اخي الكبير
كان ضابط بالجيش بعد تخرجو خطب بنت عمتي
تزوجو فترة قصيرة وطلقها واستقال من وظيفتو وطلع برا البلد من يومها هالحكي من ١٨ سنة واكثر
عاش برا البلد واسس وصار ماشاء الله من الاغنياء
اخي هذا بدون طلب بيحب يساعد الجميع
امي وخالاتي وعماتي اي حدا من العيلة بيساعدو بدون مقابل
خيرو مغرقنا وخصوصا امي وابي بيبذخ عليهم كثير
بالمقابل عندي اخ مابيحب ابدا هالحركات وكل مابيبعت النا اغراض بيعاتبو ومادخلك فيهم وعندهم رجال يصرفو عليهم
اخواني البقية ملتزمين الصمت مادخلهم بحدا كل واحد همو بيتو بس
مافي غير الكبير عم يلاحق امورنا والثاني عم يوقفو
اخواتي ٢
وحدة ناس ضحكو على زوجها انو يبيع بيتو ويشتري دبلوكس وصدقهم راح باع بيتو وتورط بعدين ماقدر يكسي البيت وراتبو ماعاد كفى شي نتيجة الازمة لي صارت عنا
اخي الكبير بدون تردد قلها بتاخذي مفتاح بيتي وبتسكني فيو انتي وزوجك وولادكم والها على هالحال ٨ سنين عايشة ببيت اخي هي وزوجها وفوقها بيبعت الها مصاري كل شهر
مناحسها كل مازارتنا هز بدنها وبهذل زوجها واخر مرة لانها حامل بهدلها وقلها بدال ماتحبلي وتخلفي فوق ٤ لي عندك روحي جمعي واكسي بيتك وطلعي من بيت اخوكي بدال مالك قاعدة مثل العالة عليه
اختي صارت تبكي وراحت
اختي قالتلي لو بعيش عمري كلو مارح اقدر اكسي بيتي الاوضاع شايفتيها بالبلد راتبي وراتب زوجي عم يكفي اكل وشرب ومصاريف النا واخي متفهم وضعها وقلها لو بتعيشي العمر كلو بالبيت مافي مشكلة عندي ولا تردي عليه
واختي الثانية كانت عايشة بعز هي وزوجها لحد ماراح احتياط على الجيش وترك شغلو صار حالهم ضيق كثير ونفس الشي خصص الها راتب وبكل هالشي بيضل بيبهدلها وزوجها بينزل ١٠ ايام بالشهر بس
اخي الصغير لي مات بالبحرين راح لعندو واتدين منو مبلغ كبير وخلص شقتو مشان ينزل نهائي ويستقر يتزوج بس ياحسرتي عليه مات وكان واعدو يسد الو المبلغ دغري
اخي من شدة حزنو عليه قال انا مسامحو مابدي شي منو ولا الو عندي شي
بيجي الثاني قبل كم يوم بيتصل عليه وبيقلو لا مافي مسامحة وانا خبرت ابوك شقة اخوك بتنكتب ب اسمك يابتنباع وبتاخذ مصاريك انت مالك مجبور فيهم
شوفو قسوة القلب هي واخوك مالو صغير لحتى تملي عليه
حتى الزلمة المريض زوج ابن خالتي منعو من مساعدتو وعلى قولو مادخلنا لك اخي
لك الزلمة مريض بالمرض الخبيث وبرقبتو ٥ وين بدو يشتغل ولا بدو يوفر حق الجرعة لي كان ياخذها ويرجع اقسم بالله مايقدر يمشي من التعب وبنت خالتي قصدت امي لانو امي حنونة عليهم
حتى بعد موتة هالرجال بيقلي قولي لبنت خالتك انو مصاري اخي ديون عليها بيقصد مصاري علاج زوجها الله يرحمو قلتلو خلص خدهم مني انا سدادة عنها وحاكيت اخي قلتلو انا رح ادفع عن بنت خالتك قلي والله مابدي شي منها بس اخوكي هذا هو لي عم يعمل هالحركات ويومها تقاتلت معو انو شو هالقلب القاسي راعي حال الناس مو يعني انك عايش بنعمة ومنصب تقعد تتجبر على خلق الله ومادخلك ب اخوك هو كبير وهو بدو هيك
انا والله الحمدلله عايشة بخير ونعمة بس اخي بيضل بيفقدني وقبل كم يوم كان باعت اغراض لولادي
واخي شاف هالشي جن جنانو مني وضل عم يبهدلني ساعة كاملة وما اكتفى راح دق على زوجي وقلو الله معطيك من خيرو اصرف على اختي بدال ماعم تشحد من اخوها هذاك عصب واتصل علي وقام بالواجب معي
انا فقعت من غضبي ورحت بهدلتو لاني سكتت كثير عليه وقلتلو انا شحادة ياحقير
فوق مالك مقصر بحق ابوك وامك
كل يوم غداكم لحم وجاهز انت ومرتك وولادك مابتقول لحالك اطلع اعزم امي وابي او اخدلهم حصة ياكلوها بتفوت افخم انواع الحلويات على بيتك يوميا حتى قعدة مع امك وابوك مابتجي بتقعد بس قاعد تحرض اخوك لا تساعد اخواتك ولا تساعد اخوانك شو دخلك انت حاجة زودتها كثير وماعاد اقدر اتحملك
بس مو العيب منك لا العيب من مرتك لي عم تحرضك وراخيلها الحبل ولا نسيت يوم صارت تبكي وتتحزن لانو ابنك باس ايد جدو وستو وصرت تقول هالعادة مامنيحة ومو مجبور ابني لا مجبور تحط صرماية ابوك وامك فوق راسك وراس مرتك كمان
حتى نحنا عماتهم مابيطيقو يشوفونا من كثر الام ماعم تعبي بروسهم علينا ياعيب الشوم عليك شو عاد بدك انهي هالقصة مادخلك لما بيكون المال مالك تحكم الله لا يحيجنا الك شو بترضى اختك تنزت بالشارع ولا اختك الثانية تمد ايدها للغريب هيك ساعتها بترتاح انت وشمئرين لي قاعدة عندك عم تزن براسك كل يوم
اقسم بالله ماكان بدي احتك فيو ابدا بس جبرني اني احط الو حد اخيرا حاجة قرفنا عيشتنا وفوقها بدو يعمل وصي علينا
انا عندي ولد من طليقي الاول وابوه ناكرو مابدو ياه
بدو ياني ازتو ل اهل ابوه واتخلى عنو بحجة انو مادخلني وابوه واهلو قاسيين عليه وبيقول لزوجي مادخلك فيو للولد هذا يا امو بتصرف عليه يا اما ترميه عند ابوه وحتى زوجي بهدلو
اخواتي البقية مادخلهم بشي بيضلو ساكتين بس انا لي عم اكلها ومعي اخواتي الثنتين منو ومن مرتو هي بتعبي براسو وهو بيطلع النا
اقسم بالله مابدي احكي عنو بس فعلا زودها وانا مغتاظة منو كثير شلون عم يقول عني شحادة لزوجي
استغفر الله العظيم بس
ناريمانه @narymanh
عضوة نشيطة
يلزم عليك تسجيل الدخول أولًا لكتابة تعليق.
