١- سبحان الله كيف ظهرت هذه الاسحار ؟ وكيف فكيتها؟
٢- هل شعرت لحظة خروجهم بالاحتضار وقرب الموت؟
٣- اقصد احلام الانتصار وليس تلاعب الشياطين ؟
مثلا جمل يحترق بالنار او اسد يحترق
او تقتل وزغ او تقتل قطط ..وهكذا
٤-عندما يؤذونك وقت النوم ؟ ماذا تفعل؟
٥- هل رأيت رؤيا تبشر بالشفاء؟

هذي قصتي كتبتها قبل نسختها ولصقتها هنا
بحاول أخفي تفاصيل كثيرة وأعطيك المهم!
طبعاً هذا قبل ما اقرا القران واواصل فيهـ كانت حياتي فيها شي غلط!
قبل ماعرف اني مسحور..
كانت في اعراض في حياتي من يوم واني صغير.. سبحان الله وهذا انا صغير تقريباً في سادس ابتدائي عارف ان في شي متغير في حياتي!
فجأة خلال ايام صرت ما احب اخرج من البيت وحتئ لمن العب مع العيال كنت دايم احسن واحد واجيب الاول..
يعني سبحان الله تغيرت حتئ لمن العب مع العيال اتعب علئ طول ودايم اجيب الاخير. هذي اول نقطة لاحظتها متغيره فيا!
طبعاً صغير ماهمني غير اللعب... المهم الشي الثاني كنت لمن اخرج مع العيال بعد تقريباً 7 ساعات تجيني نفسية شديدة فجأة وشي يخلني اروح البيت وكان كل مايجيني هذا الاحساس اجلس في البيت واخر الليل تشتد النفسية لدرجة كأن الاهل كلهم ماتوا احساس زي كذا تقريباً !
والشي الثالث الي لاحظته ازيداد التوتر وشرود الذهني!
ويزداد هذا الشي في امرين لمن اروح الصلاة ولمن اروح المدرسة!
فخليني اتكلم اول شي في الصلاة في المسجد!
كنت في المسجد اتوتر بشكل غريب وعجيب لدرجة اني ارتجف ولمن اصلي احس بثقل دااايم علئ هذا الحال دايم..
لدرجة العيال يسألوني ليش اسبوع تصلي في البيت واسبوع في المسجد؟
وأما من ناحية المدرسة!
كانتي هذي الاعراض الي تجيني!
في الايام العادية يعني غير الاختبارات!
كنت لمن اصحئ الصباح أصحئ منفس والالام في بطني وكنت مااقدر افطر
دايم كل يوم يووومياً كل صباح يوم دراسي يجيني الالام في بطني وماقدر افطر! وفي الفصل الدراسي تجيني احاسيس مثل لمت اكون في المسجد!
واما بالنسبة للاختبارات خاصة النصفية او النهائية!
كان كل يوم في الاختبارات النهائية حتئ الحين وانا ادرس في اخر سنة في الكلية تجيني هذي الامور !
ان قبل الاختبار بيوم تيجني سخونة واستفرغ بكثرة والالام في بطني تزيد.. وكنت ماقدر انام يجيني ارق قبل اختبار!
طبعاً البعض يقول طبيعي الارق بسبب الخوف من الاختبار وكذا... لكن هذا الشي يصيرلي من سادس ابتدائي الي الان وانا في الكلية!
طبعاً تشتد الاحاسيس زي الشرود الذهني وعدم التركيز وصعوبة في التنفس دائماً كل عند اختبار!
طبعاً انا ما اعطيتها مجال وقلت هذا شي طبيعي ولاحظت كل بعد سنة تزيد خاصة في ثاني وثالث ثانوي زادت بشكل اكبر لدرجة كنت بترك الدراسة!
لحد مادخلت الكلية اول سنة تحضيرية بدت تزيد الاعراض اكثر واكثر لدرجة زادت في حياتي في كل شي! صرت ماحب الخرجات وانطوائي تعب في الصلاة وماقدر افكر وتعلثم في الكلام حتئ الناس ماسمعهم زين ماستوعب كلامهم مخي احسها ضارب وتوتر ونفسية واكتئاب حاد... يومياً علئ هذا الحال
بعد هذا الامر قطعت الشك باليقين قلت لازم اشوفلي حل!
بعد شهر من دخولي الكلية تقريباً ..
سبحان الله مدري كيف جالس ابحث في النت عن اسباب الاكتئاب و و و.. الخ
حصلت وحده كاتبه قصص ناس تشافوا من قرائة سورة البقرة بمافيها من بركة و و و.. الخ
طبعاً تحمست للموضوع!
وبديت اقراها.. مع اني انا ماكنت اقرا القران ابداً الا في المدرسة او بعض الايام في رمضان!
المهم بديت اقراها واحس برااحة رهيبة بعد ما اخلص من القراية يجيني التعب وكل شي!
وبعدها جلست افكر انا ممكن فيني عين؟ او في مرض نفسي؟!
قلت مستحيل عين لاني دايم اقرا الاذكار واصلي!
واما من مرض نفسي قلت ايضا مستحيل ... كيف تجيني هذي الاعراض بدون سبب ؟! يعني محد مات من اهلي ولاصارلي شي يسببلي صدمة نفسية !
فسبحان الله ..قلت كلها عند ربي وصليت صلاة استخارة .. بعد ماصليت مره ما ارتحت علئ اني اروح لطبيب نفسي !
واخر الليل صليت ركعتين ودعيت لربي سبحانه .. اللهم اكشف عني الضر او اي كان مابي سواء مرض روحي او مرض نفسي !
بعد يوم مسكت المصحف وقريت فيه من كثر ما اقرا فيه .. نمت مادري عن نفسي !
سبحان الله جاتني رؤية من الله ..
كنت واقف وشفت بوابة تفتح لمن انفتحت طلع منها نور ابيض ساطع ... وجاني رجل نوره ابيض ..سبحان الله وضعية هذا الرجل الي يشوفه يحسه كأن واحد مرسول بس بيعيطيني رسالة ويرجع .. المهم بعد مادخل جاء قالي : أنت مسحور ! فأنا انصدمت قلتله انا مسحور ؟! بعدها رحع الرجل من نفس البوابة
بعدها جلست (او طحت) مثل مالواحد لمن يستفرغ علئ الشي لازم يجلس (اظن فهمتم قصدي)
المهم لمن جلست قلت اعوذ بالله من الشيطان الرجيم واستفرغت
ثلاث مرات سويت هذا الشي اني تعوذت واستفرغت !
بعدها صحيت وفرحان عرفت علئ طووول بدون اي ادنئ شك انها من الله ...وكملت قراية سورة البقرة لحد ما فجأة ! جاتني زي القشعريرة او هزة في صدري وجسمي كله حسيت كانها ثقل طلع مني وبكيت بكاء غريب ودموع كثيرة !
بعد ماصرلي هذا الشي تأكدت 100% اني فيني شيطان طبعاً كنت مستبعد امر السحر كنت احسبه عين او مس..
لاني اقول في نفسي مستحيييييل في ساحر يسحرني ماعندنا سحره في الحارة!
والشي الاخر نسيت اذكره كان في حلم تحلتمه تقريباً 80 مره من يوم كنت صغير!
الحلم اني كنت اجري في الشارع لمن اجري اجري بثقل وصعوبة كأنه في هواء او شي يصدني اجري بقوة بقوة بحاول اجري ماني قادر امشي بشويش..
كنت كل ماصحئ بعد هذا الحلم احس بثقل شديد في جسمي واصحئ احس كل شي ثقيل واصحئ مفجوع!
وبعدين راح اقلكم ليش ذكرت ذا الحلم
( راح ارجع واكمل القصة) •
-----------------------------------------------------

