قسم بالله مدري وش يبي اقلقني في عيشتي

السلام عليكم بدخل في الموضوع على طووووووول وقولولي وش فيه ذا الرجال ولا وش يبي يمكن اطلع غبيه ولا قليلة فهم :(

من فتره زوجي يقول البنات-مو كلهن ولا اعمم في بنات ونعم التربيه- ماعاد يستحن في الاسواق والسوبر ماركت ماغير العبايات المخصره والعطر شبرين وراها والعيون والمكياج ووتقعد تغومز بعيونها >>>ترى مو من زينه بعلي :42:

والله الرجال مسكين امام هالمغريات وش يسوي >>>اهااااااا وش يسوي يعني يغض البصر ياسيدي ولا يناظرهن

قال : ما يقدر تنط جنبه وغصب طيب لو سمحت ممكن احاسب قبلك ولو سمحت مدري وش

قلت :وعلى بالك تقول كذا ليش اكيد تستخف بعقل الرجال عشان تخرج من الزحمه والمخفه بتطيح سعابيله لو انها ام الشين كله

قال: المهم اغرته وخلاص >>>قلت طيب وش تبي نقوله يروح يرقمها ولا نسمح للرجال يمسكها بيدها وياخذها معاه

قال : لا بس يصوم احسن له

قلت : زوجي الغالي اللي ما اشوف مثله في الدنيا لو االكمال يجي عندي ما ابيه ما ابي الا انت كلك على بعضك

معقول انت من ذولا الرجاااااااجيل ما اعتقد يابعدي لا مو معقوله ولا اصدق فيك

قال : الان النبي يوسف عليه السلام في ايه <<وهمت به وهم بها >> مو غريزه رغم انه نبي

رحت وبحثت في تاويل الايه واحتمل معنييييين 1- هم بضربها ودفعها 2- هم بها كم يراد من الزوجه الى ان تتداركه برهان من ربه

قلت طيب احتمل معنيين قال خذي بالاقرب

قلت يعني الزبده وش الحل نرسل كل حرمه تغازل رجالها في السوق عشان ما ينحرف سكت وقال خلاص ما صدقتي بتستدرجني ما عندي شي

ادري ادوختكم بقلت وقال بس وربي مو اول مره يجيب هذي السيره ولا ادري وش يبي يوصله نوروني اختكم ام جوري

بنات الله يرضى عليكم لا تقولون مكبره الموضوع افهموا هالنقطه يقول اثارت شهوته وبعدين اكيد بيروح يفرغ طاقته في زوجته

يعني هالعفيفه اللي جالسه في بيته طول العمر ما اثرت فيه وما يجيها الا تفريغ طاقه من شهوه اثارتها بنت الحرام وربي دمي محروق

امنا بالله مافي اشد فتنه على الرجال من النساء يعني نعذر الرجال اذا زنا >>>انا حسيت من كلامه يقول اعذرونا اذا ارتكبنا الحرام

يييييييه طيب وزوجته حلاله وش يحده على الحرام >>>قال اقصد الشباااب >>>ورغم كذا الشاب المتحصن بالدين وغض البصر ما يطالعهن اعوذ بالله منهن

يعني معليش اعذروني اقدر اطق اللثمه والبس من العبايات اياهم والمكياج والعطر وامشي في السوووق واصير احسن منهن بعد بس وش يردنا غير خوفنا من الله وانا متربياااااااااات والحمد لله وفوق هذا حفاظ على نفسي عشاني وعشان زوجي يقوم يطالعهن والله مصيبه