يااااحلوك بس من قالك حلال لا والله مو حلال اسدال الثدي عند الرضاعه قدام الناس
الصدر عوره وش يضرها اذا غطته بقماش

اختي ترضع عيالها كلن لعلمك قدااااامنا ترضعهم لكن تغطيه بطرحتها بشال شيء يغطي الصدر والبيبي معه ماحد يشوف صدرها ولا احد يشوف البيبي وهو يرضع

وحنا خواتها وعندها 24ساعه تغطيه لانه حرام اخراج الصدر عند ارضاع الطفل قدام الناس فيه شيء اسمه ستر وغطاء على الصدر وعلى البيبي

لذا ياقلبي يابعد هالدنيا وربي مالك عذر انك تحرمين الطفل من هذا الحق صدقيني هذا حق من حقوقه اخاف يوم القيامه يحاسبك ليش مارضعتيني من صدرك

تصدقين انا اتمنى اني الله يرزقني اني ارضع كل عيالي اذا الله رزقني من صدري ولا احرمهم منه ابد
لانه لاحظ فوائده سبحان الله
امي مرضعتنا كلنا من صدرها وصايرين نحب بعض حب شديدددددد نخاف على بعض وحنا بعيدين لصدقيني نهدي اخواننا وخواتنا ولا نهدي الناس
بس نفكر ببعض ونحب بعض ولا نحش ببعض مترابطين ياااارب لك الحمد ... على بالي من التربيه يعني الابو والام يعلمون اطفالهم وشلون يهتمون باخوانهم ولاتسبون بعض .....الخ
لا والله امي وابوي امييين مادرسوا ولا عمري سمعت امي ولا ابوي يقولون لنا اهتموا ببعض انتم اخوان انتم وانتم لا والله
وربي تزوجنا صرنا نهدي خواتنا بدون مناسبات بس نفكر ببعض ولا نهدي ازواجنا ولا نفكر بازواجنا مثل مااانفكر بخواتي واخواني

بعد ماتزوجت عرفت انه الرضاعه لها دور من ناحية المحبه والترابط بين الاخوان والاخوات
تزوجت واحد امه ماتستخدم الرضاعه الصناعيه كلهم مرضعتهم طبيعي لقيت طبايعهم زي طبايعنا يحبووون بعض ويخافون على بعض والله اختهم الكبيره يوم مرضت جلس عندها بالمستشفى اخوها ماخلاها ترقد لحالها مع انها متزوجه وعندها عيال بس اخوها هو اللي يرعاها واختها تركت الجامعه عشان تعب اختها مع ان امها وابوها عايشين بس يحبون بعض حب شديد وشفت بعيني كيف يحبون بعض لهدرجة

وزوجة عمي عندها عياااال وبنات ولا واحد منهم رضعته رضاعه طبيعيه وربي ماتصدقين كيف التفكك بينهم وكيف الحسد بينهم يكرهون بعض كأنهم مو اخوان وربي توصل للضرب بين الخوات والاخوان وبين الخوات مع بعض وتصير زعل لشهور بين بعض واذا تراضوا عشان ابوهم بس

لذا ياقلبي انا صرت اشوف اللي علاقتهم مررررررره قويه مع بعض اشوف الام هي مرضعتهم طبيعي ولا صناعي
والله لي خاله ترضع عيالها وبناتها طبيعي حتى هم بعد مترابطين يوم تزوجت وحده منهم اختها جتها زي الاكتئاب تبي اختها وهم صايرات زي الصديقات مو خوات

وش اقولك عن الرضاعه الطبيعيه من ناحية ترابط الاخوان والاخوات مع بعضهم .. تكفين لاتحرمينها منه وليييييش تكشفين فيه غطاء لصدر وربي ماااالك عذر يالغاليه انتبهي

والله ياختي ماابيك لك المحاسبه يوم القيامه عشان رضاعه .. راح يسألك الله وش عذريك وش راح تقولين استحي اطلع صدري
طيب صدرك غطيه مالك عذر اذا جيتي ترضعين عيالك عند الناس

ياحبيلك لاتحرمينها ولا تحرمين باقي اخوانها وخواتها منه وربي نعمه مااااتقدر بثمن

اختي الكبيره ببنتها الاخيره صارت تبكي يوم نشف صدرها لانه نشف بسرعه بربع نفاسها كانت تحاول انها ترضع الين الطفله بنفسها رفضته لانه ماينزل من صدر امها شيء ...

تصدقين زي تفكيري يوم ببكري وكنت انقهر من اللي يهاوشونن وتهاوش معهم

مع اني طلعت من النفاس وبديت اداوم يعني محد له كلام عندي عذري بس الناس بس بتحكي

لاني مثلك مو مقتنعه ابد بالرضاااااااعة الطبيعيه

الثاني كنت مقتنعه ارضعه حسيت اني كبرت وفهمت وش اهمية الرضاعه وشفت صديقاتي اصغر مني وحريصات على ترضيع اطفالهم

وشفت فايدته

قلت لازم ارضع رضعته قسم بالله على التعب الجسمي اللي شفته بس راحة نفسيه ووناسه وحنية وشي مو طبيعي ماقدر اوصفه

لانه ماراح تحس فييه الا اللي مجربة الرضاااعه الطبيعية

ولدي اقل من شهر جته حاله صار مايبي صدري ابد قعدته يومين من دون حليب على موية وتمرة بس

ابيه يرجع لصدري حتى صرت اشفطله مايشربه ابد ولو تدخل نقطه استفرغها مدري وش السالفه

وقعدت اصيح من القهر لانه حساااااافة

واللحين ان شاء الله ناوية بأذن الله ست شهوور على الاقل ارضع وودي بالسنتين كلها بس علشان الدوام بعد ست شهور

ادعيلي ربي يسهلها لي ويساعدني على رضاعتها لانه ترى الرضاعه شي مو هين

وانا اعتبر الام اللي ترضع ام عظيمة لاني جربت وشي الرضاعة الطبيعية

ولما اشوف ولدي الكبير يكسر خاطري قووه لاني احس اني ضالمته

طبعا انا حكيتلك لاني كنت مثلك يوم بكري بس تغيرت نظرتي تغيير جذري

وبالنسبة للستر عندي الشرشف اللي من سنتر بوينت واتغطى فييه

المفروض كل وحده تسوي كذا

وصدقيني بس تجربين ترضعين تحسفين قد شعر راسك انك حرمتي بنتك الاولى منه

مثل ماقاعد يصير لي اللحين مقهوووورة مرة مع ان الثاني ماطولت بالرضاعه بس هو رفضه لكن الاول

انا اللي حرمته مع انه قعد بالحظانة اسبووع ولما جاني صدري نشف بس كان المفروض احطه على صدري لين يدر

وكانت امي تترجان بس انا خبلة ميبه راسي كل ماتذكر نفسي احس صدق اني خبله خخخخخخخخخخخخ

تسلمو خواتي انا مقتنعه مبدئيا لرضاعه الطبيعيه
بس من ناحية المظهر احس شكلي مو حلوووو

والطفل اذا سوى حكات يبغى يرضع ماحس اتقبلها

الله يهديني