طبعاً في نفس لحظة بكائي الغريب عند قرائتي للقران
علئ طول رحت لـ أمي وأنا أبكي وقلتلها أنا ممسوس! بعدها علئ طول كانت
بتجيني غيبوبة لكن مدري كيف تصديت لها في اللحظة الاخيرة!
ومن ناحية البكاء في الاصل مو أنا الي ابكي بل الشيطان نفسه لانه تعذب لكن
البكاء كان مو واضح بصوته وكذا عشان يخفي نفسه! وهذا الشي معروف جداً
ومتأكد منهـ!
والغيبوبة كانت بتجيني ليست بسبب الصدمة بل من الشياطين!
المهم بعد هذا الامر الي حصلي أهلي ماهم مصدقيني لدرجة أمي تضحك علي... هم
مصدقين ومؤمنين بالمس ! لكن ماهم مصدقين كلامي وقلتلهم راح تشوفون بعدين!

بصراحة في نفس هذي اللحظة أنا فرحت لانه كشف الضر هذي اكبر نعمه من الله ...الشي الغلط في حياتي ربي كشفه لي الحمدالله!
كنت مشغول دايم بالقراية وكانت امي تكلمني ياولدي مافيك غير العافية كل يوم وأنا اقلها اصبري لاتستعجلين!
المهم بديت اقرا سورة البقرة يومياً كنت ماقرا الا سورة البقرة لحد تقريباً 40 يوم..
وكانت ماتجيني لا اعراض ولاشي بل حالتي طبيعية!
المهم بعد 40 يوم تقريباً وانا اقرا بدا اصبعي الصغير الي في رجولي يتحرك.. يتحرك بشويش مره بشويش لدرجة شكيت بنفسي اني انا احركه!
وأنا خفت بعض الشي!
مع العلم اني انا الحمدالله من يوم واني صغير عارف ان الممسوسين تتحرك
وتهتز ايديهم ورجولهم كنت اعرف بس هذي النقطة ولا اعلم بشي اخر!
المهم كملت قراية لحد ماجاني صوت شرارة في أذني او زي الدق بعد ماجاء صوت
الشرار واني اسمع في داخل اذني صوت واضح صوت حرمه نطقت اسمي وسكتت.. وانا
بعدها خفت خوف غير طبيعي حتئ القراية وقفت عنها!
وكنت مواصل قراية يومياً ..ولحد الان ماصار شي الا ان في يوم من الايام
ختمت سورة البقرة 3 مرات ورئ بعض لاحظت كل بعد ختمة بطني ينتفخ وفيه شي
دائري زي الكورة الصغيرة قاسي وحرارة ناااااررر واحمرار الشديد.. الحرارة
ليست كالسخونة بل كأنه حديدة فيها نار في بطني
وهذا أكبر دليل قطعي ان الشياطين ينحرقون بل القران!
بعدها ببأيام بدت تطلع ريحة حرق قوية جداً في البيت ليست رائحة اسلاك بل
مثل الجلد المحروق او الشعر المحروق والريحة ماهي في السقف ولا بعيده والله
قدامي اشمها وقوية .. والريحة فجأة تجي وتختفي لمدة اسبوع تقريباً وكانت
تجي لمن اقرا القران ..
وكنت اشم الريحة في الغرفة واروح الصالة نفس الريحة قوية وحتئ في كل غرفة
اروحلها اشم الريحة في نفس التركيز المستوئ بحثنا في كل البيت محنا عارفين
ماخلينا مكان حتئ جبنا عاملين كهرباء مو واحد بل اثنين!
وقالولنا كل شي سليم شيك علئ كل الافياش والاسلاك!
مع العلم.. كان في بيتنا صراصير خشب مليااان... كان موجود بس في المطبخ كثيررر مره
والشي الاخر كان موجود نمل وليس النمل العادي بل الكبار الي تكون موجودة في
الغابات موجود بكثرة في بيتنا حتئ مستحيللل النمل زي هذا يعيش عندنا !
والنمل كان موجود بشكل اكبر عند سريري ويقرصني دايم خاصة عند رجولي والقرصة ليست عادية لان النمل كبير
مع اني ماحبيت اذكر هذي النقطة عشان البعض يغلط في المفاهيم بمعنئ مو شرط في صراصير يعني البيت فيه شي!
المهم أحفظوا هذي النقطة ان الصراصير موجودة في المطبخ فقط لاني راح اذكرلكم بعدين ليش!
المهم أنا شكيت بخصوص النمل! ان في شي غير طبيعي!
فجبت موياء زمزم وقريت عليها بعض الايات ورشيت علئ البلاط في كل البيت!
والله الذي لا اله الا هو.. اليوم الي بعده صحيت وشيكت علئ البيت لقيت
النمل اختفئ تماماً وبعضه ميت تحت وبعضه ميت في الدرج ومن هذاك اليوم ماعاد
اشوف النمل…
طبعاً انا ما اتكلم عن النمل العادي لانه موجود في كل مكان بل النمل الكبار الي يعيش في الغابات!
وواصلت قراية سورة البقرة الا أن بدت تجيني اعراض وبدت تهتز رجولي فقط بشكل واضح!
وكل يوم يزيد الاهتزاز وتتحرك رجولي! وتزيد الحرارة في رجولي! كل يوم تزيد!
وبدا يتغير مزاجي نفسيتي تتغير للأسوأ وبداء عقلي يضرب من شرود ذهني يزيد
يومياً وعدم التفكير واكتئاب شديد جداً علئ طول مثل الحجر في قلبي ما
يفارقني ابداً !
وتجيني احاسيس غريبة ما توصف كأني في عالم خيالي احس الدنيا ماهي موجودة مدري كيف شي مرعب!
وتعلثم في الكلام ودايم بس ساكت ابغئ اتكلم بس اتعب مدري كيف تجيني نفسية ماتخليني اتكلم ونسيان شديد
هذي الاعراض كانت تزيد يومياً ..
وواوصل قراية يومياً لساعات عديدة.. وكل يوم تهتز وتتحرك رجولي واتنافض وحرارة شديدة!
لحد ماجاء ذاك اليوم وتعبت تعب شديد ماكان يجيني النوم بعد هذا اليوم كنت انام ساعة او ساعتين بالكثير. ..
كنت لمن انام يجيني شي في مخي يفزني وفي صدري مدري كيف شي يفزز واصحئ
تقريبا اصحئ 20 مره في 5 دقايق واشوف كوابيس وخيالات واشكال وحوش وبشعه
كوابيس كانها حقيقة مفجعه جداً لدرجة اني والله اني داري اني في الحلم
وبحاول اصحئ ماني قادر!
واصلت ل ايام علئ هذا الحال!
لدرجة ان جفوني تحت العين سواد شديد لاني ماكنت انام وغير شحوب الوجه ووزني نزل كثير كنت ماقدر اكل الالام في بطني ماتفارقني
ونفسية نفسية ماقدر اوصفها شديدة جداً جداً.. لو اني ماني مسلم كانت انتحرت علئ طول!
ياليتها ساعة ولا ساعتين علئ طول ماتفارقني!
(راح ارجع واكمل الجزء الثالث من القصة)
ان شاء الله
-----------------------------------------------وبديت آتعب تعب شديد جداً ماقدر افكر مادري كيف كاني في عالم ثاني وصلت لمرحلة قريب الجنون!
واتعالج كل يوم اقرا سورة البقرة وكل يوم تزيد الاعراض ويزيد التعب.. وبدو الشياطين يأذوني خاصة عند النوم!
كل ماانام يمسكون بطني احس بيديهم احساس واضح مره يد تمسك بطني.. وانام بعد دقيقة يجوون يمسكون بطني مره ثاني وشوي يمسكون راسي..
وغير كذا ماقدر اتنفس الا من فمي كل يوم انام واتنفس من فمي!
لمدة شهور
وتزيد الاذية منهم يوم بعد يوم.. لدرجة مره نمت وحتئ كنت اول مانام اروح
لعالم ثاني. ..كوابيس والله لحد الان مانسيتها شي يخوف يخوف كانها حقيقة!
المهم اول مانمت بعد دقايق صحيت من الفجعه وان واحد حاضني من ورئ منلصق فيا
كل جسمه وحاط يديه في يديا حاضني يعني فانا قلت اكيد هذا ابوي..
واستغربت وشفيه ابوي حاضني!
وبعد ثواني لصق رجليه فيا.. وعلئ طول استوعبت ان الي حاضني واحد طوله
مترين اقل شي رجوله توصل لخارج السرير بمعنئ مستحيل انه ابوي.. وانا بعدها
خفت خوووف غير طبيعي وعرفت ان شيطان ماسكني وماقدرت اتحرك ولا اسوي ولاشي
ماسكني... ماغير عيوني حركتها لورى واني شفت جسد لونه اسود مثل سواد الليل!

