قسم بالله اول ما دخل ماعرفته ( وابي ولدي يصير نفسه كيف

سلام بتكلم ب موضوع يحز ب قلبي
قبل ل اسفر ل اهلي ب فتره خواتي يسولفو لي عن ولد اخوي انه صار مشكلجي ولسانه عن ١٠ وصار ووقح وانا استغربت لاني اعرف الولد هادي المهم
شفت ولد اخوي اخر مره قبل سنه كان سمين وشكله او ملامحه عادي جدا واقل من العادي والناس يشوفونه قبيح وشخصيته مش ضعيفه هو الولد هادي واحتكاكه وكلامه قليله ب الي حوله وكانو متوقعين ضعف ب شخصيته بسبب قلة كلامه واحتكاكه وطلعاته كان يطلع قليل وكانو يضحكو على شكله ويتنمرو عليه اولاد عمه واخوانه (وعمانه الي هم اخواني ) المهم جيت السنه هاذي لهم قبل الكورونا بفتره دخل علينا ب مجلس الحريم رجال اول مره اشوفه يمه خوفت وتغطيت حسبته غريب طلع هو نفسه قسم بالله استغربت حيل تغير حيل مشاءلله تغير جسمه صار عظم على جلد جسمه تبارك الرحمن حلو حيل وملامحه تبارك الرحمن عقب ما كان اقل من عادي ويشوفونه قبيح ويتنمرون عليه صار بنسبه لهم وسيم والولد مشاءلله ابيض بياض سورين عكس اخوانه الي اكبر منه الاثنين كلهم سمر الا هو ابيض ومشاءلله شعره ناعم وكثيف ووجهه فيه نور غريب مدري كيف اوصف لكم يعني ودك بس تطالعين فيه وتسولفين معها المهم الولد صار وسيم الي استغربت اكثر شخصيته قويه انا توقعت من كلام اخواتي عنه انه صار قليل ادب ولسانه وصخ طلع عكس توقعي طلع مودب ومحترم الا شوي يجو عيال اعمامه وخوانه عشان يسلمو عليا استغربت محد تكلم عليه ولا غط كلمه عليه ولا يطالعون فيه اثاريه مخوفهم عكس السنه الي فاتت كانو ما يسكتون اذ شافوه ويقطون الف كلمه ؟ تدرون امه كان يحسبون فيها سحر وهو مشاءلله ذكي بحث عن اعراض امه وسال دكاتره وطلع معها قالون وتشافت منه يعني لولا الله ثم هو كان امه للحين تتعذب ويحسبون معها سحر وتراه هو مش الكبير في اكبر منه ثنين وشخصيتهم قويه ومن هل كلام بس امه تعتمد عليه اهو والي اثار استغرابي اكثر مشاءلله ما يقطع ولا فرض كل صلواته ب المسجد ومعي اسلوبه حلو ويقول اقهويك عمه ويقول لي نوره الديره ولله جعلني فداه سالته قلت ياولدي يقولو عنك مشكلجي ولسانك طويل بس الي اشوفه عكس قال لي الي يقعد مع ذولي ياعمه لازم يصير كذا ولا ياكلونه وضحك وانا مافهمت وش يقصد و مشاءلله شخصيته عجبتني وقويه انا ودي ولدي يصير نفسه الولد مشاءلله جامع بينه شخصيه قويه ولا يسكت عن حقه وما يقطع ولا فرض يعني جامع بجميع الصفات الي الكل يبيها في عياله ابي ولدي يصير نفسه كيف مع ان ولدي اكبر منه ب ٥ سنين بس انه عديم شخصيه وضعيف ابيه يكون نفسه استحيت اساله