اخوك حسود فتان واقف على صدقات اخوك الغني يالله ليش كذا
وكمان يحرض زوجك عشان ما يصرف على ولدك ما يقدر يشوف احد مرتاح هو ماله مين يصرف على مين، حتى اخوته يحسدهم
ايش طينته هذا 😡
بس نقطة وحدة اشوف معاه حق اختك وضعها المادي سيء هي وزوجها ولا حتى عندها بيت يلمها وفوقها تحمل وتنتظر مساعدة معليش برأيي غلط مو قادرة توكل اللي معاها كمان تجيب ليه موانع الحمل الطبيعية والصناعية كثيرة
وكمان يحرض زوجك عشان ما يصرف على ولدك ما يقدر يشوف احد مرتاح هو ماله مين يصرف على مين، حتى اخوته يحسدهم
ايش طينته هذا 😡
بس نقطة وحدة اشوف معاه حق اختك وضعها المادي سيء هي وزوجها ولا حتى عندها بيت يلمها وفوقها تحمل وتنتظر مساعدة معليش برأيي غلط مو قادرة توكل اللي معاها كمان تجيب ليه موانع الحمل الطبيعية والصناعية كثيرة
لا حول ولا قوة الا بالله اعطيه اذن من طين واذن من عجين الحمد لله ان اخوك الكبير ماشاء الله تبارك الله ثابت بمبادئه ومايسمع كلامه الله يجزاه خير ويكثرخيره ويكثر من امثاله 🌹🌹🌹🌹
ناريمانه
•
اخوك حسود فتان واقف على صدقات اخوك الغني يالله ليش كذا وكمان يحرض زوجك عشان ما يصرف على ولدك ما يقدر يشوف احد مرتاح هو ماله مين يصرف على مين، حتى اخوته يحسدهم ايش طينته هذا 😡 بس نقطة وحدة اشوف معاه حق اختك وضعها المادي سيء هي وزوجها ولا حتى عندها بيت يلمها وفوقها تحمل وتنتظر مساعدة معليش برأيي غلط مو قادرة توكل اللي معاها كمان تجيب ليه موانع الحمل الطبيعية والصناعية كثيرةاخوك حسود فتان واقف على صدقات اخوك الغني يالله ليش كذا وكمان يحرض زوجك عشان ما يصرف على ولدك ما...
امر الله وصار وحبلت شو نعمل خلص
مو قصة حسود بس مابعرف ليش هيك عم يعمل ليش عم يتضايق وقت يشوف اخوه عم يساعد هالناس وبحجة خبي مصاريك وهالناس مابتنفعك قرفنا الحياة كثير صار يبالغ حتى اخي الكبير كارهو وشوي رح ينفجر فيه
مو قصة هيك كمان حتى تحكم عم يتحكم فينا كلنا انا بعرف انو مرتو هي اساس كل شي بس الله المستعان
مو قصة حسود بس مابعرف ليش هيك عم يعمل ليش عم يتضايق وقت يشوف اخوه عم يساعد هالناس وبحجة خبي مصاريك وهالناس مابتنفعك قرفنا الحياة كثير صار يبالغ حتى اخي الكبير كارهو وشوي رح ينفجر فيه
مو قصة هيك كمان حتى تحكم عم يتحكم فينا كلنا انا بعرف انو مرتو هي اساس كل شي بس الله المستعان
الصفحة الأخيرة
ما كملت كل الكلام لأنه طويل و مرصوص
لكن الذي فهمته هو أن أخاك مغتاض لأنه ما استطاع
أن يوفر لاهلك ما وفر أخوه الأكبر
و بالضبط هو غيران منه لأنه تكون و كون و صار يظرب له ألف حساب
لماله و صدقاته و مرتبته بالحياة
و هو من النوع الضعيف فمنهم من يغبط و يقلد و يصل
للمكانة التي أغبطته في غيره
و منهم من تتملك قلوبهم الغيرة فينطون هنا و هناك لإثارة المشاكل فقط
لأنه ما نفع و ما ترك للناس المجال تنفع
الله يهديه و يصلح حاله
و حتى تخففوا من وطأة غيرته امدحوه و أثنوا على مجهوده و لو بسيطا