وقريت اية الكرسي لمره الاولى ماتحرك.. بعد ماقريت اية الكرسي المره الثانية
..(سامحوني لازم اقول ذا الكلام)
بعد ماقريت المره الثانية على طول جامعني ليس جماع احساس غير حقيقي بل
حقيقي وواضح لامس عضوه فيا واختفئ علئ طول وقدرت اتحرك وتنفست بقوة كاني
كنت مكتوم...
وبعد هذا اليوم كان كل يوم يآذوني يجوني يتشكلون علئ هيئة انسان واشوف اشكال بشعه... الخ
حتئ في يوم من الايام حلمت حلم ان واحد متشكل علئ شكلي بالضبط لكن مدخل
شفايفه العلوي داخل اسنانه بالكامل... يعني موضح اسنانه العلوية فقط او
تكون بارزه.. اظن فهمتم قصدي!
المهم بعد ماصحيت وكنت يومياً اصحئ مفجوع ومكتوم ومنفس شي مايوصف.. المهم بعد ماصحيت.
وان اروح للمرايه لاارادياً بمعنئ هم متحكمين فيا واني اضحك في المرايه بمعنئ يحاول يخوفني كلها عشان اترك القران!
وان شفايفي العلوية تتحرك لاارديا ماقدرت اتحكم فيها وصارت اسنانيه العلوية
بارزه وجلست تقريباً اسبوعين وانا شكلي كذا ان شفايفي داخله..
مع اني كل ذا التعب والخوف.. الخ احس ان ربي معاي والله احساس قوي ان ربي معاي سبحانه!
وكنت كل يوم ابكي 5 الي 6 مرات تقريباً والرجال مايبكي عبث !
طبعاً كنت ماقدر اخرج من البيت تقريباً طريح الفراش!
وجربت اتروش بالسدر مع زمزم.. وحسيت براحة عجيبة جداً جداً النفسية خفت بنسبة 80٪
وبعد ساعة بدت ترجعلي النفسية شوي شوي الي نفس الحال السابق نفسية شديدة
واقرا القران يومياً واتسمع ل8 ساعات ل 10 ساعات بل كل ايامي قرائة القران
كنت ماقدر اسوي شي عقلي وقلبي وجسدي في عالم اخر يعني ماعرف كيف اوصفلكم
كان لاارئ امامي عدا القران..
وكنت لااصلي الصلوات الا اجمعها جميعا في وقت واحد وحتئ بعض الاحيان ماقرا شي اصليها وانا ساكت..
الي ان جاء يوم من الايام قريت القران وزادت الحرارة في كل جسمي ناارررر...
وشفت شي عجيب ان رجولي يمشي فيها سائل اسود واضح كان سائل اسود داخل
العروق...
وسبحان الله كما قال عليه الصلاة والسلام..
ان الشيطان يجري من الانسان مجرى الدم
(حديث صحيح)
الشي الي قاهرني وندمان عليه اني ماصورت فيديو لاني وقتها كنت تعبان ماقدر اسوي شي!
والله سائل اسود شديد السواد يتحرك في رجولي ورجولي كانت تهتز اهتزاز شديد وحرارة شديدة
بعدها بكم يوم واصلت قراية وواصلت وواصلت واهتزاز وتنافض دايم كل ماقرا القران ..
الئ ان اشتدت رجولي وكل جسمي تشتد كاني خشبة مشدودة!
فحسيت شي خرج من راسي كآنه عقال كان مثبا في راسي وطلع وحسيت براااحه عجيبة
عجيبة عجيبة. .بة عجيبة اول مره في حياتي احس بهذي الراحة ولسئ رجولي
تهتز ووتتحرك!
الا ان اهتزت اهتزاز شديد! وبعدها حسيت زي الهواء خرج من فمي ورجولي وبعدها عرفت انهم خرجوا من جسدي كان احساس واضح جداً جداً جداً
وصرت افكر زين وجسمي احس ببرااااد احس ببرودة خاصة من تحت رجولي احس ببرودة رهيبة.. وقلبي احس زي الصخرة انزاحت منها!
واحس زي الغطاء كان ملتف على راسي كانها مانعني من التفكير ومن االرؤية الواضحة... الخ
احس ان هذا الغطاء انزاح من راسي وصرت اشوف زين وافكر زين كل شي تغير فيا 180 درجة!
بالعربي كاني دخلت الجنة! احساس اول مره احس فيه! احساس رهيب!!
وانا مبسوط وسجدت ربي وشكرته...
وبعدها بيومين! لاحظت ان الاحاسيس رجعتلي النفسية والهموم.. وانا شككت بالامر علئ طول
وبديت واصل سورة البقرة والمفاجآة ان رجولي تتهتز وتتحرك.. وعرفت انهم خرجوا ورجعهوا وجاني تحطيم شديد بعدها!
وهذي جزء من اساليبهم الخبيثة ومعروفة عند المشايخ ! دايم تصير!!
المهم بعد مارجعهوا انا انقهرت وعصبت ووبديت اواصل قراية سورة البقرة اكثر من اول وقلت في نفسي والله لااحرقكم حرق!
وواصلت قراية الي ان حسيت شي بداخلي بيتكلم وانا اقرا ويتكلم لكن بصوت واطي صوت ماهو واضح... ويسب ويشتم. ياكلب يا... الخ
بدون انقطاع سب وشتم... وانا ماعرفت وش اسوي ورحت لشيخ عندنا اول ماقرا علي
وان صوت حرمة تصارخ صراااخ شديد شديد جداً وعالي.. في نفس الوقت جسمي كله
حرارة شديدة نااارر!
وانا انصدمت من الصوت لان صوتها ليس كصوت الاوادم بل عالي جداً جداً
