غير اللعب... المهم الشي الثاني كنت لمن اخرج مع العيال بعد تقريباً 7 ساعات تجيني نفسية شديدة فجأة وشي يخلني اروح البيت وكان كل مايجيني هذا الاحساس اجلس في البيت واخر الليل تشتد النفسية لدرجة كأن الاهل كلهم ماتوا احساس زي كذا تقريباً !


والشي الثالث الي لاحظته ازيداد التوتر وشرود الذهني!


ويزداد هذا الشي في امرين لمن اروح الصلاة ولمن اروح المدرسة!


فخليني اتكلم اول شي في الصلاة في المسجد!
كنت في المسجد اتوتر بشكل غريب وعجيب لدرجة اني ارتجف ولمن اصلي احس بثقل دااايم علئ هذا الحال دايم..


لدرجة العيال يسألوني ليش اسبوع تصلي في البيت واسبوع في المسجد؟
وأما من ناحية المدرسة!


كانتي هذي الاعراض الي تجيني!
في الايام العادية يعني غير الاختبارات!
كنت لمن اصحئ الصباح أصحئ منفس والالام في بطني وكنت مااقدر افطر


دايم كل يوم يووومياً كل صباح يوم دراسي يجيني الالام في بطني وماقدر افطر! وفي الفصل الدراسي تجيني احاسيس مثل لمت اكون في المسجد!


واما بالنسبة للاختبارات خاصة النصفية او النهائية!
كان كل يوم في الاختبارات النهائية حتئ الحين وانا ادرس في اخر سنة في الكلية تجيني هذي الامور !


ان قبل الاختبار بيوم تيجني سخونة واستفرغ بكثرة والالام في بطني تزيد.. وكنت ماقدر انام يجيني ارق قبل اختبار!


طبعاً البعض يقول طبيعي الارق بسبب الخوف من الاختبار وكذا... لكن هذا الشي يصيرلي من سادس ابتدائي الي الان وانا في الكلية!


طبعاً تشتد الاحاسيس زي الشرود الذهني وعدم التركيز وصعوبة في التنفس دائماً كل عند اختبار!
طبعاً انا ما اعطيتها مجال وقلت هذا شي طبيعي ولاحظت كل بعد سنة تزيد خاصة في ثاني وثالث ثانوي زادت بشكل اكبر لدرجة كنت بترك الدراسة!


لحد مادخلت الكلية اول سنة تحضيرية بدت تزيد الاعراض اكثر واكثر لدرجة زادت في حياتي في كل شي! صرت ماحب الخرجات وانطوائي تعب في الصلاة وماقدر افكر وتعلثم في الكلام حتئ الناس ماسمعهم زين ماستوعب كلامهم مخي احسها ضارب وتوتر ونفسية واكتئاب حاد... يومياً علئ هذا الحال


بعد هذا الامر قطعت الشك باليقين قلت لازم اشوفلي حل!


بعد شهر من دخولي الكلية تقريباً ..
سبحان الله مدري كيف جالس ابحث في النت عن اسباب الاكتئاب و و و.. الخ


حصلت وحده كاتبه قصص ناس تشافوا من قرائة سورة البقرة بمافيها من بركة و و و.. الخ
طبعاً تحمست للموضوع!


وبديت اقراها.. مع اني انا ماكنت اقرا القران ابداً الا في المدرسة او بعض الايام في رمضان!


المهم بديت اقراها واحس برااحة رهيبة بعد ما اخلص من القراية يجيني التعب وكل شي!
وبعدها جلست افكر انا ممكن فيني عين؟ او في مرض نفسي؟!


قلت مستحيل عين لاني دايم اقرا الاذكار واصلي!
واما من مرض نفسي قلت ايضا مستحيل ... كيف تجيني هذي الاعراض بدون سبب ؟! يعني محد مات من اهلي ولاصارلي شي يسببلي صدمة نفسية !


فسبحان الله ..قلت كلها عند ربي وصليت صلاة استخارة .. بعد ماصليت مره ما ارتحت علئ اني اروح لطبيب نفسي !


واخر الليل صليت ركعتين ودعيت لربي سبحانه .. اللهم اكشف عني الضر او اي كان مابي سواء مرض روحي او مرض نفسي !


بعد يوم مسكت المصحف وقريت فيه من كثر ما اقرا فيه .. نمت مادري عن نفسي !


سبحان الله جاتني رؤية من الله ..
كنت واقف وشفت بوابة تفتح لمن انفتحت طلع منها نور ابيض ساطع ... وجاني رجل نوره ابيض ..سبحان الله وضعية هذا الرجل الي يشوفه يحسه كأن واحد مرسول بس بيعيطيني رسالة ويرجع .. المهم بعد مادخل جاء قالي : أنت مسحور ! فأنا انصدمت قلتله انا مسحور ؟! بعدها رحع الرجل من نفس البوابة


بعدها جلست (او طحت) مثل مالواحد لمن يستفرغ علئ الشي لازم يجلس (اظن فهمتم قصدي)


المهم لمن جلست قلت اعوذ بالله من الشيطان الرجيم واستفرغت
ثلاث مرات سويت هذا الشي اني تعوذت واستفرغت !


بعدها صحيت وفرحان عرفت علئ طووول بدون اي ادنئ شك انها من الله ...وكملت قراية سورة البقرة لحد ما فجأة ! جاتني زي القشعريرة او هزة في صدري وجسمي كله حسيت كانها ثقل طلع مني وبكيت بكاء غريب ودموع كثيرة !


بعد ماصرلي هذا الشي تأكدت 100% اني فيني شيطان طبعاً كنت مستبعد امر السحر كنت احسبه عين او مس..


لاني اقول في نفسي مستحيييييل في ساحر يسحرني ماعندنا سحره في الحارة!
والشي الاخر نسيت اذكره كان في حلم تحلتمه تقريباً 80 مره من يوم كنت صغير!


الحلم اني كنت اجري في الشارع لمن اجري اجري بثقل وصعوبة كأنه في هواء او شي يصدني اجري بقوة بقوة بحاول اجري ماني قادر امشي بشويش..
كنت كل ماصحئ بعد هذا الحلم احس بثقل شديد في جسمي واصحئ احس كل شي ثقيل واصحئ مفجوع!




وبعدين راح اقلكم ليش ذكرت ذا الحلم
( راح ارجع واكمل القصة) •