حتى مره كنا ناظر قناة بدايه وقال دكتور فيها احيانا يصير فيه جفا في العلاقه الزوجيه لدرجة ان واحد جالس هو وحرمته سنتين في نفس البيت ما يكلمون بعض تدرون وش رد زوجي قال فكه ؟

اختي في خلل في العلاقه بينك وبين زوجك وهالخلل مب من يوم ويومين انتي ماعندك ثقه بزوجك وهو اصلا حاس بهالشي يمكن زوجك فيه غرور وكبرياء وحس بالاهانه لما وقفو اهلك بوجهه قال اطفشها بعيشتها عشان استرد كرامتي واطين عيشتها بكلامي الزفت وتقربي من الخدامه او الافلام واخليها تشك فيني يمكن زوجك من النوع اللي اصلا مايقيم للزوجه وزن وهذا راجع لتربيته او ربعه او او الله اعلم

اختي زوجك يبغي ينرفزك وهذا واضح من اسلوبه تعرفين وين الغلط ؟؟؟ لما تعطينه اللي يبغيه وتسوينه له بكل بساطه !!! منو قالك حل مشكلتك بالتلصق والتميلح ووو مع رجال مثل زوجك اختي زوجك بحاجه لاعادة رجولته واول شي بحاجه لاحد يعلمه قيمه الزوجه والمرأه والحياة الزوجيه !! ومنو بيعلمه هالشي ؟؟؟ انتي ومحد غيرك !!!

شوفي يا عمري اول شي اكبر غلط ان تحسسين الخدامه انها سبب في غيرتك ومشاكلك مع زوجك لانها اذا ماكانت منتبهه على زوجك ومب حاطتنه في بالها ممكن يدش مزاجها او تحس ان زوجك يرغب فيها وينظر لها نظره غير الله اعلم بطينتها يعني مانقدر نحكم عليها يمكن هي اصلا تخاف الله وما تلتفت لهاي الاشياء جايه تشتغل وبسسسسسسس ويمكن تكون من النوع الثاني وصدقيني لو دخل زوجك سالفة الخدامه براسه او حتى هي دخلت زوجك براسها انتي الوحيده الخسرانه !!!

هدي المشاكل شوي وحاولي ماتثيرين اعصابه باي شي عيشي حياتك لك وحدك وبسسسسسسسسسسسس ابتعدي عنه شوي سوي واجباتك كزوجه تجاه زوجك ولا تقصرين ببيتك وعيالك بس لا تكثرين دلع وتلصق ولا تبينين انك مهتمه
اهتمي ببيتك وببناتك انتي شخصيا وتعاملي مع الخدامه بكل لطف وانسانيه وحدووووووووود يعني عرفيها حدودها وواجباتها وبس خلي لها التنظيف والغسيل والكوي وكللللل امور زوجك وبناتكك خليها لك انتي وبس

زوجك اكيد بيحاول يثيرك ويستفزك انتي لا تلتفتين له او خلي نفسك مب فاهمه هو شو يبغي تعاملي عادي وقولي له اذا قالك انتي متغيره او مادري شو قولي له معقول انا كذا لا انا عادي بس انت يمكن حاس بهالشي لاني عادي مب متغيره ولا شي

التفتي لنفسك وعيالك اشغلي نفسك باي شي شوفي شو تحبين وسويه رفهي عن نفسك اضحكي اطلعي وعيشي جو غيييييييير عن الجو اللي انتي عايشتنه ويمكن اختي انتي بالفعل اسلوبك استفزازي حاولي تراقبين تصرفاتك وتتعاملين بكل هدوء ولطف ونعومه

وبعدين اختي ريحي نفسيتك اول شي تقربي من الله اكثر والحي بالدعاء وكثري من الصدقات وثاني شي احسني الظن !!! طبعا بزوجك وبالخدامه وبكل من حواليك لا تخلين للشيطان مدخل ممكن يدخل لك منه احسني الظن بزوجك وانتي ادرى فيه تعرفين اذا كان هالشخص يحبك والا لا

تعرفي على مفاتيحه وتقربي من شخصيته وشوفي شو احسن اسلوب للتعامل مع شخصية زوجك طبعا هذا من خلال القراءه وتثقيف نفسك اختي حاولي تطلعين وتطلعين بيتك واسرتك من هالجو اول شي نفسسسسسسسسسك اذا انتي ارتحتي وتغيرتي راح ينعكس هالشي على اللي حواليك ارجعي بذاكرتك لايام زواجكم الاولى وحبكم وكلامكم شوفي شو تغير وليش تغير انظري لزوجك مثل ماتحبينه ينظر لك يعني شوفي نفسك وتصرفاتك بعيون زوجك وقيمي نفسك والا تبغين حل ثاني طلعي نفسك واتخيلي انك تنصحين صديقتك وهي تشتكي لك من زوجها شوفي شو بتنصحينها وشوفي شو عيوبها وميزاتها وكلمي نفسك بصراحه وقفي قدام المرايا وشوفي انتي اليوم وين ووين كنتي وهل هاي هي الحياة اللي تتمنينها لنفسك او هالوجه الحزين هو اللي تستحقينه ؟؟؟