مع اني ماحس شي بحلقي زي ولا اتعب !
تصارخ في نفس الوقت تبكي وتنزل مني دموع !
المهم رجعت للبيت وبديت اقرا سورة البقرة وهي تصاارخ خلاص خلاص بخرج!
وانا ماخفت والاشي بعد كل الاحداث هذي خلاص تأقلمت واستوعبت الامر.
وانا هددتها بتخرجين ولا احرقك وهي تصارخ وتبكي بخرج خللالاص...
وفجأة استفرغت اشياء غريبة وكرييههة الرائحة جداً ماعمري شميت ريحة مثل هذي الرائحة وكان معها اظافر بكمية كبيرة وحجمها كبير
وانا حسبتها ليترين و100 مل تقريباً يعني حجم علبة بيبسي ابو5 ريال... مع اني ماكلت ولاشربت شي لمدة يوم ونص!
وبعدها ارتحت من الالام في بطني وحسيت براحة وعرفت اني مسحور ماني ممسوس ولامعيون!
وانا انصدمت جلست افكر من الي سحرني؟!
شكيت بشخص في الحارة لكن شكيت بشكل اكبر بانه وحدة من الخدامات!
المهم بعد هذا اليوم بدت الحرب فعلياً بيني وبين الشياطين..
لان خلاص كل شي صار واضح.. وهم انكشفوا فراح يحاولون قد مايقدروون يأذووني ويوقفوني عن القراية!
لانهم في السابق متخفين.. فهم لديهم عقول وعندهم ذكاء اشد من ذكائنا هذا
الشي الي ملاحظه وعندهم مشاعر مثلنا يبكون يضحكون يشتهون. يعصبون يحسدون ..
الخ
عشان اخليكم تستوعبون! الامر
بمعنئ اخر ليس مجرد قرائة القران وخلاص لازم اشغل عقلي مثل ماهم يشغلون عقلهم!
عشان كذا مو اي راقي او شيخ يقرا القران خلاص يعني يعرف يعالج.. لا!
الشياطين اذكياء وعندهم اساليب مدروسة و خبيثة و متبعة.. وغير كذا ينتمقون من المعالج!
لاني زي ماقلت عندهم مشاعر (حس الانتقام او العصبية والغضب )
وغير كذا الجن عندهم قبايل مثل ماعندنا حنا! وعندهم زي ماتقولون شيخ الحارة بمعنى كل حارة فيها رئيس او شيخ..
في اشياآء كثير مقدر اقولها او افسرها!
لان الراقي لمن يعالج فهو اصلاً يحرقهم!
عشان كذا اعرف مشايخ تركوا العلاج وتقاعدوا بسبب هذا الشي !
والمتوكل علئ الله.. مايجيه شي!
وانا مابي اخوفكم بس اعطيكم معلومة تفيد البعض..
ولاتخافون اقروا القران ولاحد يوقف وثقوا في كلامي
الي يعرف اساليبهم يعرف يعالج!
والحمدالله برحمت ربي.. عرفت كل شي وتعلمت كل شي نفسي بنفسي! بعد كل الاحداث الي صارلتي!
هذي الامور مخفية شر مخفي محد يعرف فيه الا الي مجربه..
الحين الي يقرا ذا الكلام وهو ماجاهـ مس او ما جرب هذي الامور...
اكيد مليون في المية بيقول اني مجنون او يتوهم...الخ
فاآنا مالومهم من ناحية تفكيرهم وفي مرضئ صرتلهم اشياء محد يصدقها!
وسبحان الله هذي حكمة من ربي لايعلمها الا هو!
عشان كذا لحد يتكلم هذي الامور عند الناس...
انا عن نفسي ماعلي
لكن اتكلم علئ الي يتحسس من كلام الناس ويتعقد منهم!
لاني مجرب هذي الامور فأمشوا علئ نصيحتي وخلي هذي الامور مكتومة!
المهم نرجع للموضوع!
( راح اكمل القصة ان شاء الله)
---------------------------------------------------المهم نرجع للموضوع!
فبعد ماستفرغت عرفت اني مسحور.. وواصلت قراية سورة البقرة كالعادة
وكننت اختمها يومياً من 7 الي 10 مرات... يومياً بدون اي انقطاع وغير الاستماع للرقية الشرعية!
المهم بداء نطقهم... صار كل يوم صراخ شديد ونحيب وبكاء وسب وشتم وكلام كثير كل يوم علئ هذا الحال والاهتزاز والتنافض والتخبط!
وفي تفاصيل مافيني حيل اكتبها.. كتبتها في قصة منفصلة تحصلونها في ملفي
الشخصي الي هي تتكلم عن كذبهم وكلامهم..! من ناحية كلام الشياطين وغيرهـ
وكيف عرفت الي من سحرني.. الخ
المهم بداء يزيد علي التعب اشد من اول تعب شديد جداً جداً لدرجة طايح في السرير ماقدر اسوي شي
وكنت مااكل ولاشي عدا شرب الماء واشرب شوربة فقط..
لان بطني كان فيه سحر ماقدرت اكل ولا اشرب!
حتئ الحمام الله يكرمكم اروحله والله وانا احبي وامشي وانا مدنق ظهري وكل شوي اطيح! ووزني وصل تحت 40 كيلو
وبدت تجيني حالة انا اسميها اعصاب كانت كل ماتجي ابكي امي الاعصاب جاتني امي الاعصاب جاتني !!
والله كنت ابكي اول ماتجيني هذي الحالة
الاعصاب بحاول اوصفه لكم قد ماقدر لكن متآكد مهما وصفته ماراح احد يفهمني!
كانت اول ماتجيني احس بحرارة شديدة جداً جداً خاصة في راسي زي الحريقة وفي
