قسم حياة اسريه سعيده

اكره زوجى بسبب سوء معاملته لى انا متزوجه منذ 13سنه وعندى اربع اولاد وبنت وصبرت هذه السنينمن اجل ابنى الكبير حينما انكشف القناع الزائف له واكتشفت سوء تربيته كنت حامل فى الشهر السادس وكنت افكر فى مصير هذا الطفل فكابرت واصريت ان استمر مع هذا الرجل وأحاول اصلاحه كنت مثل اي بنت تحلم بالسعاده والإستقرار خاصه وانى طلعت من بيت فيه الإستقرار والسعاده وطبعا زي اى بيت عادى لايخلو من المشاكل
لاكن عمرى ماشفت أبوى يضرب امى او يتلفظ عليها بالالفاظ اللى انا اسمعها انا الان سوء معامله طبعا هذا كله بدء باتدريج مع تدهور حالت والدى الصحيه حتى صار فى غيبوبه صرت طبعا عصبيه وحالتى النفسيه زفت كنت احلم بالرجل اللى ياخذنى بحضنه حينما اكون فى محنه ويحتوينى ويحسسنى بالامان انا الان اعترف انى قصرت فى بعض واجباتى بالبيت ولاكن ذالك كان ردة فعل منى غصب عنى فهوى لا يصرف علي كباقى الرجال ولا يعترف لابكسوة عيد ولا شتا ولا صيف هو يصرف على الاكل والشرب وحينما اطلب منه كسوه لعياله علشان ماينقال انه ما يصرف يعطينى يادوب اللى يجيب لهم ملابس داخليه مع ان راتبه جدا ممتاز بس مافيه بركه حاولت اشتكى لاهله لسوء معاملته معى مع الاسف كانت الكلمه اللى قلوها لي الوحهه تصبر رغم انهم شايفين وش قد انا تنازلت عن اشياء كثيره هذا كله عندى كوم واولادى كوم ثانى صرت عصبيه واثور لأتفه الاسباب أضرب عيالى لأي شى تافه والعن واشتم بدون وعى وصار عيالى جدا عصبيين وبس صراخ وصياح على اتفه شى متمردين ومايسمعون الكلام إلابالضرب احاول اتجنب أبوهم علشان مانتخانق قدامهم لاكنه يستفزنى وأضطرأرد.خاصه لما يسئ الظن فينى بطريقه غير مباشره امام اولادى الكبار ورمى الكلام علي حتى وانا باعده عنه وإتهاماته لى بكثرة مكالماتى رغم انى ماأكلم إلا اهلى واهله المشكله ان اولادى صارو يردون علي بنفس طريقة ابوهم يمكن بسبب قساوتى عليهم رغم ان الان احاول اغير من نفسى حتى لاأخسرهم فهم راس مالى بالدنياكما انى لما اوجههم لاى تصرف خاطئ فعلوه يتخانق معي ويقولى خليهم وبعد كيذا يقولى ماربيتيهم ان ماأقدر اطلع من عنده بيت اهلى صغير ولما مره قلت له طلقنى والشرع يرغمه على أخذ بيت لىولعياله هددنى ياخذلى بيت فى وسط حي كله يسكنه عمال وقل هذى قدرتى .........انا ابى طريقه ابتعد عن العصبيه واقدر اهدى عيالى واربيهم بهدوء