قسم بالله شي يرفع الضغط حسبي الله على بعض الامهات امثال هالام

بنات انا بصراحه ماعاد اتحمل المنظر الي قدامي قدام شقتنا شقه مدري شقول عن اهلها الله المستعان وبس
يفصل بين عمارتنا وعمارتهم شارع عام حيوي كله سيارات مايفضى ابداااا وسرررريعه وبواري وزحمه هالشارع 24 ساعه مزدحم وسريع طايره السيارات وربي طيران
المهم انا احيانا اجلس اتفرج للناس والسيارات من البلكونه من الفضاوه اوسع صدري والشباك قزاز عاكس يعني الي برى مايشوفوني المهم الا وشوف ذا الشباك في الشقه المقابله على الطرف الثاني للعماره فيه 3 اطفال صغار اكبرهم يمكن 6 سنين واصغرهم سنتين والشبابيك حقتهم مالها شبك يعني قزاز وبس على الشارع مباشرة وهما بالدور الثاني واطالع الا هذول الثلاثه كلهم واقفين في الشباك ومطلعين ثلاث ارباع اجسامهم برى يممممممه كش جسمي حسيت بدوخه يوم شفتهم وصرت اتصبب عرق اخاف واحد يدف الثاني ماشاءالله عليهم اشقياء والحمدلله عدت على خير جلست استودعهم الله دخلو بعد مانشفو دمي وصاروا شغلي الشاغل كل يوم اجلس اراقبهم وشايله همهم بصراحه مدري وين امهم وش ذا معقوله فيه ام بالبيت ؟؟؟
الي قاهرني انو بيوم من الايام ابوهم تحت الشباك ينظف السياره وينادي عليهم ويرموله مناشف عشان يمسح السياره كان يغسلها الاخ وشرايكم بالله؟؟ قاعدين في الشباك قدامه ولاهمه

المهم الي صار اليوم ونشف دم دمي تخيلو نزلت اشتري اغراض من التموينات الي تحت العماره وخلصت وجيت طالعه انا وبنتي وامي الا اشوف نفس الاطفال انا طالعه خلاص وهما دوبهم نزلو للشارع ورحت ركض طلعت لشقتنا عشان اشوفهم من الشباك خفت عليهم من السيارات الي رايحه جايه
المهم وربي شفت منظر شيب راسي تخيلو الولد ابو سنتين يبغى يقطع الشارع والشارع سيدين يعني رايح جاي انا بالقوه اقدر اقطعه وكل شوي يحاول يقطع ويتراجع ويحاول ويتراجع وهكذا وانا خلاص على اعصابي وربي وربي مدري شسوي الين جاء واحد ومدري وش سوى فيه الظاهر خاصمه المهم انو راح بيتهم وارتحت
طيب والحل يابنات معقوله كذا؟؟