داخل صدري في نفس الوقت تجيني حالة جنون احساس بحاول اني بقطع ملابسي
وعصبية شديدة جداً بحاول انقز شي في داخلي يحاول بينفجر اول ماتجيني ماعرف
وش اسوي انام ماقدر اتجنن اقطع ملابسي اكسر كل شي امامي زي الانهيار العصبي
تقريباً ..اصارخ واقطع ملابسي واطيح.. الخ كل يوم زي كذا!!
كل يوم كل يوم يجنيي هذ الاحساس!
وكان هذا الاحساس اخص شي صارلي واسوء عذاب حسيت فيه !
والشي الثاني كان يجيني احساس في رجولي زي الحديدة في داخل رجولي اول
ماتجيني ماعرف اجلس ولا انام ولا اقعد... والله اني انسدح واقوم واقعد 24
ساعة هذا حالي تعب وعذااااااب
زي ماتقولون كان ماسك حافة جدار وتحت طيحة وماني عارف اطلع من الحافة ولا عارف اطيح!
حتئ لمن اجلس ماقدر اجلس احس كاني حالس علئ صحن يدور..
ماغير امشي امشي بحاول يخف الالام.. حتئ اخذت حبوب منومة وماقدرت انام حتئ لو بنام تجيني كوابيس ويأذوني..
يعني ماني عارف اجلس ولا انام ولا انسدح!
ووصلت ل ايام ماقدرت اقرا حرف واحد من القران..
طبعاً كنت ماقدر اخرج من البيت !
اول ماوصل للباب اطيح وتجيني الاعصاب الي قلتلكم عليها!
وواصلت لشهور اخرئ الحالة معاي!
الي ان جاء يوم من الايام صرت مجنون مره مجنون مثل المجانين كان الشياطين
يتحكمون فيا ويتكلمون علئ لساني. ..انا كنت داري وصاحي لكن ماقدر اتحكم في
شي كأني دمية هم متحكمين فيا...
كنت كل يوم ارقص اغني واتكلم واناقز واقلد صوت طيور وصوت خرفان ودجاج واقلد
الدجاجة وحتئ الثعبان اقلد انسدح علئ بطني واحبي زي الثعبان ارقص واتكلم
اندنوسي
وانظف البيت واتكلم اندنوسي
وعند النوم ارقص واقلد الطير كل يوم... واخر الليل اهلي نامين اصحئ من
النوم واللمبة مطفية واجلس اناقز زي الطير واقلد صوته اروح قدام وارجع ورئ
لساعات...
وانا ماقدر اسوي شي بس اتحرك واغني وارقص واتشقلب كل يوم لمدة 4 شهور تقريباً !
والي مو فاهم هذا الشي.. هذا يسمئ سحر الجنون
بمعنئ ساحرتني بسحر يخليني مجنون!
يوم بعد يوم.. الي ان احاول اقرا القران لاني عارف مافي مخرج ومافي باب الا من القران!
وكل يوم احاول اقرا.. اول ماقرا كانت تجيني الاعصاب والاحاسيس الي في رجولي والجنون. .
وكل يوم احاول اتماسك واتفادا! طبعاً لحد الان ماخرحت من البيت!
وكل يوم عذاب في عذاب وكل يوم يخف فيني الجنون بقرائة القران وكل يوم يخف فيني شي كل يوم
الا اختفت حالة الجنون تماماً الحمدالله
ونسيت اذكركلم من بعد اول استفراغ استفرغته كنت كل يوم استفرغ من 10 الي 17
مره كل ماقرا القران استفرغ مره دم اسود مره مره احمر مره اشياء غريبه
ومره اكل... الخ
كل يوم كل ما امسك القران واقرا!
وكنت كل ماحررقهم حرق احس براحة وتخف عني الاعراض لكن ترجعلي بعد يوم كان كل يوم علئ هذا الحال..
المهم بعد ماختفت الجنون.. وخفت بعض الاعراض..
واصلت الدراسة وحاولت اخرج واتاقلئم!
طبعاً كان عقلي ممسوح ونفسية وثقل في جسمي شديد...اول ماخرج يجيني خوف شديد وارتجف وكاني جاي من علم اخر.. وبس ساكت ماقدر اتكلم..
كل يوم بعد يوم احاول اخرج ساعة ساعتين.. وحاولت اتكلم مع الناس كل مااجي
عند الناس تجيني الاعصاب وعلئ طول اروح البيت واطيح الا ان تختفي هذي
الحالة.. وكل يوم علئ هذا الحال..
نسيت اذكر نقطة سحبت ترم قبل كل هذي الاحداث كان ترم الثاني مع الاجازة الصيفية
وكنت اخرج مع العيال وانا تعبان والله وانا تعبان وعقلي مشتت ونفسية وتعب
مع اني بالقوة اخرج لاني ماقدرت اتحمل قعدت البيت شي مايحتمل!
لكن الحمدالله بعض العيال عارف سالفتي.. لكن انصحكم ماتعلمون عن حالتكم اي احد مهما كان!
فاخرج مع العيال ومادريكيف صابرين علي لدرجة انهم خافوا مني ومايبغون يمشون معاي لاني زي المجنون كل شي فيا مشتت..
حتئ ملابس ماعرف البس البس اي كلام واخرج واخرج وماهتم بنظافتي مع اني كنت احس واحد من ناحية عطور نظافة واناقة.. الخ
وانا ضحيت بامور مثل اني اخرج وبعض الناس يشوفوني مثل النفسية لان مافي مخرج الا التضحية!
فكافحت! كفاح بتوكلي علئ الله!
(راح ارجع واكمل ان شاء الله)
-----------------------------------------------