اختي نصيحه من اخت انتي تغيري وبتلقين نفسك تلقائيا تغيرين اللي حواليك زوجك بحاجه لانه يحس يقيمتك كزوجه وكام لعياله ويحس بنفس الوقت بقيمته بحياتك ووجوده وثقتك فيه لا تتسرعين وتخربطين اوراقك كلها مره وحده لانك بتتعبين وبتفشلين احلى التغيير اللي يجي على رواق وبخطوات مدروسه وثابته وصحيحه وافشل الخطط هي اللي تجي عفوائيه ومتسرعه ومتخبطه قعدي مع نفسك وشوفي انتي شو يميزك وابرزيه وشو عيوبك وحاولي تصلحينها ابدي بنفسك وبعدين بعيالك وزوجك وبيتك خلي زوجك ينظر لك بنظره ثانيه حلوه خليه متشوق لك ولبيتك لا تنفرينه بشكك او باستفزازك ونكدك خليك بحالك وعالجي كل شي بهدوء وحكمه واذا تقدرين تتصلين باستشاريه تنصحك اتصلي او دشي مواقع الاستشارات الاسريه وثقفي نفسك وشوفي مشاكل غيرك وحاولي تتعلمين

وربي معاك ويسهل عليك

معليش اختي.. توك وضحتي الصوره كامله,, حنا حكمنا من موقف واحد وماكنا عارفين ابعاد الموضوع كله..طبعا اختنا غرشوب رعبوب كفت ووفت.. اذا تكلم عليك لااااااااااتردين عليه وتجنبي المشاكل معه.. اذا جا خلصي اي شغل في البيت نظفي كنسي اطبخي وتجاهليييييييييييييه تماما.. وسالفة الافلام هاذي انا من رايي انك تسوين حالك ماعندك سالفه وحطي مطويات دينيه بالاماكن الي يجلس فيها عن غض البصر وسوء الخاتمه او خلي بنتك تعطيها اياه على اساس وزوعوها بالمدرسه.. وبما ان الاسلوب الحلو ماجاب نتيجه.. اخصريه ولا عاد تقولين له كلام حلو ولا ليالي رومانسيه وبنفس الوقت خليك بقمة اناقتك في البيت<فااااااااهمه>بالعربي اثقلي شوي واذا سهر برى البيت لاتكلمينه ولا ترسلينه<بس اذا تقولين بناتك يسالون عنك وتصبح على خير ابي انام> اي شي يبين انك مو مهتمه وبدل هالوقت الي ضايع معه بلا فايده خليك على سجادتك وادعي ربك من قلبك واستغفريه والله يصلحه ويسخره ويحفظ بناتك ويسر امورك كلها..

http://forum.hawaaworld.com/showthread.php?t=279731
اختي شوفي هذا الرابط راح يفيدك اكيد
لكن يحتاج وقت لقراءته
اتمنى اكون نفعتك

شكرا يابنات بس ترا انا رجلي من اخذته وانا في شهر العسل ما يقبلني ولا يقول لي كلام حلو ليش مدري المشكله انه احيانا اذا شاف احد بسوق والا اصنصير قال يحليلهم توهم متزوجين يدري صرت انا اقبله واقوله كلام حلو كني اقبل مخده حتى اذا ضمتيه ما يضمني يخلي يدينه طايحه مدري وش فيه البس اتزين حتى قمصان النوم احيانا يقول ماله داعي تشترين عاد بيتغير فيك شي انت نفسك ومع ذلك اشتري انا احب قمصان النوم والبس واتعطر بس مب لمي وقلبه مب علي لو يجيه هندي من الشارع يه
قول حرمك سوت كذا يقول صادق ويجي يتهاوش معي ويسوي مشاكل مره تهاوشت انا واخوي يوم درا ويتهاوش معي وينطلني عند اهلي كان اول يضربني وكنت ما ادخل اخواني ما ابغاها تكبر قال اهلك عارفين وش انت آخر شي دخلتهم مليت يابنات اذا جلست عنده قام يسوي علي حركات ينكد يقولي كلام مدري وش يبغا انا ما تهميني انا الحريم ما يهموني اذا ضاق صدري من شي ما اقدر اعلمه بالي مضيق صدري يسويها مشكله او اذا علمته خلا السالفه براسه يستغلها دايم اهم شي بناتي اذا دخل يبوسهم ويضمهم ويشتري لهم وانا مطنشني حتى يقول لي مره مسكينه علاقتي فيهم زينه يحسسني انه عدو مب زوج ما يحرص انه يزين علاقته فيني ولا شي حتى مره يتكلم علي قلت له احترم الناس يحترمونك قال ما بقا الا انت احترمك احتقار صرت امشي واشتكي لاهلي لين صار ما عاد لي وجه مدري وش اسوي؟