• امه داعيه عليه بقيام الليل.... لا تنسي تاخذي حبل معك تربطيه اذا قومك من نومك وازعجك

موضوع تافه لاابعد الحدود ..ايش دخلك بالناس خليها تفضفض! !!! عالم غريبه جدا! !!

قسم حياه اسريه مخصص للحياه الزوجيه فالواحده هنا تجي تنزل مشكله تحتاج إلى الرشد والنصيحه تحتاج إلى الفضفضه إلى حد يسمعها وخصوصا اذا كتبت المشكله وهي في قمه حزنها او غيظها وبتلاقي حلول سديده ساعدت في حل مشكلتها وهنا عضوات استفادوا كثير من نصايح البنات ومنهم مثلا ام جنى نصحوها البنات تشتكي ع زوجها الشكاك وتتطلق وفادتها النصيحه وتخارجت منه عندك العضوه تقريبا اسمها بنت نجد نصحوها البناات تتواصل مع زوجها وترجع لبيتها والحمدلله عشنا قصتها بتفاصيلها ورجعت لبيتها وفرحنا لها
وأحياناً الواحده تتحمل زوجها عشان اولادها وعشان مملكتها بدل ماتنذل للناس تقعد عند اولادها وبيتها ابرك لها لان ماعاد في حد يتحمل حد
بالنسبه للزوج بدل حرب داحس والغبرا انصح ان الواحده تستغل كيدها وذكائها وتكسب زوجها وتخليه يعمل لك هذه الاشياء بطيب خاطر
الزواج موده وحب واستقرار وتشارك بيمرض ادي واجبك بمرضه تحصلي الاجر
عيشي بحب وطالبي بحقوقك وتشاركي انتي وزوجك بالاولاد وعوديه انه يساعدك في الاولاد وحددي لك مصروف شغلي بس ذكائك مو عضلاتك

وش فيكم زعلتو من كلامها
ترى لو تراجعون كلامها تشوفون انها ما كتبت الا الحق

ومعنى كلامها ببساطه اعرفي حقوقك الزوجيه واللي شرعها لك الاسلام ولا تتنازلين عنها تحت أي ضغط او أي تهديد

لانه فعلاً القويه هي اللي تكون قويه في الحق وتتمسك فيه وضعيفه هشه في الباطل وتتنازل عنه

مثل ما انتي يا الزوجه عليك واجبات اتجاه زوجك وبيتك واطفالك ، كذلك زوجك عليه واجبات اتجاهك واتجاه بيتك واطفالك

مثل ما هو يطلع وينبسط ويسهر ويشوف الناس ويرفه عن نفسه انتي كذلك لك حق تشوفين الناس وترفهين عن نفسك

حتى التربيه ومسؤلية الاطفال ودراستهم وجود الاب ضروري جداً لانه يعتبر قدوه لاطفاله يتعلمون من وجوده وتعامله وتصرفاته ان كان صالح صلحوا وان كان طالح ضاعوا

للاسف اغلب المسؤليات على الام لدرجة ان بعض الامهات يوصلون لمرحلة الانهيار والاكتئاب حمل وولاده وتربيه وتدريس ومسؤلية بيت وزوج ملتهي بنفسه وهي تتصارع لوحدها

ههههههههههه ضحكتيني ربي يسعدك
ايوووه سوي اللي قلتي عليه واتمنى تنفذيه وماتتراجعي 👍😙