• فكافحت بتوكلي علئ الله .. كنت كل يوم احاول استغفر واقرا الاذكار واجتهد في العبادة ..

مع اني ماقدر ثقل مثل ثقل الجبال سبحان الله ماعرف كيف اوصفلكم حتئ بحاول اجيب ورقة بكتب استغفر الله واحاول انطقها ماقدر ! شي يخوف
وكنت ادعي اغلب الاحيان 5 ساعات 6 ساعات اخر الليل !
لان الشي الي حاصلي شي ماهو هين وعارف ان ماينجيني غير الله سبحانه ! ماراح احد ينيجيني لا شيخ ولادكتور ولافلان !
الله سبحانه فقط !
فكالعادة مواصل بتختيم سورة البقرة من 7 الي 10 مرات وسويت حجامه اول ماسويتها جاني غثيان قوي واستفراغ وتعب شديد وزاد التعب بشدة ..
وهذي دلالة ان الحجامة لها تأثير قوي !
فجاهدت نفسي اني اخرج من البيت مع اني انقطعت عن الناس
طبعاً الاحداث الي صارت في لحظة علاجي وكلام الشياطين ماذكرتها لانها طويلة فبذكر بعض الاحداث !
فمرات احرقهم حرق ويهددوني ويسبون ويشتمون
مثل : ماراح تخرج من البيت ولاتتزوج ولاتتدرس ياكلب يا... الخ
طبعاً باسلوب عصبية وغضب ..لاني حرقتهم فأكيد يعصبون !
وبعض الاحيان يبكون ويصارخون بشدة ويترجوني اني اوقف قراية !
وبعض الاحيان يبكون ويصارخون بشدة واكثر من مرة صليت صلاة النصارئ واسوي حركة الصليب بيدي في صدري ...ويدعون يايسوع انقذني يايسوع !
طبعاً كنت عند الباب الحمام اسويها .. الله يكرمكم
وماقدرت اسيطر علئ نفسي ..هذا دليل ان في منهم نصراني !
وبعض الاحيان يسبون خلي ربك ينزل ربك ال ... ..الخ
سب وشتم والحاد في الالوهية والعياذ بالله كلام ماينقال !
فا أنا حاولت انصحهم اكثر من مره .. اول ماانصحهم يعصبون ويبدون في السب والشتم !
زي الملحدين الي يجونك في تويتر لمن تنصحهم يسبون فيك وفي ربك .... سبحان الله نفس القلوب!
كما قال تعالئ : ( وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ
وَالْإِنسِ ۖ لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ
لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ
أُولَٰئِكَ كَالْأَنْعَامِ بَلْ هُمْ أَضَلُّ ۚ ....)
فا انا اقلكم الواحد لا يتعب نفسه ويفكر في النصحية ويحسب انهم بيهتدون تراهم اذكئ مننا وبل بعضهم يعلمون بالاسلام اكثر منك..
لكن هم كذا جاحدين ومنكرين! زي ابوهم ابليس!
ومرات يقلولي حول للشغاله مدري كم مليون روبية حتئ ماقالوا ريال قالوا روبية عملة اندونسية وراح نفك السحر ونخرج!
ومرات يقلولي خليك ساحر راح نعطيك الي تبيه!
طبعاً يتكلمون بلهجة اندونسية زي الشغالات تماما..
ومرات يتكلمون لغة اندنوسية صافية ما افهم منهم شي لكن جربت اترجم ببرنامج صوت والله تترجمت بلغة صحيحة من اندونسية الي عربية!
وهذا الشي معقول لان الجن لهم عقول فاكيد انهم يتعلمون مثل مااحنا نتعلم!
فمثلاً الجن الي عايشين في جدة اكيد مليون في المية انهم يتكلمون بلهجة جداوية..
يعني زينا بالضبط.. وهذي نعمه من الله!
لان بلغة ولهجة الجني تعرف من وين الساحر الي سحرك..
ف انا بلغتهم ولهجتهم عرفت ان الشغاله الي سحرتني!
شي عجيب ورهيب!
وطبعاً كنت اراجع عند الشيخ منير عرب كانوا تقريبا 100 شخص جماعي الله يذكره بالخير
والله اشوف لغات ولهجات من كلام الجن!
حتئ لمن يتكلمون يتكلمون بلغة الاصلية..
يعني مايجيك واحد يحاول يقلد لغة او لهجة بل واضح ان هذي لغته الاصلية!
واغلب الاحيان لمن مثلاً يوسوسون فيا علئ اساس اني افعلل معصية وانا اغلب
الاحيان ادري انهم هم الي يكلموني في راسي ويوسوسون فيا طبعاً الي يلاحظ
هذا الشي الي لهم فترة طويلة في العلاج..
فلما اتفادا هذا الوسواس واتفادا المعصية... يعصبون وينقهرون ويسبون فيا!
او لما يجي واحد في الشارع مثلاً يسب فيا وانا اسامحه..
والله يعصبون وينقهرون!
والي يبي يتأكد من الوسواس او زي ماتقولون ان مو ضميرك الي يتكلم بل الشيطان!
لمن تكون في الحمام الله يكرمكم.. فاذا كنتم في الحمام وبديتم تكلمون انفسكم عن الايات او اي شي في الدين..
علئ طول تأكدو ان هذا ماهو الضمير بل الشيطان نفسه..
لانهم عارفين انه مايجوز ذكر اسم الله في الحمام فيحاول يوسوس فيك لحد ماتذكر اسم الله في الحمام
وهذا الشي متأكد منه 100٪
ويكرهون صوت الاذان كرره شديد كان كل ما اسمع الاذان علئ طول يسبون في المؤذن ويلعنونه الله يلعنك ! بصوت بصوت عالي
وسبحان الله قبل اكثر من 1400 سنة ذكر الرسول عليه الصلاة والسلام هذا الامر في حديث صحيح
فيما معناه ان الشياطين يشردون من صوت الاذان!
حتئ لو يلاحظ اي ممسوس او مسحور انه يكره صوت الاذان ...في الحقيقه مو هو الي يكرهه بل الشيطان الي في داخله!
فالحمدلله يوم بعد يوم اكتشف اساليبهم واتعلم امور! كثيرة
فنرجع للموضوع الاساسي!
طبعاً كنت يومياً اتعالج واحاول اخرج من البيت.. طبعاً لمن اخرج اتعب كثير وحاولت اروح مناسبات واسولف مع الناس
كنت اتوتر كثير ولمن واحد ينظر في عيوني ماقدر اتمالك نفسي وجهي ينقلب وارتجف.. الخ
في يوم بعد يوم تبداءتخف عني الاعراض ششيئاً فشيئاً ...
الا ان اختفت عن الاعصاب وصارت ماتجيني الحمدالله..
وخف عني الجاثوم وصاروا مايجوني عند النوم
وواصلت يوم بعد يوم مثل هذا الحال!
لكن طول هذي الفترةومن اول لاحظت اني اجد صعوبة في الحياة بشكل عام
حتئ ولو اروح البقالة اروح بالقوة وبتعب شي يصدني مادري كيف..
حتئ في الرزق وكل شي!
عشان كذا انا قلتلكم اني كنت احلم بحلم اني اجري في الشارع واجري بتعب وصعوبة وثقل وحلمت هذا الحلم قرابة 80 مره
تفسير الحلم دلالة ان احاول اسعئ في الدنيا واحاول انجز لكن! انجزها بصعوبة وبتعب وبثقل لان في شي يصدني عنها..
وفعلاً هذا الي حاصل في كل شي في حياتي في كللل شي!
فالمهم صرت اخرج بشكل اكثر واكثر
حتئ واحد من العيال كلمني يقلي ماني مصدق انك خرجت الناس كلموني لكن ماصدقتهم وانصدمت!
لانه عارف ان الشي الي صارلي مستحيل اخرج منه من البيت!
والحمدالله وكنت اتعب في المناسبات تعب وثقل في جسمي شديد
فكافحت وشديت حيلي بتوفيق الله يوم بعد يوم لحد ما تأقلمت!
والحمدالله اختفت عني الكوابيس بشكل كبير!
وخفت عني النفسية كثيرر واعراض كثيرة.... ولسئ في بعض الاعراض!
طبعاً الي لاحظت في البيت دايم مشاكل بدون سبب تحصل وعصبية..
والشي الاخر ماقدر اطيع امي وابوي...
حتئ مره من المرات كنت بضرب امي بدون سبب علئ طول قفلت علئ نفسي الباب بالمفتاح لحد ماهديت!
ولحد الان احس بعصبية علئ امي وابوي بدون سبب واحاول اجاهد!
والحمدالله علئ كل حال!
فانا بعد المشاكل واشياء هذي شكيت اني في البيت في سحر! لان لمن ادخل البيت تحصل مشاكل وامور اخرى غير طبيعية!
فدعيت ربي ان يكشف الاسحار فبعد اسابيع حصلت سحرين داخل محفظة قديمة جداً
السحر عباره عن طلاسم معقودة غي داخل الورق معاها اشياء محروقة... لمن
فكيته ماحسيت بشي
بعد اسابيع حصلت سحر اخر نفس السحر ورق وطلاسم داخل محفظة اخرئ
وهذا اكيد انه سحر الفقر لان فعلاً تجينا حالات وازمات في المال بدون سبب واضح!
وبعد اسابيع حصلت سحر اخر في المطبخ
تذكرون يوم اقلكم صراصير في المطبخ....
هذي بسبب السحر الموجود في المطبخ
والسحارة اول ماشفته انفز قلبي وانفجعت شكله يخوف
عباره عن شعر كثيرررر معقود بالحبال ومغموص بدم
واجزاء من الحبل مدخول فيه شعره واحده فقط.. ومنتفخ الجزاء هذا الي داخل فيه الشعر
والشعره الواحده شعر قوي وغريب ومفجع مادري من وين جاي عباره ثلاث عقد!
طبعاً قبل ما احصل هذا السحر كان ساعة 3 فجراً تقريباً ..وصليت ركعتين ودعيت ربي
اول ماخصلت والله حسيت شي دخل في قلبي ان اكيذ باقي سحر في البيت علئ طول رحت المطبخ واول درح فتحته حصلت السحر
فلما جالس افك السحر طولت اخذت ساعة تقريبا او اكثر. المهم وانا حالس افكه
احس سلاسل وثقال تخرج من جسمي ويصارخون الشياطين واستفرغ اشياآء غريبه وانا
جالس افك السحر
كان الاحساس واضح انهم بيخرجون واشياآء تخرج مت جسمي واحساس واضح ان السحر مربوط فيا
فبعد مافكيت هذا السحر خفيت كثيرررر وتشافيت كثيررررر الحمدالله
وبعد اسابيع ايضاً حصلت سحرين اخرئ عباره عن تراب مع قذارة في داخل قماش مربوط
وفكيته ماحسيت بشي
والحمدالله واليوم مرررتاح ومتشافي قرابة 85٪
اخرج مع الناس زي اي ادمي
عندي اعراض بسيطة لكن المشكلة الكبرى المشاكل الي في البيت باقية
بعد مااتخرج السنة هذي ان شاء الله راح اكمل العلاج لاني موقف ليا اكثر من سنة بسبب الدراسة!
حتئ راسي والله كله شيب صرت شايب كل الناس والعيال يسألوني وشبك شيبت!
لان الشي الي صارلي شي مو هين..
ولاحظت عندي قدرات وعندي ذكاآء والله حتئ انا انصدمت من نفسي في اشياء كثيرة كان السحر مانعني عنها!
حتى العيال منصدمين. ومتعجبين ويسألوني اني تغيرت 180 درجةوالله لدرجة في
عيال يحسبوني واحد من المباحث وفي بعضهم يحسبوني متناقض لاني قبل سنين كنت
شي اخر والحين شي اخر!
وهذا الابتلاء والله ثم والله انها اكبر نعمه صارلتلي!
ربي عطاني الحكمة منها..
( يُؤْتِي الْحِكْمَةَ مَن يَشَاءُ ۚ وَمَن يُؤْتَ الْحِكْمَةَ فَقَدْ
أُوتِيَ خَيْرًا كَثِيرًا ۗ وَمَا يَذَّكَّرُ إِلَّا أُولُو الْأَلْبَابِ )
وتعلمت امور كثيرة في الدين ومعنئ التوكل والابتلاء!
والله طول فترة قعدتي في البيت في نفس هذي اللحظات اغلب العيال الي عرفهم
طاحوا في الحبوب وصاروا مايصلون واغلبهم فشلوا في الدراسة.. الله يهديهم
ويصلحهم وغير المعاصي الاخرئ الي يسوونها
سبحان الله يمكن ربي مخليني في البيت عشان ااتجنب هذي الامور!
والله انكم ماتدرون قد ايش رحمت ربي وحكمته سبحانه !
وفي النهايةوالله الذي لا اله الا هو محد نجاني ووفقني وشفاني غير الله سبحانه!
وانا ماسويت شي.
لو لا الله ثم القران لكنت علئ نفس حالي
-----------------------------------------------



ومن ناحية ليش الشغالة سحرتني...
حنا طوال 25 سنة كنا نجيب خدامات اندنوسيات واكثر من وحدة تزعل وتصير مشاكل وتسافر...
واخر وحده اذكرها تهاوشت هواش قوي مع ابوي وامي!
فاكيد سحرتني انتقاما من امي وابوي..
حتئ امي تقلي انها كانت قهرانه منها!
وامي قالتلي اكيد انتقاما لياً
امي الحمدالله محافظة علئ الصلوات والاذكار!
فما اتوقع انها انسحرت...
والشي الاخر اغلب الاحيان لمن يكون ابوي عندي تتكلم الخبيثة وتصارخ علئ ابوي اقصد الشيطان الي فيا..
وتقول : فلوس وين فلوس حقي ويين؟؟ اكثر من مره
احاول اسيطر علئ نفسي وامنعها ماقدر!
------------------------------------------------ومن ناحية الاسحار اننا نازلتها من زمان بالصور وراح انزلها لك

الصورة الاولى
------------------------------
الصورة الثانية
------------------------------
هنا تفاصيل للصور الاولى والثانية !
------------------------------
بعض الصور هنا !
-------------------------------
بعض الصور الاخرى أيضا

عندي سؤال أنصر أخاك.... انا كذبت المس لما قال سحرك من أمرأة وذكر أسمها لكن أستغربت لما قرأت سوره البقره بنيه ان الله يقلب السحر على الساحر ويضيق عليه شفتها نفسها برؤيا بعد ماقرأت البقره ونمت هذا يعني انها هي الي سحرتني والله اعلم

لا مو شرط...

دام ذكر اسمها اعرفي انه كذذذاااااب..
وترا راح يفتن بينكم احتمال يذكر اسم احد من اهلك ويفتن بينكم.. •

انا اقتراحي خليهم لحد ماينطقون!

اذا نطقوا اسمعي لهجتهم او لغتهم كيف!

لاتستعجلين.. في الحكم

الشياطين لاتأخدين منهم شي كم مره اعلمكم... كذاااابييننن